Central California Alliance for Health | Nyob boj qab haus huv | Lub Cuaj Hlis Ntuj 2019

Phau 25, Tsab Xov Xwm 3 LUB CUAJ HLIS NTUJ 2019 HAUS HUV Ib daim ntawv xov xwm rau cov tswvcuab ntawm lub koom haum Central California Alliance for Health Ib tug ntawm tsib tug menyuam yaus hauv Tebchaws Asmesliskas rog heev. Thaum menyuam rog heev nws yuav muaj feem ua rau cov menyuam yaus muaj tej yam kev mob kev nkeeg uas yav tas los tsuas yog pom cov neeg laus muaj xwb, xws li mob ntshav qab zib hom 2, mob ntshav siab thiab mob plawv. Cov xov xwm zoo yog tias koj yeej pab tiv thaiv tau kom koj tus menyuam tsis txhob rog heev. Vim peb ua kev zoo siab rau Lub Hli Ceeb Toom Thoob Plaws Ntiaj Teb Los Pab Kom Cov Menyuam Yaus Tsis Txhob Rog Heev, lub Alliance pab txhawb koj tsev neeg los hloov ua tej yam ua ke kom nej noj qab haus huv hauv nej lub neej. ●  ● Mus ua ub ua no nraum zoov. Mus taug kev ncig thaj tsam ntawm koj nyob, mus caij luv thij lossis txawb npas basketball tom phoj. ●  ● Tswj lub sijhawm saib tej yam khoom siv fais fab. Tswj kom lub sijhawm siv los saib tej yam khoom siv fais fab (sijhawm siv koospijtawj, saib TV lossis tua game) kom tsuas yog ob xauj moos txhua hnub lossis tsawg zog. ●  ● Ua tej yam pluag mov uas noj qab haus huv. Yuav thiab muab zaub, txiv hmab txiv ntoo thiab cov qoob loo whole grains los noj ntau zog. Thaum koj hloov tej yam me me rau koj tsev neeg nws yuav pab koj tus menyuam hnyav kom haum yam noj qab haus huv. Lub Alliance muaj Txoj Kev Pab Cuam Cia Lub Cev Hnyav Kom Haum Yuav Pab Tau Muaj Kev Noj Qab Nyob Zoo Mus Tag Tiam ( Healthy Weight for Life program). Qhov kev pab cuam no yog rau cov menyuam yaus thiab cov tub ntxhais hluas uas muaj hnub nyoog 2 mus rau 18 xyoo uas xav hnyav kom haum. Txoj Kev Pab Cuam Healthy Weight for Life yuav pab koj tus menyuam kawm tias lawv yuav noj mov li cas kom noj qab haus huv thiab nquag ua ub ua no zog tuaj. Koj kuj yuav kawm tau tej yam los pab txhawb koj tus menyuam thiab hloov tej yam ntawm koj lub neej kom noj qab haus huv. Tham nrog koj tus menyuam tus kws kho mob txog qhov kev pab cuam no. Tus kws kho mob yuav tau xa koj tus menyuam mus rau qhov kev pab cuam yog nws xav tias koj tus menyuam yuav tsum tau mus. Koj hu tau rau Lub Alliance Phab Qhia Kev Noj Qab Haus Huv Tus Xovtooj ntawm (800) 700‑3874, ext. 5580 yog tias koj xav paub ntau zog. Muab cov ntsiab lus tawm los ntawm: healthfinder.gov/NHO/SeptemberToolkit.aspx Lub Cuaj Hlis Ntuj Yog Lub Hli Ceeb Toom Thoob Plaws Ntiaj Teb Los Pab Kom Cov Menyuam Yaus Tsis Txhob Rog Heev Koj puas tau npaj txhij rau thaum yuav tau muab faib fab kaw los txhawm rau pej xeem kev nyab xeeb? Thaum txog lub sij hawm uas muaj hluav taws hav zoov kub hauv lub xeev California, txhua cov faib fab uas hla cov cheeb tsam uas nquag muaj hluav taws kub-nyob yuav raug muab kaw los pab txo kev hluav taws hav zoov kub. Kom paub ntau ntxiv thiab ua kom koj npaj txhij rau kev yuav kaw fais fab, mus saib www.pge.com (cov lus qhia no tsuas muaj sau uas lus Askiv xwb) los sis hu rau PG&E tus xov tooj hu dawb ntawm (866) 743-6589 .