Central California Alliance for Health | Nyob boj qab haus huv | Lub Kaum Ob Hlis 2017

xov xwm rau tus tswvcuab K oj puas paub thaum koj yuav tsum raug xa mus los ntawm koj tus Thawj Kws Kho Mob (Primary Care Provider; PCP, raws li sau hauv lus Askiv) ua ntej yuav tau txais kev pab cuam? Qhov sib txawv ntawm kev xa mus thiab kev tso cai yog dab tsi? Koj puas mus tau rau ib tug kws kho mob uas tsis muaj ntawv cog lus lossis tsis nyob hauv peb pab pawg kws kho mob? Hos tus kws kho mob uas tsis nyob rau hauv cheeb tsam kev pab cuam ne? Cov cai ntawm koj qhov kev npaj kho mob tuaj yeem yog ib qho uas ntxhov siab heev. Tab sis yog tias koj tsis ua raws, koj kuj yuav tsis tau txais cov kev pab cuam. Ntawm no yog cov ntawv los mus pab koj ua raws cov cai ntawm koj qhov kev npaj. Kev xa mus ntxiv. Yog tias koj nrog Alliance tus PCP, koj yuav tsum txais kev xa mus kom mus ntsib tau lwm tus kws kho mob. Nws yeej muaj qee lub sijhawm uas yuav zam tau qhov ntawm no. Mus saib koj Daim Ntawv Puavpheej Hauv Kev Kho Mob thiab Ntawv Qhia (Evidence of Coverage; EOC, raws li sau hauv lus Askiv) lossis Phau Ntawv Rau Tus Tswvcuab kom saib tau daim ntawv sau txhij. Yog tias koj tus PCP xav hais tias koj yuav tau mus ntsib lwm tus kws kho mob ces nws yuav tau sau Daim Ntawv Sab Laj Kev Xa Mus (Referral Consultation Form). Koj tus PCP mamli xa ib daim luam qauv mus rau tus kws kho mob uas koj raug xa   TEJ YAM LUS QHIA NTAU ZOG NTXIV. Yog tias koj xav pom daim ntawv qhia txog cov kev pab kom txhij uas tsis thas tos rau txoj kev xa mus, mus saib koj Daim Ntawv Puavpheej Hauv Kev Kho Mob thiab Ntawv Qhia (Evidence of Coverage) lossis Phau Ntawv Rau Tus Tswvcuab (Member Handbook). Tsis paub meej txog kev xa mus thiab kev tso cai lod? mus rau thiab ib daim luam qauv mus rau lub Alliance. Daim ntawv xa mus no yog ua kom tus kws kho mob uas koj raug xa mus thiab lub Alliance paub hais tias koj tus PCP tau pom zoo li cas rau qhov kev mus ntsib. Yog tias peb tsis muaj daim ntawv xa mus, peb yuav tsis them nqi rau tus kws kho mob uas koj raug xa mus ntsib. Kev xa mus ntxiv uas tso cai. Feem ntau, koj tus PCP yuav xa koj mus rau ib tug kws kho mob uas nyob rau hauv peb pab pawg kws muab kev pab cuam. Peb cov cheeb tsam uas peb muab kev pab cuam yog cov cheeb nroog Santa Cruz, Monterey thiab Merced. Yog tias koj tus PCP xa mus rau ib tug kws kho mob uas tsis nyob rau peb pab pawg kws muab kev pab cuam ces nws yuav tau txais kev pom zoo (thiab tseem hu ua kev tso cai) los ntawm peb ua ntej tso. Qhov no hu ua kev xa mus uas tso cai . Muab hu li no vim yog peb yuav tsum tau tso cai lossis pom zoo rau qhov kev xa mus ntxiv ua ntej koj yuav tuaj yeem mus ntsib tau lwm tus kws kho mob. Yog tias koj yog ib tug tswvcuab ntawm lub Alliance cov kev npaj kho mob IHSS, koj yuav tsum muaj daim ntawv xa mus ntxiv uas tso cai yog tias koj tus PCP tab tom xa koj mus rau ib tug kws kho mob uas tsis muaj ntawv cog lus nrog lub Alliance— txawm tias yuav yog ib tug uas nyob rau hauv peb pab pawg kws muab kev pab cuam los xij. Kev tso cai ua ntej. Lub Alliance yuav tau pom zoo rau qee yam kev pab cuam, kev ntsuam xyuas lossis kev kho mob, tshuaj kho mob thiab khoom siv kho mob ua ntej koj yuav tau txais. Qhov no hu ua kev tso cai ua ntej . Tus kws kho mob uas yuav muab qhov kev pab cuam yuav tsum tau sau daim ntawv thov kev tso cai ua ntej . Tus kws kho mob xa mus rau peb raws saum Internet, los yog tus xov tooj xa ntawv (fax) lossis los ntawm kev xa ntawv. Peb mamli ntsuam xyuas qhov kev thov thiab txhua yam ntawv teev tseg ntawm kev kho mob uas tus kws kho mob ntawd xa tuaj. Yog tias qhov kev pab cuam, kev ntsuam xyuas lossis kev kho mob, tshuaj kho mob lossis khoom siv kho mob ntawd muaj qhov tsim nyog yuav tau los kho mob thiab raug pab them ces peb yuav pom zoo rau qhov kev thov ntawd. Peb yuav qhia rau tus kws kho mob paub thiab tom qab ntawd koj mam tuaj yeem tau txais qhov kev pab cuam. Yog tias peb tsis tso cai rau qhov kev thov, peb yuav qhia rau koj thiab tus kws kho mob paub. Koj yuav muaj peev xwm thov kev rov hais dua yog tias koj tsis pom zoo rau peb qhov kev txiav txim. 2 nyob noj qab haus huv