3 / 6
tsev neeg txoj kev noj qab haus huv
K
oj puas paub tias thaum twg koj
tus Thawj Kws Kho Mob (PCP)
yuav tsum xa koj mus txais ib
txoj kev pab ua ntej koj cia li mus txais
txoj kev pab ntawd? Txoj kev xa mus
thiab txoj kev tso cai txawv li cas? Koj
mus ntsib puas tau ib tug kws kho mob
uas tsis muaj ntaub ntawv cog lus koom
tes nrog peb? Es cov kws kho mob uas
nyob sab nraum cheeb tsam kho mob nev?
Cov cai hauv koj qhov kev npaj kho
mob yeej qhia tau ntau yam uas ua tau
rau koj tsis to taub. Tiamsis yog tias koj
tsis ua raws li cov cai, tej zaum koj cov
kev pab yuav tsis raug pab them rau. Cov
lus qhia no yuav pab koj ua raws li cov cai
hauv koj qhov kev npaj kho mob.
Kev xa mus.
Yog tias koj muaj ib tug
PCP nrog lub Alliance, koj tus kws kho mob
yuav tsum
xa koj mus ntsib lwm tus kws
kho mob. Nws yeej muaj qee yam uas yuav
zam tau. Thov saib lub npov ntawm sab xis
kom koj pom cov uas yuav pub zam rau koj.
Yog koj tus PCP xav tias koj yuav tsum
tau mus ntsib lwm tus kws kho mob, nws
mam li ua Daim Ntawv Xa Mus Txais Kev
Pab Tawm Tswv Yim. Koj tus PCP yuav
xa ib daim luam rau tus kws kho mob uas
nws xa koj mus ntsib thiab ib daim luam
tuaj rau lub Alliance. Daim ntawv xa yog
txoj kev uas lwm tus kws kho mob ntawd
thiab lub Alliance yuav paub tias koj tus
PCP pom zoo rau koj mus ntsib. Yog tias
peb tsis txais daim ntawv xa koj mus, peb
yuav tsis them rau cov nqi uas lwm tus
kws kho mob ntawd xa tuaj rau peb them.
Kev tso cai xa mus.
Muaj ntau zaus,
koj tus PCP yuav xa koj mus ntsib ib tug
kws kho mob uas nyob hauv peb cheeb
tsam kho mob. Peb cheeb tsam kho mob
yog cov cheeb nroog Santa Cruz, Monterey
thiab Merced. Yog tias koj tus PCP xa koj
mus ntsib ib tug kws kho mob uas nyob sab
nraum peb cheeb tsam kho mob, nws yuav
tsum tau kev pom zoo (uas kuj hu tias kev
tso cai thiab) los ntawm peb ua ntej. Qhov
no hu tias
kev tso cai xa mus
. Nws hu li no
vim tias peb yuav tsum tso cai, lossis pom
zoo, rau nws xa koj mus ua ntej koj yuav
ntsib tau lwm tus kws kho mob ntawd.
Yog tias koj yog ib tug tswvcuab hauv
Alliance Healthy Kids, In-Home Supportive
Services (IHSS) lossis Medi-Cal Access
Program, koj yuav tsum tau kev tso cai xa
mus yog tias koj tus PCP yuav xa koj mus
rau ib tug kws kho mob uas tsis muaj daim
ntawv cog lus nrog Alliance—rau cov uas
nyob hauv peb cheeb tsam kho mob thiab.
Kev tso cai ua ntej.
Lub Alliance
yuav tsum tso cai rau tej co kev pab, cov kev
npaj kho mob, cov tshuaj thiab cov tshuab
ua ntej koj yuav txais tau. Qhov no hu tias
kev tso cai ua ntej
. Tus kws kho mob uas
yuav muab txoj kev pab ntawd yuav tsum
sau
daim ntawv thov rau kev tso cai ua
ntej
. Tus kws kho mob mam li xa tuaj rau
peb hauv Internet, fax lossis tuaj rau peb
lub npov txais ntawv. Peb mam li saib daim
ntawv thov thiab txhua cov ntaub ntawv
uas tus kws kho mob xa tuaj. Yog tias txoj
kev pab, txoj kev npaj kho mob, cov tshuaj
lossis lub tshuab yog ib yam uas tsim nyog
tau los kho tus mob thiab yog ib txoj kev
pab uas peb kam pab them, peb mam li pom
zoo rau txoj kev thov. Peb mam li qhia rau
tus kws kho mob, ces koj mam li mus txais
txoj kev pab. Yog tias peb tsis pom zoo rau
qhov koj tau thov rau, peb mam li qhia rau
koj thiab tus kws kho mob. Koj ua tau ntawv
tsis txaus siab yog tias koj tsis txaus siab rau
peb txoj kev txiav txim tias tsis pom zoo.
Tsis to taub txog cov kev xa
mus thiab cov kev tso cai lod?
Cov kev pab uas tsis thas tos kom koj tus kws kho mob xa koj mus
Tagnrho lub
Alliance cov
tswvcuab
»
Cov kev kho mob xwmtxheej ceev: Peb pab them 24 teev txhua hnub,
7 hnub txhua lub vasthiv
Tagnrho lub
Alliance
Medi-Cal cov
tswvcuab
Koj mus tau rau txhua tus kws kho mob uas kam txais Alliance
Medi-Cal rau cov kev pab ntawm no:
»
Cov kev npaj tsev neeg: nrog rau kev kuaj seb ib ce puas xeeb tub
thiab kev pab tswj kom ib ce kom txhob xeeb tub
»
Cov kev kho mob tsis pub leej twg paub: nrog rau kev kuaj thiab kev kho
cov kab mob uas kis los ntawm txoj kev sib deev thiab kev rho menyuam
Koj mus tau rau txhua tus kws kho mob OB-GYN (kws kho kev xeeb tub
thiab poj niam lub cev) hauv lub Alliance qhov cheeb tsam kho mob uas
kam txais Alliance Medi-Cal rau cov kev pab ntawm no:
»
Kev kuaj txhua xyoo kom poj niam noj qab nyob zoo, Kev kuaj poj
niam ncauj tsev menyuam thiab kev kuaj mis
»
Kev pab thaum ib ce xeeb tub
Tagnrho lub
Alliance lwm cov
tswvcuab
»
Kev kuaj txhua xyoo kom poj niam noj qab nyob zoo, Kev kuaj poj
niam ncauj tsev menyuam thiab kev kuaj mis
»
Kev pab thaum ib ce xeeb tub
Koj mus tau rau txhua tus kws kho mob OB-GYN (kws kho kev xeeb tub
thiab poj niam lub cev) hauv lub Alliance qhov cheeb tsam kho mob rau
cov kev pab ntawm no.
Nws muaj lwm cov kev pab uas koj tsis thas tos kom koj tus kws kho mob xa koj mus.
Yog tias koj xav paub ntau zog, mus saib hauv koj Daim Ntawv Puavpheej Hauv Kev
Kho Mob/Phau Ntawv Tswvcuab.
3
nyob noj qab
haus huv