Central California Alliance for Health | Nyob noj qab haus huv | Lub kaum ob hlis ntuj xyoo 2021

Yog tias koj tab tom cev xeeb menyuam lossis muaj ib tus menyuam mos nyob rau xyoo tag los no, nws yog ib yam tseem ceeb los sib tham nrog koj tus kws kho mob txog ntawm txhua yam uas hnov tsis xis nyob nrog koj tus menyuam lossis koj li kev noj qab haus huv. Lub Chaw Tiv Thaiv thiab Tswj Kav Kab Mob (Centers for Disease Control and Prevention; CDC, raws li sau hauv lus Askiv) tau pib nrog qhov Kev Nqua Hu Mloog Nws (Hear Her Campaign) los txhawb rau cov poj niam cev xeeb menyuam thiab tom qab yug menyuam tag kom sib tham nrog lawv tus kws kho mob tam sim yog tias muaj tej cov yam ntxwv pib tshwm sim uas tsis zoo thooj li ib txwm. Tam li cov kev nquag hu hais tseg, “Koj paub koj lub cev zoo tshaj. Yog koj hnov tias muaj qee yam uas tsis zoo thooj li ib txwm lossis ua rau koj txhawj xeeb, tsis txhob muab tso tseg.” Cov yam ntxwv uas tsis zoo thooj li ib txwm tuaj yeem tshwm sim ncua sijhawm cev xeeb menyuam lossis ntev txog ib xyoos tom qab cev xeeb menyuam. Cov tsos mob nov yog hu ua cov yam ntxwv ceeb toom leej niam uas maj ceev. Nws tseem ceeb rau koj los sib tham nrog koj tus kws kho mob tam sim yog koj muaj tej qhov twg ntawm cov tsos mob no: ■ Mob tob hau heev. ■ Kiv tob hau lossis tsaus muag. ■ Tsis pom kev tseeb/qhov muag txaij. ■ Ua npaws. Mloog koj lub cev ua ntej thiab tom qab cev xeeb menyuam ■ Ua pa nyuab. ■ Nkees heev li. ■ Mob lub hauv siab. ■ Mob duav heev li. ■ Xeev siab heev thiab ntuav. ■ O heev. ■ Muaj ntshav los ntawm ncauj qho tsev menyuam lossis muaj kua dej tawm los ncua sijhawm cev xeeb menyuam. ■ Muaj ntshav los ntawm ncauj qho tsev menyuam ntau heev lossis muaj kua dej tom qab cev xeeb menyuam. ■ Tsis hnov menyuam nti li lawm lossis nti maj mam heev lawm ncua sijhawm cev xeeb menyuam. ■ Pheej xav txog ntawm kev ua kom tus kheej puas tsuaj lossis ua kom koj tus menyuam puas tsuaj. Rau kev paub ntxiv mus saib cdc.gov/ hearher/pregnant-postpartum-women/ index.html . Yog tias koj cev xeeb menyuam lossis muaj menyuammos xyoo tag los no, lub Alliance Txoj Kev Pab CuamKomCov Leej Niam thiabMenyuamMosliab Noj Qab Haus Huv ( Healthy Moms and Healthy Babies Program; HMHB, raws li sau hauv lus Askiv) tuaj yeem pab koj nrog rau tej ntaub ntawv thiab cov chawmuab kev pab txhawb kom cev xeeb menyuammuaj kev noj qab haus huv thiab saib xyuas tom qab yug menyuam tag. Hu rau lub Alliance Phab Qhia Kev Noj Qab Haus Huv Tus Xov Tooj rau ntawm 800-700-3874, ext. 5580 txhawm rau mus tso npe. Rau Tus Xov Tooj Pab Cov Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 7-1-1 ). Nyob Noj Qab Ib daim ntawv xov xwm rau cov tswvcuab ntawm lub koom haum Central California Alliance for Health Lub kaum ob hlis ntuj xyoo 2021 | PHAU 27, TSAB XOV XWM 4