Central California Alliance for Health | Nyob noj qab haus huv | Lub cuaj hlis ntuj 2020

Phau 26, Tsab Xov Xwm 3 LUB CUAJ HLIS NTUJ 2020 HAUS HUV Ib daim ntawv xov xwm rau cov tswvcuab ntawm lub koom haum Central California Alliance for Health Kab mob COVID-19 cov ntaub ntawv rau cov tswvcuab Alliance yuav hloov kho nws lub vev xaib txuas ntxiv nrog rau cov ntaub ntawv tshiab uas koj xav paub txog tus kab mob COVID-19 thiab kev tshuaj xyuas koj li kev noj qab haus huv. Cov ntaub ntawv qhia txog tus kab mob COVID-19 rau cov tswvcuab muaj nyob rau ntawm www.ccah-alliance.org/ COVID-19_member _info_HM.html . Koj txoj kev noj qab haus huv yog qhov tseem ceeb rau peb! Txij li thaum pib muaj tus kab mob sib kis COVID-19 los, tej zaum koj yuav xav tias nws tsis ua cas rau qhov mus ntsib koj tus kws kho mob. Lo lus teb tias yog tsis ua cas! Peb cov kws kho mob tau cog lus tias yuav saib xyuas kom koj muaj kev nyab xeeb thiab muaj ntau txoj hauv kev rau koj xaiv txhawm rau kom koj tau txais txoj kev tshuaj xyuas, xws li: ● Txwv cov rooj zaum hauv qhov chaw zaum tos uas tau txai txoj kev tso cai kom zaum sib nrug deb ntawm fab sim neej ● Cov chaw haujlwm tshwj xeeb yuav tau cais kev tiv thaiv thiab kev mus kho mob nkeeg ● Kev mus cuag kws kho mob los ntawm kev hu xov tooj lossis vis dis aus (telehealth), uas suav nrog kev teem sijhawm hauv xov tooj thiab kev sib tham hauv vis dis aus Nws yog ib qho tseem ceeb heev uas yuav tau ua mus ntxiv nrog rau koj txoj kev mus tshuaj xyuas kev noj qab nyob zoo thiab txais kev tshuaj xyuas uas koj xav tau kom muaj kev noj qab haus huv. Tsis txhob ua lub siab qeeb mus ntsib koj tus kws kho mob, tshwj xeeb yog tias koj muaj ib tus mob los ntev lawm, muaj kev kho mob tsis tu ncua lossis yog tias koj cev xeeb tub. Kev tso txoj kev tshuaj xyuas tuaj yeem yog qhov phom sij thiab tuaj yeem ua rau tau txais kev mob nkeeg uas koj tsis xav tau. Dhau ntawm qhov no lawm nws kuj yog ib qho tseem ceeb rau cov menyuam yaus mus raws lawv cov kev mus ntsib rau cov kev ntsuam xyuas menyuam kev noj qab haus huv thiab txhaj tshuaj tiv thaiv kab mob. Ua kom cov menyuam yaus tau txais cov kev txhaj tshuaj tiv thaiv kab mob ntawm lawv yog ib qho kauj ruam tseem ceeb hauv lawv txoj kev noj qab haus huv tam sim no thiab rau lub neej yav pem suab. Peb xav txhawb kom koj hu rau koj tus kws kho mob txhawm rau qhov sib sab laj txog koj cov kev xaiv ntawm kev tshuaj xyuas thiab tau txais kev tshuaj xyuas uas koj thiab koj tsev neeg tsim nyog yuav tau txais. Yuav tsum ua kom ntseeg tau tias txhaj tshuaj tiv thaiv koj tus mob khaub thuas thaum koj mus ntsib koj tus kws kho mob lossis kws tshuaj!