Central California Alliance for Health | Nyob boj qab haus huv | Lub Kaum Ob Hlis 2017

Txoj Kev Pab Cuam Kom Noj Qab Haus Huv (Healthier Living Program; HLP) Lub Alliance Txoj Kev Pab Cuam Kom Noj Qab Haus Huv (Healthier Living Program; HLP, raws li sau hauv lus Askiv) muaj cov hoob kawm. Tej zaum koj yuav nug tias, “Cov hoob kawm no yuav qhia txog dabti?” HLP cov hoob kawm yog cov hoob qhia txog kev noj qab haus huv thiab kev noj qab nyob zoo uas cov tswvcuab yuav kawm los pab kom qhov lawv hnov mob, tsis muaj zog, nyuaj siab, txhawj thiab qhov tsaug zog tsis tau yuav tsawg zog tuaj. Cov hoob no muab kev pab txhawb thiab ntau yam kev pab, xws li los kawm txog kev noj zaub mov uas noj qab haus huv, kev nquag ua ub ua no, tej yam los ua kom lub neej zoo zog tuaj thiab kev pab kom sib raug zoo. Alliance ntau cov tswvcuab kuj zoo siab rau tej yam zoo lawv tau txais thiab hloov tej yam lawv ua txhua hnub kom noj qab haus huv zog tuaj. Tej co tswvcuab yeej sib zog kom tuaj tau rau txhua lub hoob vim tias lawv nyiam txoj kev pab txhawb zoo heev uas lawv txais los ntawm cov phooj ywg hauv cov hoob kawm. Piv txwv tias, ib tug neeg uas tuaj koom caij nws lub laub zaum ntev li 45 feeb hauv lub caij ntuj sov kom nws tuaj tau rau lub hoob kawm. Nws kuj muaj lwm cov tswvcuab uas nyiam cov hoob kawg nkaus thiab qhia txog tej yam lawv tau ua: “Kuv ntsib ntau cov neeg uas muaj tib co kev mob li kuv thiab— tamsim no kuv paub tias tsis yog muaj kuv ib leeg lawm xwb.” “Cov hoob no pab txhawb kom kuv rov pib muab sijhawm rau kuv tus kheej los nyeem ntawv dua, uas yog ib yam uas kuv nyiam ua.” “Lawv qhib kuv txoj kev xav kom kuv tu xyuas kuv txoj kev noj qab haus huv ua ntej kuv muaj mob.” “Kuv muab tau txoj kev pab txhawb rau ib tug neeg.” “Tamsim no kuv mloog kuv lub cev lawm, thiab kuv hloov tej yam kuv ua txhua hnub kom zoo zog tuaj.” Ua txaus rau 8 tus neeg noj. Sijhawm ntev npaum li cas los npaj: 15 feeb Sijhawm ntev npaum li cas los ua kom siav: 25 feeb Cov khoom siv Siv cov roj tsuag kom tsis txhob nplaum rau lub tais ci 2 lub zaub ntug hauv paus liab 6 tus zaub ntug hauv paus daj 2 lub qos liab 1 diav thyme uas ntsuab xiab, muab tsuav, lossis 1 diav me rau cov qhuav 1 diav zaub txhwb qaib uas cov nplooj tiaj tus uas ntsuab xiab, muab tsuav, lossis 1 diav me rau cov qhuav ½ diav me ntsev (koj siv tsawg zog los tau) 1½ diav roj zaub Cov lus qhia ■  ■ Taws lub qhov cub ci rau 450 degrees. Muab daim ntawv ci pua ob lub tais ci thiab tsuag cov roj kom tsis txhob nplaum lub tais ci. Thaum ua tag muab tso ib sab rau ib pliag. ■  ■ Tev cov zaub ntug hauv paus liab, cov zaub ntug hauv paus daj, thiab cov qos liab thiab muab txiav kom ntev ua tej tug loj li ½-ib nti. ■  ■ Hauv ib lub tais, xyaw cov thyme, zaub txhwb qaib thiab ntsev. ■  ■ Hauv ib lub tais, muab cov zaub do nrog cov roj zaub. Muab cov txuj lom rau. Ces rov qab muab sib xyaws dua. ■  ■ Muab cov zaub faib ua ib txheej ntawm daim tais ci. ■  ■ Ci cov zaub kom nws muag thiab daj rhuv, muab tus pas ci los ntxeev mus los, 20 mus rau 25 feeb. ■  ■ Muab hloov mus tso rau hauv ib lub phaj thiab muab rau noj. Tej yam lus qhia tias tais no zoo li cas rau lub cev Ntau npaum li cas: 1 khob. Muab puas tsawg hauv ib khob: 140 calories, 3g rog tagnrho, 1.5g saturated rog, 0g trans rog, 5mg cholesterol, 110mg ntsev, 29g carbohydrate, 5g piam thaj ntxiv, 4g dietary fiber, 2g protein. Muab cov ntsiab lus tawm los ntawm: A Fresh Twist on Traditional Recipes Cookbook , Champions for Change, California Department of Public Health kev noj qab nyob zoo   PEB THOV CAW KOJ TUAJ. Lub Alliance thov caw koj tuaj koom HLP lub hoob kawm. Hu rau lub Alliance Phab Qhia Kev Noj Qab Haus Huv Tus Xov Tooj ntawm 1-800- 700‑3874, ext. 5580, kom koj cuv npe tau rau ib hoob kawm ze rau ntawm koj. Ua qos liab noj thaum txog cov hnub so 7 nyob noj qab haus huv