Central California Alliance for Health | Nyob noj qab haus huv | Lub kaum ob hlis ntuj xyoo 2021

Chaw nyob yog ib yam tseem ceeb heev rau koj kev noj qab haus huv Kev tsis muaj chaw nyob zoo thiab tsis muaj tsev nyob tuaj yeem tsim qhov tsis zoo rau koj lub cev thiab fab siab ntsws. Puas yog koj muaj teeb meem txog kev them nqi xauj thiab nqi dej nqi hluav taws xob? Puas yog koj tau txais daim ntawv ceeb toom lossis ceeb toom txog kev ntiab tawm los ntawm koj tus tswv tsev? Muaj ntau lub chaw yuav pab tau.Kev pab fab nyiaj txiag muaj rau cov neeg xauj tus khwv tau nyiaj tsawg thiab lawv cov tswv tsev tus uas ntsib teeb meem los ntawm kab mob COVID-19. Tej zaum koj tuaj yeem los txais tau kev pab nrog rau qhov nqi xauj thiab nqi siv dej siv hluav taws xob uas tsis tau them tig rov qab mus txog rau Lub Plaub Hlis Ntuj Tim 1, 2020, nrog rau them cov nqi xauj tom ntej. Cov neeg xauj thiab cov tswv tsev tau txais kev txhawb nqa kom thov rau. Kawm paub ntxiv txog ntawm cov chaw muab kev pab uas muaj rau koj los ntawm kev hu lossis kev mus saib cov vev xaib hauv qab no: ■ Santa Cruz thiab Merced khauj tim, hu 833-430-2122 lossis mus saib housing.ca.gov . ■ Monterey Khauj Tim, hu 211 lossis mus saib unitedwaymcca.org/ county-rent-and-utility . Cov ntsiab lus hauv tsab ntawv tau nqa tuaj rau koj los ntawm Tsev Nyob rau Feem Haujlwm Kev Noj Qab Haus Huv ntawm Santa Cruz Khauj Tim, homelessactionpartnership.org . Lub Alliance tab tom ua kev cov kev ntsuam xyuas nug tswvcuab.Peb xav hnov tias seb peb puas muab tau kev pab cuam rau koj zoo zog! Tej zaum koj yuav tau txais qhov kev ntsuam xyuas nug uas yog xa tuaj raws kev xa ntawv lossis hu xov tooj tuaj nug.Yog tias koj txais qhov kev ntsuam xyuas nug xa tuaj raws kev xa ntawv, peb thov koj lub sijhawm ib pliag los sau daim ntawv thiab muab nws xa rov qab uas yog siv lub hnab ntawv uas xa tuaj nrog. Qhov kev ntsuam xyuas nug no hu ua Kev Ntsuam Xyuas Nug Tus Siv txog ntawm Cov Kws Pab Kho Mob thiab Cov Kev Ua Haujlwm (li paub hu ua CAHPS) thiab nug cov tswvcuab: ■ Lawv zoo siab npaum li cas rau lawv cov kws kho mob. ■ Lawv zoo siab npaum li cas rau lawv qhov kev saib xyuas kho mob. ■ Lawv zoo siab npaum li cas rau lawv lub phiaj xwm kho mob. Qhov kev ntsuam xyuas no yuav muab khwv yees xa mus rau pab pawg neeg ntawm Alliance cov tswvcuab txhua xyoo. Lub Alliance siv cov tshwm sim tau los ntawm qhov kev ntsuam xyuas nug los txhim kho cov kev pab cuam thiab cov khoos kas peb muab rau koj.Qhov kev ntsuam xyuas nug no yuav tsis qhia npe thiab yuav tsis cuam tshuam txog koj li kev saib xyuas kho mob. Peb saib muaj nqis hais txog koj li kev muab tswvyim! Qhia peb seb peb ua tau li cas! Nyob Noj Qab KEV NOJ QAB NYOB ZOO NTAWM COV T I B NEEG . KEV NOJ QAB NYOB ZOO NTAWM COV ZEJ ZOG . 4