2 Nyob Noj Qab Haus Huv Hnov tau tias mob thiab muaj lus nug? Hu rau Tus Xov Tooj Nug Kev Pab Los Ntawm Tus Kws Tu Neeg Mob Tus Xov Tooj Nug Kev Pab Los Ntawm Tus Kws Tu Neeg Mob yog ib qho kev pab cuam uas muaj rau txhua tus tswvcuab ntawm lub Alliance. Koj tuaj yeem hu tau yog tias koj muaj lus nug txog koj tus mob lossis koj tus menyuam txoj kev noj qab haus huv. Ib tus kws tu neeg mob yuav pab nrog yam uas koj yuav tau ua tom ntej. Qhov kev pab cuam muaj nyob tos pab 24 teev rau ib hnub, 7 hnub rau ib vij, yam tsis tau them nqi. Hu rau 844-971-8907 (TTY: Ntaus 711) los tham nrog tus kws tu neeg mob. Yog xav paub ntxiv txog Tus Xov Tooj Nug Kev Pab Los Ntawm Tus Kws Tu Neeg Mob, mus saib www.thealliance.health/hmn/NAL. Yog tias koj muaj xwmtxheej ceev, hu rau 911 lossis mus rau chav xwmtxheej ceev uas nyob ze koj tshaj plaws. Xyaum kev sib txuas lus zoo nrog koj tus thawj kws kho mob (primary care provider; PCP, raws li sau hauv lus Askiv) yog ib txoj hauv kev tseem ceeb los txhawb koj txoj kev noj qab haus huv ntawm koj tus kheej. Kev sib txuas lus uas meej thiab ncaj ncees ntawm koj thiab koj tus PCP tuaj yeem pab koj ob qhov kev tsim kev sib raug zoo. Kev sib tham txog koj cov kev txhawj xeeb tuaj yeem pab koj txiav txim siab kom paub txog koj txoj kev saib xyuas kev noj qab haus huv. Peb paub tias kev sib tham nrog koj tus PCP tsis yog ib qho yooj yim. Nyob ntawm sab xis yog qee cov piv txwv ntawm cov lus nug los tham nrog koj tus PCP yog tias koj muaj kev txhawj xeeb txog kev noj qab haus huv thaum koj mus ntsib. Lwm cov tswv yim qhia rau koj qhov kev mus ntsib kws kho mob: ■ Nqa ib daim ntawv teev tag nrho cov tshuaj uas koj tab tom noj. ■ Yog tias koj muaj kev xav tau fab kev kho mob, xws li kev nkag mus tau rau lub rooj zaum muaj log, lossis xav tau kev pab hais lus lossis kev pab cuam txhais lus, qhia rau tus kws kho mob cov neeg ua haujlwm paub kom lawv tuaj yeem pab koj tau. Lub Alliance tseem tuaj yeem pab qhia koj tus kws kho mob paub txog yam uas koj xav tau. Hu rau Lub Pab Cuam Tswvcuab 800-700-3874 (TTY: Ntaus 711) Hnub Monday mus txog Hnub Friday, 8 a.m. txog 5:30 p.m. Nqe Lus Nug Piv Txwv Li Kuv muaj qhov hnov tau tias kuv xav kom tus PCP kuaj xyuas dab tsi? Kuv lub pob ntseg sab laug yuav mob txhua zaus uas kuv tshuab kuv lub qhov ntswg. Nws pib thaum twg? Nws pib txog ib lub vij dhau los thaum kuv mob khaub thuas thawj zaug. Dab tsi ua rau nws zoo dua lossis phem dua? Nws hnov tau tias zoo dua thaum kuv tshuab kuv lub qhov ntswg thiab hnov tau tias zoo siab dua thaum sawv ntxov tom qab kuv da dej. Kuv muaj lus nug dab tsi, thiab dab tsi ua rau kuv txhawj xeeb? Kuv yuav pib hnov tau tias zoo dua thaum twg? Cov tshuaj puas muaj kev txhaum tshuaj? Tham nrog koj tus thawj kws kho mob
RkJQdWJsaXNoZXIy MjI2MTU5NA==