Central California Alliance for Health | Nyob noj qab haus huv | Lub rau hlis ntuj 2020

Phau 26, Tsab Xov Xwm 2 LUB RAU HLIS NTUJ 2020 HAUS HUV Ib daim ntawv xov xwm rau cov tswvcuab ntawm lub koom haum Central California Alliance for Health XAV PAUB COV NTAUB NTAWV NTXIV , mus saib shotsforschool.org . Kev pib lub xyoo kawm tshiab Txhaj tshuaj tiv thaiv kab mob ntxiv rau koj tus menyuam Tam sim no lub xyoo kawm xyoo no tag lawm, tab sis tseem xav txog xyoo dhau los. Koj puas nco qhab cov as thiv npaj pib rau lub xyoos kawm ntawv no lawm? Puas yog koj poob siab tias koj tus menyuam tsis tuaj yeem pib mus kawm ntawv tau yog tsis tau txhaj qee cov tshuaj tiv thaiv kab mob? Puas yog koj raug khuam sib tham hauv xov tooj nrog koj tus menyuam tus kws kho mob rau lub as thiv—lossis hnub!—ua ntej mus kawm ntawv, kev tos teem caij coj koj tus menyuam mus txhaj tshuaj tiv thaiv kab mob? Lossis tej zaum koj tus kws kho mob tsis muaj cov sijhawm teem caij mus ntsib lawm thiab koj tus menyuam tau plam tsis tau mus koom thawj hnub pib kawm ntawv? Tsis txhob ua kom rov qab ntsib teeb meem dua li xyoo tag dhau los. Kev pib lub xyoo kawm tshiab. Yog koj tsis paub meej tias koj tus menyuam puas yuav tsum tau txhaj tshuaj tiv thaiv kab mob, lossis yog koj tsis tau txais ntawv ceeb toom tuaj ntawm koj tus menyuam lub tsev kawm ntawv, qhov zoo tshaj ces hu rau koj tus menyuam tus kws kho mob teem caij mus ntsib nws. Yuav tsum tau txhaj tshauj tiv thaiv kab mob rau koj tus menyuam, pib rau thaum pib mus kawm ntawv, mus rau thaum lub sijhawm lawv kawm ntawv txuas mus ntxiv. Txij thaum xyoo 2016 los, cov niam txiv tsis tuaj yeem thov zam kev txhaj tshuaj tiv thaiv kab mob rau lawv cov menyuam txhawm rau kom mus kawm ntawv tau. Tau pib cov cai tshiab hauv tsev kawm ntawv rau xyoo 2019 lawm! ●  ● Tsev kawm ntawv menyuam me: Ntxiv rau hom tshuaj polio, DTap, Hep B thiab MMR, yuav tsum tau txhaj ib hom tshuaj txhaj tiv thaiv kab mob ntxiv varicella (kab mob ua qoob uas sib kis tau) rau thaum pib kawm tsev kawm ntawv menyuam me. ●  ● Qeb kawm xya: Ntxiv rau txhua yam tshuaj txhaj tiv thaiv kab mob hais los saum toj saud, yuav tsum muaj ntaub ntawv pov thawj txhaj tshuaj Tdap thiab varicella (kab mob ua qoob uas sib kis tau) thiaj li pib mus kawm qeb xya tau.