Central California Alliance for Health | Nyob noj qab haus huv | Lub kaum ob hlis ntuj xyoo 2020

5 HAUS HUV Tsis paub tseeb los ntawm kev xa mus cuag thiab kev tso cai? Muaj ntau cov lus siv rau hauv kev kho mob, thiab qee zaum nws tuaj yeem ua rau yus nkag siab tsis meej txog txhua yam. Peb xav kom ntseeg tau tias yus paub yuav ua li cas thiaj li tau txais cov kev pabcuam uas them rau koj txoj kev npaj kho mob, yog li ntawm no yog qee cov ntaub ntawv uas yuav tsum pab tau. Kev Xa Mus Yog koj raug muab tso rau ib tus Alliance Thawj Kws Kho Mob (Primary Care Provider; PCP, raws li sau hauv lus Askiv), koj yuav tsum tau txais kev xa mus ntsib lwm tus kws kho mob. Nws yeej muaj qee lub sijhawm uas yuav zam tau qhov ntawm no. Mus xyuas koj Phau Ntawv Rau Tus Tswvcuab/Daim Ntawv Puavpheej Hauv Kev Kho Mob thiab Ntawv Qhia rau daim ntawv teev qhia txog qhov no. Yog koj tus thawj kws kho mob xav kom koj mus ntsib lwm tus kws kho mob, nws yuav sau daim ntawv hu tias Daim Ntawv Sab Laj Kev Xa Mus (Referral Consultation Form) kev saib xyuas tus neeg mob. Koj thawj kws kho mob xa ib daim ntawv theej rau tus kws kho mob uas koj raug xa mus thiab ib daim theej xa mus rau lub Alliance. Daim ntawv xa mus yog qhov qhia lwm tus kws kho mob thiab Alliance paub txog koj thawj tus kws kho mob pom zoo kom koj mus ntsib. Yog tias peb tsis muaj daim ntawv xa, peb yuav tsis them cov ntawv thov ntawm lwm tus kws kho mob. Kev tso cai rau kev xa mus Feem ntau, koj tus thawj kws kho mob yuav xa koj mus ntsib kws kho mob hauv qhov kev pab cuam. Peb thaj chaw pab cuam yog muab rau cov cheeb nroog nroog Santa Cruz, Monterey thiab Merced. Yog tias koj tus thawj kws kho mob xa koj mus rau kws kho mo buas tsis nyob hauv peb cov cheeb nroog, nws yuav tsum tau txais kev pom zoo los ntawm peb ua ntej. Nov hu tias kev tso rau kev xa mus. Nws hu li no vim tias peb yuav tsum tso cai (pom zoo) txoj kev xa mus ua ntej koj tuaj yeem ntsib tau lwm tus kws kho mob. Yog tias koj yog Alliance tus tswv cuab nyob rau hauv Cov Kev Pab Saib Xyuas Mob Nkeej Rau TomTsev (In- Home Support Services; IHSS, raws li sau hauv lus Askiv), koj tseem yuav tau txais kev tso cai xa mus uas tau los ntawm koj tus thawj kws kho mob xa koj mus rau lwm tus kws kho mob uas tsis muaj ntawv cog lus ua haujlwm nrog lub Alliance—txawm tias tus kws kho mob yuav nyob hauv peb kev pab cuam los xij. Cov tswvcuab hauv Alliance uas tau koom nyob rau txoj haujlwm pab cuam me nyuam yaus hauv California Kev Pab Kho Mob Rau Menyuam Yaus (California Children’s Services; CCS, raws li sau hauv lus Askiv) tseem xav tau txais kev tso cai xa mus kom tau txais kev saib xyuas yam tshwj xeeb. Kev tso cai ua ntej Lub Alliance yuav tsum pom zoo rau qee cov kev pab cuam, cov kev kho mob, tshuaj noj thiab khoom siv ua ntej koj tau txais. Qhov no hu ua kev tso cai ua ntej. Tus kws kho mob uas yuav mus ua haujlwm yuav tsum tau xa peb cov lus thov ua ntej kev tso cai, qhia rau peb paub qhov koj xav tau thiab qhov laj thawj yog vim li cas. Tus kws kho mob tuaj yeem xa hauv Internet tuaj los sis tus xov tooj xa ntawv (fax) los sis xa daim ntawv tuaj. Peb yuav tshuaj xyuas daim ntawv thov thiab txhua cov ntaub ntawv kho mob uas kws kho mob xa tuaj. Yog tias cov kev pab cuam, kev kho mob, tshuaj noj los sis khoom siv yog kev kho mob tsim nyog thiab yog ib qho kev pab uas raug pab them rau peb yuav pom zoo cov lus thov. Peb yuav qhia rau tus kws kho mob paub thiab tom qab ntawd koj tuaj yeem txais kev pab cuam. Yog tias peb tsis pom zoo qhov kev thov, peb yuav qhia koj thiab tus muab kev kho mob paub. Koj tuaj yeem ua ntawv thov kom rov qab txiav txim dua yog tias koj tsis pom zoo nrog peb qhov kev txiav txim siab. TAG NRHO cov npe teev ntawm cov kev pab cuam uas tsis xav tau tim khawv, saib koj Daim Ntawv Puavpheej Hauv Kev Kho Mob thiab Ntawv Qhia lossis Phau Ntawv Rau Tus Tswvcuab.