Raws li Lub Ib Hlis Ntuj Tim 1, 2024, Lub Alliance muaj Medi-Cal rau cov tswvcuab hauv cov cheeb nroog Mariposa thiab San Benito! No yog ntxiv rau cov kev pab cuam nyob rau cov cheeb nroog Merced, Monterey thiab Santa Cruz. Yog tias koj yog ib tus tswvcuab tshiab ntawm Alliance, zoo siab txais tos koj! Koj puas tau ua tiav cov kauj ruam hauv qab no? Lawv muaj nyob rau hauv daim ntawv txais tos cov tswvcuab tshiab uas tau xa tuaj rau koj. Hauv 30 hnub ntawm kev ua tswvcuab Xaiv koj tus thawj kws kho mob (tseem hu ua tus thawj kws kho mob lossis PCP). Yog tias koj tsis xaiv ib tus, peb yuav xaiv ib tus rau koj. Koj tuaj yeem kawm paub ntau ntxiv txog kev xaiv tus kws kho mob uas yog ntawm peb lub vevxais ntawm www.thealliance.health/hmn/ findadoctor. Koj los kuj tuaj yeem hu rau Lub Chaw Pab Cuam Tswvcuab rau kev pab. Nyob hauv 120 hnub (plaub lub hlis) ntawm kev ua ib tus tswvcuab Hu rau koj tus kws kho mob kom teem sijhawm rau koj qhov kev kuaj mob tshiab. Nrhiav cov ntaub ntawv ntxiv rau cov tswvcuab tshiab ntawm www.thealliance.health/hmn. Lub Alliance tam sim no muab Medi-Cal rau cov cheeb nroog Mariposa thiab San Benito Lub Peb Hlis 2024 | XUV THIB 30, TSAB XOV XWM 1 Nyob Noj Qab Haus Huv Ib daim ntawv xov xwm rau cov tswvcuab ntawm lub koom haum Central California Alliance for Health
Kev Txhim Khu Kev Pab Tswj Kev Tu Xyuas thiab Zej Zog Kev Pab Txhawb Kev Txhim Khu Kev Pab Tswj Kev Tu Xyuas (ECM) Cov tswvcuab ntawm Alliance tuaj yeem tau txais kev pab cuam Kev Txhim Khu Kev Pab Tswj Kev Tu Xyuas (ECM) los pab tswj lawv cov kev kho mob. Nrog ECM, koj tuaj yeem tau txais kev saib xyuas uas koj xav tau kom nyob nrog kev noj qab haus huv. ECM tseem tuaj yeem txuas koj rau cov chaw pab cuam hauv zej zog. Yog tias koj tsim nyog tau txais ECM cov kev pab cuam, koj yuav muaj tus thawj saib xyuas tshwj xeeb los pab koj cov kev kho mob thiab kev xav tau ntawm tib neeg. ECM cov thawj saib xyuas kev kho mob ua haujlwm nrog koj cov kws kho mob thiab lwm tus kws saib xyuas kho mob. Zej Zog Kev Pab Txhawb (CS) Zej Zog Kev Pab Txhawb (CS) yog cov kev pab cuam uas yuav tsis suav nrog kev kho mob ncaj qha. Lub Alliance muab Zej Zog Kev Pab Txhawb los pab cov tswvcuab uas xav tau kev pab xws li: ■ Khoom noj haus. ■ Vaj tsev. ■ Kev nyab xeeb hloov rau koj lub tsev. Yuav tau txais kev pab cuam li cas Yog xav nrhiav seb koj puas tuaj yeem tau txais kev pab cuam ECM lossis CS, hu rau Alliance ntawm 800-700-3874. Yog tias koj xav kawm paub ntxiv thiab sau ntawv thov, mus rau www.thealliance .health/hmn/membersecmcs. Cov ntxhais hluas txoj kev noj qab haus huv thiab kev kuaj mob kas cees cuav Cov ntxhais hluas yuav muaj ntau qhov kev hloov pauv ntawm tus kheej thaum lawv pib tiav nkauj. Cov ntxhais yuav pib coj khaub ncaws thaum hloov los ntawm ib tus menyuam ntxhais los ua ib tus hluas nkauj. Kev coj khaub ncaws tuaj yeem sib txawv rau txhua tus ntxhais. Qee tus ntxhais yuav muaj cov tsos mob me ntsis. Qee tus ntxhais yuav muaj cov tsos mob hnyav dua, xws li kev nyuaj siab, mob taub hau thiab muaj ntshav tawm los ntau. Tus kws kho mob yuav pom zoo kom noj tshuaj tiv thaiv kev yug menyuam los pab kho lawv cov tsos mob. Yog hais tias ib tug ntxhais tau txais kev tiv thaiv kev yug menyuam, lawv tus kws kho mob yuav nug kom kuaj mob kas cees cuav. Nov yog kev kuaj xyuas kev nyab xeeb rau koj tus ntxhais hluas. Mob kas cees cuav yog ib hom kab mob sib deev. Nws yog tus kab mob uas ntsiag to thiab tsis muaj tsos mob. Nws tuaj yeem ua rau muaj kev puas tsuaj loj rau tus poj niam lub cev xeeb tub yog tias tsis kho. Nws yog qhov zoo tshaj kom kuaj tau thaum ntxov. Tus kws kho mob yuav hais kom kuaj zis kom paub tseeb seb koj tus ntxhais hluas cov chaw tsim noob neej puas muaj mob dab tsi. Tsis muaj nqi rau koj rau qhov kev kuaj mob no. Hu rau koj tus kws kho mob rau cov lus nug txog koj tus ntxhais hluas txoj kev noj qab haus huv thiab yog tias lawv yuav tsum tau kuaj mob kas cees cuav. 2 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV.
Puas yog koj kuaj mob ncav raws li lub sijhawm? Kev kuaj mob yog qhov yuav tsum mus ntsib tsis tu ncua nrog tus kws kho mob uas yog ib qho tseem ceeb rau koj thiab koj tsev neeg li kev noj qab haus huv. Lawv raug muab yam tsis tau them nqi rau cov tswvcuab ntawm Alliance. Yuav muaj dab tsi tshwm sim thaum kuaj xyuas? Thaum kuaj xyuas, koj tus kws kho mob yuav: ■ Tshawb xyuas koj tus kheej thiab tsev neeg li keeb kwm kev noj qab haus huv. ■ Muab kev kuaj mob raws li noob nyoog. ■ Kom paub tseeb tias tau txhaj tshuaj tiv thaiv kab mob raws sijhawm. ■ Tshuaj xyuas koj cov tshuaj kho mob. ■ Muab kev xa mus rau kev saib xyuas tshwj xeeb thiab kev kho hniav. Kuv yuav npaj li cas rau kev kuaj xyuas? ■ Nqa cov tshuaj uas koj noj los yog koj tus kws kho mob tau sau ntawv yuav. ■ Paub koj tsev neeg li keeb kwm kev muaj mob hnyav thiab cov xwm txheej kev noj qab haus huv. ■ Npaj cov lus nug lossis kev txhawj xeeb uas koj muaj txog koj txoj kev noj qab haus huv. Peb yuav tsum nquag kuaj xyuas npaum li cas? ■ Cov menyuam tau mus kuaj peb mus rau tsib hnub tom qab yug thiab thaum lawv mus txog lub sijhawm ntawm txhua hli: 1, 2, 4, 6, 9, 12, 15, 18, 24 thiab muaj noob nyoog 30 hlis. ■ Cov neeg laus thiab menyuam yaus noob nyoog 3 xyoos thiab laus dua tau kuaj xyuas txhua xyoo. Tshawb nrhiav cov chaw saib xyuas kev noj qab haus huv hauv zej zog: Cov Neeg Ua Haujlwm Saib Xyuas Kev Noj Qab Haus Huv! Cov tswvcuab ntawm Alliance tam sim no tuaj yeem tau txais kev pab cuam Tus Neeg Ua Haujlwm Saib Xyuas Kev Noj Qab Haus Huv (CHW) los ntawm lub chaw koom kho mob. CHWs muaj ob qho kev paub txog kev ua neej nyob thiab kev cob qhia los muab kev pab tiv thaiv kev noj qab haus huv. CHWs kuj tseem hu tias yog cov pab txhawb, cov chaw pab cuam hauv zej zog lossis cov kws cob qhia kev kho mob. Cov kev pab cuam CHW tau them muaj xws li: ■ Kev qhia paub txog kev noj qab haus huv. ■ Kws cob qhia kev noj qab haus huv. ■ Kev pab txhawb tus kheej thiab cov kws pab txhawb. ■ Kev kuaj mob thiab kev ntsuas mob. Yog tias koj xav tias koj yuav tau txais txiaj ntsig los ntawm qhov kev pab cuam no, nrog koj tus kws kho mob xub thawj tham. Koj kuj tuaj yeem tiv tauj Kev Pab Cuam Tswvcuab ntawm 800-700-3874. Rau Cov Hnov Lus Tsis Zoo lossis Kev Pab Cuam Hais Lus, hu rau 800-735-2929 (TTY: Ntaus 711). Cov tshuaj muaj ntawv sau yuav Yog tias koj yog ib tug tswvcuab ntawm Medi-Cal, koj cov ntawv sau yuav tshuaj uas tau yuav hauv lub tsev muag tshuaj raug duav roos los ntawm Medi-Cal Rx, tsis yog Alliance. Koj tuaj yeem saib cov tshuaj noj uas tau them los ntawm Medi-Cal Rx ntawm www.medi-calrx.dhcs.ca.gov, lossis koj tuaj yeem thov luam ib daim ntawv theej uas yog hu rau 800-977-2273 (TTY: Ntaus 711), 24 teev hauv ib hnub, 7 hnub hauv ib vij. Yog tias koj yog ib tus tswvcuab IHSS, cov kev pab cuam hauv khw muag tshuaj yog tuav tswj los ntawm MedImpact. Koj tuaj yeem saib cov tshuaj noj uas raug duav roos rau ntawm Alliance lub vevxais ntawm www.thealliance.health/hmn/prescriptions. Koj kuj tseem tuaj yeem thov ib daim ntawv theej uas yog hu rau Lub Chaw Pab Cuam Tswvcuab ntawm 800-700-3874 (TTY: Ntaus 711), hnub Monday txog Friday, 8 a.m. txog 5:30 p.m. Koj kuj tseem tuaj yeem hu rau Lub Chaw Pab Cuam Tswvcuab yog tias koj muaj cov lus nug hais txog cov tshuaj kho mob. Cov tswvcuab tuaj yeem tau txais daim npav khoom plig rau kev kuaj xyuas, tswj cov mob hnyav, siv tus cwj pwm noj qab haus huv thiab ntau yam ntxiv. Rau cov ntsiab lus, mus saib www.thealliance.health/hmn/healthrewards/. 3 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV.
Nrog Dr. Maya Heinert Hauv Teb Chaws Meskas, mob khees xaws txoj hnyuv loj yog hom mob khees xaws uas nquag mob tshaj plaws tau pom hauv cov txiv neej thiab poj niam. Kev mob khees xaws txoj hnyuv loj tshwm sim thaum cov cells hauv txoj hnyuv loj lossis lub qhov quav loj tuaj ntawm kev tswj hwm. No yog ob peb yam uas koj yuav tsum paub txog kev kuaj mob khees xaws txoj hnyuv loj. Kev kuaj mob txoj hnyuv loj yog dab tsi? Vim li cas nws thiaj li tseem ceeb? Kev kuaj mob txoj hnyuv loj yog thaum koj tus kws kho mob kuaj xyuas seb koj puas muaj cov kab mob khees xaws pib (cov pob me ntawm cov cell) lossis cov cim qhia tias mob khees xaws txoj hnyuv loj. Kev tshuaj xyuas tau siv los kuaj kab mob txawm tias koj tsis muaj cov tsos mob. Nws yog ib qho tseem ceeb rau kev kuaj mob khees xaws los ntawm kev tshuaj ntsuam xyuas tsis tu ncua, vim tias kev kho mob thaum ntxov ua haujlwm zoo tshaj plaws los pab tiv thaiv teeb meem kev noj qab haus huv loj. Kev kuaj xyuas kab mob muaj qee yam yooj yim xws li kev kuaj quav. Qhov kev kuaj mob feem ntau ua tiav txhua ib lossis ob xyoos hauv cov neeg noob nyoog 50 txog 80 xyoos uas yog ib feem ntawm kev kuaj txhua xyoo. Qee tus neeg yuav tsum tau txais kev kuaj txoj hnyuv loj, uas tso cai rau tus kws kho mob pom sab hauv txoj hnyuv siv qhov hloov pauv tau. Nws yog ib qho tseem ceeb rau tus kws kho mob los txiav txim seb qhov kev ntsuam xyuas zoo tshaj plaws rau koj. Puas yog kuv muaj kev pheej hmoo muaj mob khees xaws txoj hnyuv loj? Mob khees xaws txoj hnyuv loj feem ntau pom muaj nyob hauv cov neeg laus noob nyoog 65 txog 74 xyoos. Txawm li cas los xij, tau muaj mob khees xaws txoj hnyuv loj ntau zuj zus hauv cov neeg loj noob nyoog 40 txog 49 xyoos. Tej zaum koj yuav muaj mob khees xaws txoj hnyuv loj yog tias: ■ Koj muaj kab mob plab hnyuv. ■ Ib tug neeg hauv koj tsev neeg tau mob khees xaws txoj hnyuv loj lossis cov plab hnyuv. Muaj lwm qhov ntawm koj txoj kev ua neej uas tuaj yeem cuam tshuam koj qib kev pheej hmoo rau mob khees xaws txoj hnyuv loj. Qhov no tuaj yeem suav nrog kev noj zaub mov, kev tawm dag zog, thiab kev siv dej cawv thiab luam yeeb. Thaum twg kuv yuav tsum tau kuaj mob khees xaws txoj hnyuv loj? Kuv yuav tsum tau nquag kuaj npaum li cas? Yog tias koj muaj noob nyoog 45 txog 75 xyoos, koj yuav tsum tau kuaj ib xyoos ib zaug rau kev mob khees xaws txoj hnyuv loj. Kuv yuav teeb tsa qhov kev kuaj mob li cas? Tham nrog koj tus kws kho mob. Lawv tuaj yeem pab koj kom nkag siab yam kev kuaj mob uas yuav zoo tshaj rau koj. Puas yog lub Alliance duav roos kuaj xyuas mob txoj hnyuv loj? Yog. Koj tuaj yeem kuaj mob khees xaws txoj hnyuv loj yam tsis tau them nqi rau koj. Kuv yuav ua li cas yog kuv muaj lus nug? Hu rau koj tus kws kho mob lub chaw haujlwm yog tias koj muaj lus nug txog kev kuaj mob txoj hnyuv loj. Nug tus kws kho mob Dr. Heinert yog Tus Thawj Saib Xyuas Kev Kho Mob rau Central California Alliance for Health tau ua haujlwm ntau tshaj 20 xyoos ntawm kev paub txog kev saib xyuas neeg mob thiab kev tswj xyuas kev noj qab haus huv. Kev kuaj mob khees xaws txoj hnyuv loj 4 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV.
Koj muaj cov txiaj ntsig kev kuaj hniav thiab kuaj qhov muag! Cov kev pab cuam kho hniav Koj txoj phiaj xwm Medi-Cal muab kev pab kho hniav rau cov menyuam yaus thiab cov neeg laus. Cov kev pab cuam raug duav roos los ntawm Medi-Cal Dental Program thiab tsis yog los ntawm Alliance. Koj yuav tsum tau qhia koj li Medi-Cal Daim Npav Qhia Txog Cov Kev Pab Kho Mob Uas Txais Tau (Benefits Identification Card; BIC, raws li sau hauv lus Askiv) rau koj tus kws kho hniav kom tau txais kev pab kho hniav. Yog xav paub ntxiv, lossis nrhiav tus kws kho hniav nyob ze koj, koj tuaj yeem: ■ Hu rau Medi-Cal Dental Program ntawm 800-322-6384 (TTY: 800-735-2922). ■ Mus saib hauv Medi-Cal Dental lub vevxais ntawm www.dental.dhcs.ca.gov. Cov kev pab kho qhov muag Alliance Medi-Cal txoj phiaj xwm kho mob suav nrog kev kuaj qhov muag thiab tsom iav txhua ob xyoos. Koj yuav tsum tau txais koj qhov kev kuaj qhov muag thiab tsom iav los ntawm ib daim ntawv cog lus Vision Services Plan (VSP) tus kws kho mob. Nco ntsoov nqa koj daim npav Alliance ID rau koj qhov kev teem caij ntsib. Yog xav paub ntxiv lossis nrhiav tus kws kho qhov muag nyob ze koj: ■ Hu rau VSP ntawm 800-877-7195. ■ Mus saib hauv Medi-Cal VSP lub vevxais ntawm www.thealliance.health/ dhcs-VisionBenefits. Txais Kev Kho Mob Tag Nrho rau Medi-Cal rau cov noob nyoog 26–49! Pib txij Lub Ib Hlis Ntuj Tim 1, 2024, txais kev kho mob tag nrho rau Medi-Cal tau muab rau cov neeg loj muaj noob nyoog 26 txog 49 xyoos. Kev nkag teb chaws tsis muaj teeb meem. Cov neeg thov rau Medi-Cal tseem yuav tau ua raws li tag nrho lwm cov kev muaj cai tsim nyog. Txais Kev Kho Mob Tag Nrho Medi-Cal duav roos tag nrho cov kev pab kho mob no thiab ntau yam ntxiv: ■ Kev saib xyuas. ■ Kev saib xyuas kho hniav. ■ Kev kho mob xwm txheej ceev. ■ Kev kho mob rau kev nyuaj siab lossis puas siab puas ntsws. ■ Kev npaj muaj menyuam. ■ Kev kho mob siv dej cawv thiab siv yeeb tshuaj. ■ Cov tshuaj kho mob thiab cov kev kuaj koj tus kws kho mob daim ntawv xaj. ■ Cov khoom siv kho mob. Yog tias tag nrho cov hauv qab no siv tau rau koj, tam sim no koj tsim nyog tau txais kev kho mob tag nrho rau Medi-Cal. ■ Koj tau tso npe nrog qhov kev them-ciaj ciam txwv Medi-Cal hauv Lub Kaum Ob Hlis Ntuj 2023. ■ Tam sim no koj muaj noob nyoog 26 txog 49 xyoos. ■ Koj nyob hauv cov cheeb nroog Mariposa, Merced, Monterey, San Benito lossis Santa Cruz. Yog xav paub ntxiv txog cov txiaj ntsig ntawm Alliance, mus saib hauv Phau Ntawv Rau Tus Tswvcuab ntawm www.thealliance.health/hmn/memberhandbook. Koj kuj tseem tuaj yeem hu rau Lub Chaw Pab Cuam Tswvcuab ntawm 800-700-3874. Txhawm rau ua ntawv thov rau Medi-Cal, mus saib hauv www.BenefitsCal.com. Yog tias koj muaj lus nug txog koj qhov kev muaj cai tsim nyog tau txais txiaj ntsig, thov hu rau koj lub cheeb nroog lub chaw haujlwm tso npe Medi-Cal. ■ Lub Cheeb Nroog Mariposa: 8 00-549-6741 ■ Lub Cheeb Nroog Merced: 2 09-385-3000 ■ Lub Cheeb Nroog Monterey: 877-410-8823 ■ Lub Cheeb Nroog San Benito: 8 31-636-4180 ■ Lub Cheeb Nroog Santa Cruz: 8 88-421-8080 Cov txiaj ntsig uas tseem ceeb 5 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV.
Alliance Cov Kev Pab Cuam Txhais Lus Yog tias koj muaj kev nyuaj nrog koj tus kws kho mob tham, peb tuaj yeem pab! Koj tsis tas yuav siv tsev neeg lossis phooj ywg los txhais lus rau koj ntawm kev teem caij ntsib kho mob. Lub Alliance muab kev pab txhais lus hauv xov tooj thiab txhais lus ntawm tus neeg kiag. Yog xav tau kev pab kom tau txais ib tug neeg txhais lus lossis sau cov ntaub ntawv ua koj hom lus, thov hu rau Alliance Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580. Yog koj xav tau kev pab txhais lus, peb muaj ib tug xov tooj tshwj xeeb kom tau ib tug neeg txhais lus uas hais koj hom lus yam tsis tau them nqi rau koj. Rau Cov Hnov Lus Tsis Zoo lossis Kev Pab Cuam Hais Lus, hu rau 800-735-2929 (TTY: Ntaus 711). Phau Ntawv Teev Npe Cov Kws Kho Mob thiab Phau Ntawv Rau Tus Tswvcuab muaj cov ntsiab lus tseem ceeb txog koj txoj phiaj xwm kho mob. ■ Phau Ntawv Teev Npe Cov Kws Kho Mob: teev tag nrho cov thawj kws kho mob hauv Alliance pab pawg. ■ Phau Ntawv Rau Tus Tswvcuab: qhia koj txog qhov kev pab cuam uas Alliance muab rau koj. Koj tuaj yeem saib Phau Ntawv Teev Npe Cov Kws Kho Mob thiab Phau Ntawv Rau Tus Tswvcuab ntawm peb lub vevxais ntawm www.thealliance.health/hmn/for-members. Hu rau Cov Chaw Kev Pab Cuam Tswvcuab yog tias koj xav tau ib daim qauv xa tuaj rau koj, xav tau kev pab nrhiav tus kws kho mob lossis muaj lus nug txog cov txiaj ntsig. Yog xav tham nrog peb pab pawg hauv Cov Chaw Kev Pab Cuam Tswvcuab, thov hu rau 800-700-3874. Rau Cov Hnov Lus Tsis Zoo lossis Kev Pab Cuam Hais Lus, hu rau 800-735-2929 (TTY: Ntaus 711). Peb nyob ntawm no 8 a.m. txog 5:30 p.m., hnub Monday txog Friday. Tus xov tooj yog hu dawb. Yog tias koj hais ib yam lus uas tsis yog lus Askiv, muaj kev pab hais lus rau koj yam tsis tau them nqi. Koj kuj tseem tuaj yeem saib cov ntaub ntawv hais txog kev saib xyuas txuas ntxiv thiab cov tswvcuab txoj cai thiab lub luag haujlwm ntawm peb lub vevxais ntawm www.thealliance.health/hmn/find-a-doctor. Cov npawb xov tooj tseem ceeb: ■ Alliance Cov Chaw Kev Pab Cuam Tswvcuab: 800-700-3874 (TTY: Ntaus 711). ■ 24/7 Alliance Tus Xov Tooj Nug Kev Pab Los Ntawm Tus Kws Tu Neeg Mob: 844-971-8907. ■ Alliance Cov Kev Pab Cuam Txhais Lus: 800-700-3874, ext. 5580. ■ Kev Pab Cuam Kho Mob Hlwb: Carelon Kev Kho Mob Coj Tus Cwj Pwm: 855-765-9700. ■ Txoj Phiaj Xwm Pab Kho Qhov Muag (rau kev pab kuaj qhov muag raws sijhawm): 800-877-7195. ■ Medi-Cal Dental Program (rau cov kev pab cuam kho hniav): 800-322-6384. ■ 24/7 Medi-Cal Rx (rau cov kev pab chaw muag tshuaj): 800-977-2273 (TTY: Ntaus 711). ■ Alliance Tus Xov Tooj Pab Pawg Kws Tswj Kev Tu Xyuas: 800-700-3874, ext. 5512. ■ Alliance Tus Xov Tooj Pab Qhia Kev Noj Qab Haus Huv: 800-700-3874, ext. 5580. ■ Alliance Cov Kev Pab Cuam Thauj Mus Los: 833-244-1678. Hais txog koj Phau Ntawv Teev Npe Cov Kws Kho Mob thiab Phau Ntawv Rau Tus Tswvcuab 6 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV.
Hom kev teem caij ntsib Koj yuav tsum tuaj yeem tau txais kev teem caij ntsib hauv: Kev teem caij saib xyuas ceev uas tsis tas yuav muaj kev pom zoo ua ntej (kev tso cai ua ntej). 48 teev Kev teem caij saib xyuas ceev uas yuav muaj kev pom zoo ua ntej (kev tso cai ua ntej). 96 teev Kev teem cai kho mob xub pib tsis-maj ceev (kho raws sijhawm). 10 hnub ua haujlwm Kev teem cai kho mob nrog kws kho mob tshwj xeeb tsis-maj ceev (kho raws sijhawm). 15 hnub ua haujlwm Kev teem caij nrog tus kws kho mob hlwb tsis-maj ceev (kho raws sijhawm) nrog tus kws kho mob (tsis yogkws kho mob loj). 10 hnub ua haujlwm Kev teem caij kho mob tsis-maj ceev (kho raws sijhawm) rau kev pab cuam kho mob ntxiv (kev pab txhawb) rau cov kuaj mob lossis kho mob ntawm tus neeg raug mob, muaj mob lossis lwm yam mob. 15 hnub ua haujlwm Lwm cov qauv txheej txheem sijhawm nyob tos Koj yuav tsum tuaj yeem tau txais kev tiv tauj nyob hauv: Cov Chaw Kev Pab Cuam Tswvcuab tus npawb xov tooj sijhawm nyob tos thaum lub sijhawm ua haujlwm li niaj hnub. 10 feeb Xov tooj sijhawm nyob tos rau Alliance Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line; NAL, raws li sau hauv lus Askiv). 30 feeb (txuas mus rau tus kws tu neeg mob) Yog tias koj xav tias koj tsis tau txais kev saib xyuas thaum koj xav tau nws, hu rau Lub Chaw Pab Cuam Tswvcuab ntawm 800-700-3874 (TTY: 800-735-2929 lossis 711). Kuv yuav tsum tau nyob tos ntev npaum cas? Thaum yog ib tug tswvcuab ntawm Alliance, nws yog koj txoj cai kom tau txais kev nkag mus rau cov chaw muab kev pab cuam hauv lub sijhawm, tab sis qee zaum nws tsis tuaj yeem ua rau tus kws kho mob tuaj ntsib koj tam sim ntawd. Qee qhov kev teem caij ntsib yuav siv sijhawm ntev dua li lwm tus. Peb ua haujlwm nrog cov kws kho mob thiab cov chaw kho mob hauv peb lub chaw koom tes nrog kom paub tseeb tias koj tuaj yeem tau txais kev saib xyuas thaum koj xav tau. Cov phiaj xwm kho mob hauv xeem California yuav tsum ua kom tau raws li cov qauv kev nkag mus rau kev saib xyuas. Cov kev cai los muab txoj cai lij choj no yog hu ua Timely Access to Non-Emergency Health Care cov qauv txheej txheem. Daim phiaj qhia ntawm txoj cai teev cov qauv rau ntau hom kev teem caij ntsib. Lub sijhawm nyob tos rau qhov kev teem caij ntsib tej zaum yuav ntev dua yog tias tus kws kho mob pom tias qhov ntawd yuav tsis muaj kev puas tsuaj rau koj li kev noj qab haus huv. Yog tias lawv xav tias lub sijhawm tos ntev dua yuav tsis muaj teeb meem rau koj txoj kev noj qab haus huv, lawv yuav tsum sau tseg rau hauv koj cov ntaub ntawv kho mob. TXAIS KEV TEEM CAIJ NTSIB: 7 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV.
KEV NOJ QAB NYOB ZOO RAU TXHUA TUS Lub Alliance muab cov khoos kas qhia kev noj qab nyob zoo Ntawm Alliance, peb mob siab txog koj txoj kev noj qab haus huv! Vim li ntawd peb cov khoos kas pab qhia kev noj qab haus huv thiaj li muab cov cuab yeej uas xav tau kom tau txais kev noj qab haus huv thiab nyob nrog kev muaj lub dag zog zoo rau Alliance cov tswvcuab. Tsis muaj nqi rau cov tswvcuab ntawm kev koom nrog Alliance. Cov kev pab cuam muaj rau tus neeg kiag, hauv oolais lossis hauv xov tooj. Cov khoos kas Yog muab rau leej twg? Nyob Zoo Dua nrog Tus Mob Ntshav Qab Zib Cov neeg laus uas muaj ntshav qab zib. Txoj Kev Pab Cuam Kom Ua Tau Pa Yoojyim Mus Tas Sim Neej Cov tswvcuab uas muaj mob hawb pob Txoj Kev Pab Cuam Kom Noj Qab Haus Huv Cov neeg laus uas muaj mob ntev xws li mob plawv, ntshav siab, rog lossis kev nyuaj siab. Lub Khoos Kas Tuav Tswj Lub Cev Hnyav Neeg Laus Cov neeg laus uas lub cev hnyav dhau lossis rog. Qhov Hnyav Lub Cev Zoo rau Lub Neej Cov niam txiv ntawm cov tswvcuab noob nyoog 2 txog 18 xyoos uas xav pab lawv tus menyuam kom muaj lub cev hnyav noj qab nyob zoo. Leej Niam thiab Menyuam Noj Qab Hauv Huv Cov tswvcuab uas cev xeeb tub lossis tus menyuam muaj menyuam hauv 12 lub hlis dhau los. Kev Pab Cuam Txiav Haus Luam Yeeb Cov tswvcuab uas xav thum luam yeeb thiab/los yog siv cov khoom luam yeeb. Yog tias koj xav sau npe nkag rau lub khoos kas lossis muaj lus nug, thov hu rau Alliance Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580. Yog koj xav tau kev pab txhais lus, peb muaj ib tug xov tooj tshwj xeeb kom tau ib tug neeg txhais lus uas hais koj hom lus yam tsis tau them nqi rau koj. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711). Lub Alliance Lub Khoos Kas Pab Txhawb Khoom Plig Kev Noj Qab Haus Huv muab nqi zog rau koj thiab koj tsev neeg rau kev nqis tes ua uas txhawb nqa koj txoj kev noj qab haus huv! Txheeb xyuas peb cov khoom plig rau txhua lub noob nyoog ntawm www.thealliance.health/hmn/healthrewards/. Nyob rau txhua ntu ntawm lub neej. Txog txhua yam xwm txheej mob. Kev ntseeg siab, tsis muaj nqi Medi-Cal kev kho mob los ntawm pab pawg hauv zej zog uas nkag siab koj. Alliance—koj tus phooj ywg ua koj tus kheej noj qab nyob zoo tshaj plaws. NYOB NOJ QAB HAUS HUV yog luam tawm rau cov tswvcuab thiab cov neeg muab kev koom tes hauv zej zos ntawm CENTRAL CALIFORNIA ALLIANCE FOR HEALTH, 1600 Green Hills Road, Suite 101, Scotts Valley, CA 95066, xov tooj (831) 430-5500 lossis (800) 700-3874, ext. 5513, website www.thealliance.health/hmn. Cov ntsiab lus hauv NYOB NOJ QAB HAUS HUV yog los ntawm coob tus kws kho mob los. Yog koj muaj kev txhawj xeeb lossis muaj lus nug txog tej yam lus uas yuav tsim tau tej yam tsis zoo rau koj txoj kev noj qab haus huv, thov hu rau koj tus kws kho mob. Cov duab thaij thiab cov duab teeb no tej zaum yog siv cov neeg ua qauv yees duab. 2024 © Coffey Communications, Inc. All rights reserved. Communications Project Specialist Randi Motson Quality and Health Programs Supervisors Desirre Herrera and Ivonne Muñoz www.thealliance.health/hmn Alliance yuav xa ntawv sau hauv xov tooj tuaj rau cov tswvcuab thaum txog sijhawm tshuaj xyuas lawv li Medi-Cal! Tej zaum koj yuav tau txais tsab ntawv xa hauv xov tooj tuaj ntawm peb.
RkJQdWJsaXNoZXIy MjI2MTU5NA==