Central California Alliance for Health | Nyob boj qab haus huv | Lub Kaum Ob Hlis 2017

C ov Kev Pab Hauv Lub Zej Zog Rau Cov Neeg Laus (Community-Based Adult Services; CBAS, raws li sau hauv lus Askiv) muaj cov kev pab rau lub Alliance cov tswvcuab uas laus zog uas muaj tej yam kev xiam oob qhab lossis kev tsis taus los kho kom rov zoo li qub lossis pab kom lawv tu xyuas tau lawv tus kheej thiab ncua kom ntev zog lossis tsis txhob raug mus nyob hauv ib lub chaw tu xyuas tib neeg. Cov kev pab CBAS muaj cov kev pab kho mob, cov kev tu neeg mob, cov kev pab rau pej xeem, cov kev sib tham thiab tej yam kev ua si, nrog rau su uas zoo mus yug ib ce thiab kev thauj mus los. Yog koj xav paub tias koj yuav ua li cas kom txais tau CBAS cov kev pab, hu rau ib lub chaw haujlwm ze rau ntawm koj. Tus PCP yog dabtsi? X am tias koj Tus Thawj Kws Kho Mob (Primary Care Provider; PCP) yog lub qhov rooj qhib mus rau lub ntiaj teb kho mob. Nws yog thawj qhov chaw koj yuav mus ua ntej thaum koj muaj mob thiab thaum koj yuav tsum txais lus pab los qhia kom koj noj qab nyob zoo txuas ntxiv mus. Cov kws kho mob kho txhua yam lossis cov kws kho mob rau tsev neeg, cov kws kho mob rau menyuam yaus, lossis cov kws kho mob rau tej yam nruab hauv lub cev kuj los ua tau cov PCP. Koj kuj xaiv tau ib lub chaw kuaj mob lossis ib pab pawg kho mob los ua koj tus PCP. Nrog rau lwm yam, koj tus PCP yuav: ■  ■ Coj tagnrho koj cov kev kho mob ■  ■ Yog tus koj mus saib rau cov kev tu xyuas li niaj zaus thiab thaum koj muaj mob ■  ■ Pab tswj ua ntej kom tsis txhob muaj mob ■  ■ Xa koj mus rau lwm cov kws kho mob thaum koj yuav tsum mus Sijhawm dhau mus, koj tus PCP yuav paub txog koj txoj kev noj qab haus huv thiab pab koj xaiv tej yam zoo kom koj noj qab nyob zoo txuas ntxiv mus. Peb pab tau koj los nrhiav ib tug kws kho mob Ib txoj kev zoo tshaj plaws uas yuav pab kom koj noj qab nyob zoo txuas ntxiv mus yog los ua haujlwm ze nrog ib tug kws kho mob. Yog tias koj tsis tau muaj ib tug, peb pab tau koj. Kom nrhiav tau ib tug kws kho mob hauv peb pawg kws kho mob, hu rau Lub Chaw Pab Cuam Tswvcuab ntawm 1-800-700-3874 . Lossis koj siv peb Phau Ntawv Teev Cov Kws Kho Mob saum Internet ntawm peb qhov website ntawm www.ccah-alliance.org . Qhov kauj ruam yooj yim no yuav pab kom koj noj qab haus huv zog tuaj. Yuav pib sai tom ntej no Pib Lub Ib Hlis Ntuj Tim 1, 2018, theem qhia txog Phau Ntawv Teev Cov Kws Kho Mob saum Internet hauv tus tswvcuab qhov website yuav qhia Alliance cov tswvcuab tej co kev tshiab los nrhiav Alliance ib tug kws kho mob. Phau Ntawv Teev Cov Kws Kho Mob saum Internet uas peb tau muab kho dua tshiab yuav yooj yim siv thiab yuav pab koj nrhiav tej yam lus qhia txog tus kws kho mob nrawm. Tos saib rau Phau Ntawv Teev Cov Kws Kho Mob uas peb tau muab kho dua tshiab saum Internet. Lub cheeb nroog Lub chaw haujlwm CBAS Tus xov tooj Monterey La Casa 831-222-6122 Santa Cruz Elderday 831-458-3481 Merced Day Out 209-388-9175 Daybreak 209-357-0765 tsev neeg txoj kev noj qab haus huv Cov Kev Pab Hauv Lub Zej Zog Rau Cov Neeg Laus (Community-Based Adult Services; CBAS) 4 nyob noj qab haus huv