Central California Alliance for Health | Nyob noj qab haus huv | Lub kaum ob hlis ntuj xyoo 2020

HAUS HUV Ib daim ntawv xov xwm rau cov tswvcuab ntawm lub koom haum Central California Alliance for Health Phau 26, Tsab Xov Xwm 4 LUB KAUM OB HLIS NTUJ XYOO 2020 Pib Lub Plaub Hlis Ntuj Tim 1, 2021, Lub Tuam Tsev Haujlwm Saib Xyuas Cov Kev Pab Kho Mob (Department of Health Care Services; DHCS, raws li sau hauv lus Askiv) yuav tswj hwm txoj cai tau txais los ntawm daim ntawv yuav tshuaj rau cov tswvcuab Medi‑Cal. Qhov kev pab tshiab no hu ua Medi‑Cal Rx. Lub Alliance yuav tsis tswj koj cov kev txais tshuaj no siv ntawv yuav tomqab Lub Peb Hlis Ntuj Tim 31, 2021. Lub Alliance cov tswvcuab yuav mus muab ntxiv lawv cov tshuaj noj siv ntawv yuav nyob rau lub tsev muag tshuaj uas lawv tab tom siv tam sim no lossis hauv kev xa khoom tuaj. Koj yuav tau muab koj Daim Npav Qhia Kev Txais Kho Mob (Benefits Identification Card; BIC, raws li sau hauv lus Askiv) thaum sau daim ntawv yuav tshuaj ntawm lub tsev muag tshuaj. Yog koj muaj lus nug txog txog koj cov tshuaj noj siv ntawv yuav nyob rau lossis tom qab Lub Plaub Hlis Ntuj Tim 1, koj yuav tau hu rau Medi‑Cal Rx tus xov tooj 800-977-2273 (TTY: 7-1-1 ) los sis mus rau medi-calrx.dhcs.ca.gov . Tiv thaiv koj tus kheej yam txwv tsis pub lwm tus paub txog koj Cov lus qhia hais txog koj li kev noj qab haus huv yog pub rau koj tus kheej paub xwb. Koj tsim nyog muab khaws cia raws li ntawd. Vim li ntawv peb thiaj ua txhua yam los tiv thaiv koj tus kheej yam txwv tsis pub lwm tus paub txog koj lossis koj li ntaub ntawv kho mob. Tej zaum peb yuav qhia tawm txog koj cov ntaub ntawv hais txog kev kho mob, kev them nyiaj thiab kev saib xyuas kev noj qab haus huv yam tsis tas nug kev tso cai los ntawm koj. Ib qho piv txwv yog qhia rau tus muab kev pab kho mob tias koj tsim nyog yog tus tswvcuab ntawm pab pawg Alliance kom nws kho tau koj. Tseem muaj lwm yam xwm txheej uas peb tseem yuav tau qhia tawm txog cov ntaub ntawv yam tsis tas yuav tau kev tso cai ntawm koj. Txhua yam no raug txiav txim los ntawm kev cai lij choj. Tsis tas li yog lwm lwm tus tib neeg nug txog koj cov ntaub ntawv, yog dhau ntawm yam kev cai lij choj tso cai lawm, koj yuav tau teb POM ZOO ua ntej peb yuav muab tau cov ntaub ntawv rau lawv. Peb yeej tshuaj xyuas txog txoj kev ceev koj tej ntaub ntawv cia yam nyab xeeb lug tas li. Thiab peb yuav ua li ntawv tas li mus. Peb xav kom koj tau txais kev saib xyuas zoo thiab muaj kev kaj siab. Yog xav paub ntau ntxiv txog peb cov kev txwv tsis pub lwm tus paub txog koj lossis koj li ntaub ntawv kho mob, saib Daim Ntawv Ceeb Toom Hais Txog Kev Txwv Tsis Pub LwmTus Paub Txog Koj Lossis Koj Li Ntaub Ntawv Kho Mob uas nyob tom qab Phau Ntawv Rau Tus Tswvcuab/Daim Ntawv Puavpheej Hauv Kev Kho Mob thiab Ntawv Qhia (Evidence of Coverage; EOC, raws li sau hauv lus Askiv). Nws tseem muaj nyob rau hauv peb lub website, www.ccah-alliance.org . Lus qhia tseem ceeb txog cov kev txais tshuaj noj siv ntawv yuav tshiab rau cov tswvcuab Medi-Cal