Central California Alliance for Health | Nyob boj qab haus huv | Lub Peb Hlis Ntuj 2018

tsev neeg txoj kev noj qab haus huv C ov kev pab saib xyuas thaum yuav tas sim neej thiab cov kev pab loog mob yog los pab txo tus neeg mob txoj kev hnov mob thiab txoj kev nyuaj siab kom tsawg zog tuaj thiab pab kom nws lub neej zoo zog tuaj. Ob txoj kev no yuav siv txoj kev koom tes los ntawm ib pab pawg neeg, uas cov kws txawj kho mob thiab tus neeg mob cov tsev neeg los koom tes ua haujlwm ua ke. Tiamsis cov kev pab loog mob yog rau cov tib neeg uas muaj ib tug mob, txawm tias nws yuav ua neej nyob ntev npaum li cas los xij, cov kev pab saib xyuas thaum yuav tas sim neej yog rau cov tib neeg uas tshuav ob peb lub hlis, asthiv lossis hnub seem lawm xwb. Lub Alliance pab them rau cov kev pab saib xyuas thaum yuav tas sim neej thiab cov kev pab loog mob. Yog tias koj lossis ib tug neeg uas koj hlub muaj ib tug mob loj, nws zoo rau koj paub tias koj muaj txoj kev tu xyuas ntawm no thiab cov kev pab uas lawv muaj. WIC yeej pab tau koj! Qhov Kev Pab Rau Cov Pojniam Muaj Menyuam, Cov Mosliab Thiab Rau Cov Menyuam Yaus (Women, Infants, and Children; WIC, raws li sau hauv lus Askiv) pab cov tsev neeg tau 40 xyoo los lawm. WIC yog ib qho kev pab cuam muab zaub mov zoo rau txoj kev noj qab haus huv uas yog ib pab pawg neeg uas ua haujlwm los pab kom txoj kev noj qab haus huv zoo zog tuaj. Leej twg thiaj li tsim nyog txais? ■  ■ Cov poj niam uas ib ce xeeb tub, pub niam mis lossis nyuam qhuav yug mosliab ■  ■ Cov menyuam yaus uas tsis tau muaj 5 xyoos (nrog rau cov menyuam uas nyob nrog niam qhuav txiv qhuav) ■  ■ Cov tsev neeg uas tau nyiaj khwv tau tsawg heev mus rau cov tau nyiaj khwv tau li ntawm nruab nrab (muaj tej co tsev neeg uas ua haujlwm yeej tsim nyog thiab) WIC yuav pab tau li cas? ■  ■ Kev kawm txog txoj kev noj zaub mov zoo ■  ■ Tshev mis mus nqa zaub mov ■  ■ Kev pab txhawb thiab kev kawm los pub niam mis ■  ■ Kev xa mus txais txoj kev pab kho mob thiab cov kev pab hauv lub zej zog Lawv kuj muaj cov hoob qhia tias koj yuav ua li cas kom koj pib noj ub tej no noj qab haus huv thiab khaws twj ywm cov kev kawm tau ntawd mus tag ib sim neej. Cov ua haujlwm tom WIC muaj lub hom phiaj los pab kom koj tsis txhob xav tias koj tsis muaj leej twg. Lawv pab kom peb lub zej zog noj qab haus huv zog tuaj! Yog tias koj xav tau kev pab nrog zaub mov, muaj lus nug txog cov zaub mov uas koj yuav tsum noj thaum koj ib ce xeeb tub, xav tau kev pab txhawb pub niam mis lossis xav paub ntau zog tias koj tus menyuam loj hlob li cas, hu rau ib lub WIC uas nyob hauv koj lub nroog. Lawv nyob ntawd los pab koj! Kuv yuav tiv tauj WIC li cas? ■  ■ Hu rau: 1-888-WIC-WORKS lossis 1-888-942-9675 ■  ■ Mus saib sau Internet: morehealth.org/ cdph.ca.gov/WIC Kev pab loog mob Kev pab saib xyuas thaum yuav tas sim neej Rau cov neeg mob uas muaj ib tug mob loj heev uas ua rau lawv hnov mob lossis lwm yam kev nyuaj siab (nrog rau kev puas siab puas ntsws) . Rau cov neeg mob uas yuav tsum tau kev tu xyuas rau lub hlis uas kawg nkaus ntawm lawv lub neej, thaum lawv nres cov kev kho mob uas yog pab los kho lawv. Pab txo cov tsos mob uas tshwm sim vim tus mob—lossis los ntawm cov kev kho mob rau tus mob ntawd, xws li kev hnov mob tom qab mus phais mob tag. Muab kev pab tu xyuas kom zoo rau cov neeg mob kom nws tag ib sim neej yam muaj nuj nqis. Muab rau tus neeg mob tom tsev lossis hauv lub tsev tu xyuas, xws li lub tsev kho mob loj lossis tus kws kho mob lub chav haujlwm. Muab rau tus neeg mob hauv nws lub tsev uas nws nyob. Kev pab los pab txais tus mob —lossis los pab kom koj ua raws li txoj kev npaj kho mob. Muab kev pab txhawb rau ib ce, kev ntseeg thiab siab ntsws. Nws kuj muab kev pab txhawb rau cov tsev neeg thiab. Yog tias koj muaj lus nug txog cov kev pab kho mob uas txais tau ntawm no, thov tham nrog koj tus kws kho mob. Yog tias koj xav tau kev pab los nhriav ib tug kws kho mob, koj hu tau rau Alliance Lub Chaw Pab Cuam Tswvcuab ntawm 1-800-700-3874 , hnub Monday mus txog Friday, 8 a.m. mus txog 5:30 p.m. Muab cov ntsiab lus tawm los ntawm: Center to Advance Palliative Care; National Hospice and Palliative Care Organization Kev pab saib xyuas thaum yuav tas sim neej thiab cov kev pab loog mob 2 nyob noj qab haus huv

RkJQdWJsaXNoZXIy OTI0MzU=