Central California Alliance for Health | Nyob boj qab haus huv | Lub peb hlis 2020

Phau 26, Tsab Xov Xwm 1 LUB PEB HLIS 2020 HAUS HUV Ib daim ntawv xov xwm rau cov tswvcuab ntawm lub koom haum Central California Alliance for Health PUAS XAV PAUB NTXIV? Yog xav paub ntau ntxiv, mus saib 2020census.gov/hmn . Kev Suav Pej Xeem 2020: Ua kom raug suav Kev Suav Pej Xeem 2020 yog Dab Tsi? Txhua 10 lub xyoos, Lub Chaw Ua Kev Suav Pej Xeem (Census Bureau) yuav suav txhua tus neeg nyob hauv Teb Chaws Mes Kas rau hnub Suav Pej Xeem (Lub Plaub Hlis Ntuj Tim 1). Qhov no ua tiav los ntawm ib qho kev ntsuam xyuas. Kev mus koom yuav tsis cuam tshuam dab tsi txog qhov yog neeg pej xeem thiab yog neeg nkag tuaj nyob hauv lub teb chaws. Vim li cas qhov kev suav pej xeem no thiaj li tseem ceeb? Tsoom fwv Mes Kas muab nyiaj pab txhawb rau cov xeev thiab cov zos ntev txog 10 lub xyoo raws li cov neeg teb ntawm qhov suav pej xeem ib zaug. Hauv California, koj cov lus teb tuaj yeem pab koj lub zos tau txais cov nyiaj faib ntawm $76.6 billion raws li cov kev pab txhawb hauv txhua lub xyoo xws li qhov kev pab txhawb ntawmMedicaid (kev txais kev npaj kho mob), SNAP (kev pab nyiaj yuav khoom noj), WIC (cov kev pab rau menyuam mosliab thiab leej niam), kev foster care (kev pab coj menyuam los tu), Section 8 (kev pab vaj tsev nyob), qhov kev pab txhawb National School Lunch program (Lub Teb Chaws Qhov Kev Pab CuamMuab Pluas Su Noj Hauv Cov Tsev Kawm Ntawv) thiab kev tsim ua txoj kev loj. Yog vim li ntawd nws thiaj li tseem ceeb uas koj tsev neeg, cov phooj ywg thiab cov neeg nyob sib ze yuav raug suav rau qhov kev Suav Pej Xeem 2020! Kev teb rau qhov kev suav pej xeem no puas nyab xeeb? Koj tus kheej cov ntaub ntawv raug ceev zoo tsis pub lwm tus paub thiab raug pov thaiv raws li txoj cai lij choj. Cov nqe lus teb yuav TSIS raug muab qhia rau cov chaw ua hauj lwm saib xyuas kev nkag teb chaws los sis yuam siv txoj cai lij choj. Tsis raug muab cov nqe lus teb coj los txiav txim txog qhov muaj cai tsim nyog tau txais cov nyiaj pab ntawm tsoom fwv. Koj yuav teb li cas rau qhov Suav Pej Xeem 2020? Txhua lub tsev yuav tau txais ib daim ntawv ntsuam xyuas los ntawm kev xa ntawv rau thaum Lub Peb Hlis 2020. Raws li txoj cai lij coj sau tseg, ib tus neeg los ntawm txhua qhov chaw nyob yuav tsum teb rau daim ntawv ntsuam xyuas. Koj tuaj yeem teb daim ntawv tshawb fawb raws daim ntawv xa tuaj, rau hauv xov tooj los sis rau hauv online. Tsev neeg uas tsis teb rau daim ntawv tshawb fawb, yuav muaj ib tug neeg sawv cev ntawm lub chaw suav pej xeem tuaj suav sua koj cov lus teb rau tom tsev. Cov ntaub ntawv ntsuam xyuas no raug sau ua ntawv lus Askiv thiab lus Mev xwb, tab sis yeej muaj ntau hom lus yog koj teb rau saum Internet los sis teb rau hauv xov tooj. Yog koj xav tau kev pab kom nkag siab txog qhov suav pej xeem hauv koj hom lus, yeej muaj cov vis dis aus thiab cov ntaub ntawv qhia ua luam tawm tau sau ua 59 hom lus uas tsis yog lus Askiv.

RkJQdWJsaXNoZXIy OTI0MzU=