Muab ib daim duab ntawm koj daim npav ID tswvcuab! Koj puas tau paub tias koj tuaj yeem hu rau Kev Pab Cuam Tswvcuab kom tau ib daim duab ntawm koj daim npav ID kom muab xa tuaj rau koj lub xov tooj? Nws tuaj yeem siv sijhawm ntev txog 10 hnub thiaj li tau daim npav ID luam tawm los xa tuaj hauv kev xa ntawv, tabsis koj tuaj yeem tau daim duab kiag tam sim ntawd. Tsis tas li ntawd los koj tuaj yeem tau ib daim duab ntawm koj tus menyuam daim npav ID thiab. Lus Cim Tseg: Yog tias koj xaiv tawm ntawm kev lus xa xov raws kev sau ntawv ntawm lub Alliance, koj yuav tsum xaiv rov qab nkag mus rau kom tau daim duab ntawm daim npav ID. Rau kev ua qhov no, sau START mus rau 59849. Yuav tau daim duab ntawm koj daim npav ID, hu rau 800-700-3874 (TTY: Ntaus 711), 8 a.m. txog 5:30 p.m., Monday txog Friday. Lub Peb Hlis 2025 | XUV THIB 31, TSAB XOV XWM 1 Nyob Noj Qab Haus Huv Ib daim ntawv xov xwm rau cov tswvcuab ntawm lub koom haum Central California Alliance for Health
Hais txog koj Phau Ntawv Teev Npe Cov Kws Kho Mob thiab Phau Ntawv Rau Tus Tswvcuab Phau Ntawv Teev Npe Cov Kws Kho Mob thiab Phau Ntawv Rau Tus Tswvcuab muaj ntaub ntawv qhia paub tseem ceeb hais txog koj kev npaj kho mob. ■ Phau Ntawv Teev Npe Cov Kws Kho Mob: teev tseg tag nrho cov kws kho mob hauv chaw kho mob hauv lub Alliance pab pawg koom tes. ■ Phau Ntawv Rau Tus Tswvcuab: qhia rau koj hais txog kev fajseeb kho mob uas lub Alliance muab rau koj. Koj tuaj yeem saib tau Phau Ntawv Teev Npe Cov Kws Kho Mob thiab Phau Ntawv Rau Tus Tswvcuab hauv peb lub vevxais ntawm www. thealliance.health/hmn/for-members. Hu rau Kev Pab Cuam Tswvcuab yog tias koj xav kom muab daim ntawv luam tawm los xa tuaj hauv kev xa ntawv rau koj, yuav pab nrhiav tus kws kho mob lossis yog muaj lus nug hais txog cov kev pab kho mob uas txais tau. Nrog peb pab pawg hauv Kev Pab Cuam Tswvcuab sib tham, thov hu rau 800-700-3874. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711). Peb nyob ntawm no txij thaum 8 a.m. txog 5:30 p.m., hnub Monday txog Friday. Tus xov tooj yog hu dawb xwb. Yog tias koj hais hom lus uas tsis yog lus Askiv, yuav muaj cov kev pab cuam txhais lus rau koj yam tsis tau them nqi li. Cov tshuaj muaj ntawv sau yuav Yog tias koj yog ib tug tswvcuab ntawm Medi-Cal, koj cov ntawv sau yuav tshuaj uas tau yuav hauv lub tsev muag tshuaj raug duav roos los ntawm Medi-Cal Rx, tsis yog Alliance. Rau kev nrhiav kom paub seb qhov tshuaj puas tau txais kev duav roos, hu rau 800-977-2273 (TTY: Ntaus 711) lossis mus rau www.medi-calrx.dhcs.ca.gov. Yog tias koj yog ib tus tswvcuab IHSS, cov kev pab cuam hauv khw muag tshuaj yog tuav tswj los ntawm MedImpact. Koj tuaj yeem saib cov tshuaj noj uas raug duav roos rau ntawm Alliance lub vevxais ntawm www.thealliance.health/ hmn/prescriptions. Koj kuj tseem tuaj yeem thov ib daim ntawv luam hu rau Lub Chaw Pab Cuam Tswvcuab ntawm 800-700-3874 (TTY: Ntaus 711). Koj kuj tseem tuaj yeem hu rau Kev Pab Cuam Tswvcuab yog tias koj muaj cov lus nug hais txog cov tshuaj kho mob. Hom tshuaj uas tau txais nyob rau hauv tus kws kho mob lub chaw ua haujlwm lossis lub chaw kuaj mob Cov no yuav xam tias yog cov tshuaj uas kws kho mob yog tus muab (PAD). Koj tuaj yeem mus saib tau daim ntawv teev npe ntawm cov tshuaj uas tau txais kev duav roos thiab cov kev hloov pauv twg rau daim ntawv teev npe ntawm www.thealliance.health/hmn/ prescriptions. Yog tias koj xav tau ib daim ntawv luam xa tuaj raws kev xa ntawv, thov tiv tauj Kev Pab Cuam Tswvcuab ntawm 800-700-3874 (TTY: Ntaus 711). Cov najnpawb xov tooj tseem ceeb uas yuav tsum tau paub txog ■ Alliance Kev Pab Cuam Tswvcuab: 800-700-3874 (TTY: Ntaus 711). ■ 24/7 Alliance Tus Xov Tooj Nug Kev Pab Los Ntawm Tus Kws Tu Neeg Mob: 844-971-8907. ■ Alliance Cov Kev Pab Cuam Txhais Lus: 800-700-3874, ext. 5580. ■ Kev Pab Cuam Kho Mob Hlwb: Carelon Behavioral Health, 855-765-9700. ■ Txoj Phiaj Xwm Pab Kho Qhov Muag (rau kev pab kuaj qhov muag raws sijhawm): 800-877-7195. ■ Medi-Cal Kev Kho Hniav Kev Pab Cuam (rau cov kev pab cuam kho hniav): 800-322-6384. ■ 24/7 Medi-Cal Rx (rau cov chaw muag tshuaj): 800-977-2273 (TTY: Ntaus 711). ■ Alliance Tus Xov Tooj Pab Pawg Kws Tswj Kev Tu Xyuas: 800-700-3874, ext. 5512. ■ Alliance Tus Xov Tooj Pab Qhia Kev Noj Qab Haus Huv: 800-700-3874, ext. 5580. ■ Alliance Cov Kev Pab Cuam Thauj Mus Los: 800-700-3874. Phau Ntawv Rau Tus Tswvcuab yog ib phau ntawv qhia pab tau zoo. Nws muaj ntaub ntawv qhia paub hais txog kev muab kev kho txuas ntxiv, koj cov cai, thiab txoj hau kev kom tau txais kev pab nrog cov kev teem caij mus ntsib kws kho mob. Tsis tas li ntawd los koj tuaj yeem kawm paub txog txoj hau kev ua ntawv foob txog kev tsis txaus siab lossis kev thov kom rov qab txiav txim dua. Yog tias koj xav tau phau ntawv qhia ua lwm hom lus, koj tuaj yeem thov txog qhov ntawd tau. Phau ntawv qhia yuav raug muab hloov kho tshiab hauv txhua xyoo.
3 Nyob Noj Qab Haus Huv Vim li cas kev mus kuaj mob thiaj li yog qhov tseem ceeb? Cov kev kuaj mob yog feem tseem ceeb ntawm kev pab kom koj thiab koj tsev neeg muaj kev noj qab haus huv zoo. Thaum kuaj mob rau lub cev, koj tus kws kho mob yuav kuaj koj li kev noj qab haus huv, uas tuaj yeem pab nrhiav cov teeb meem kom paub thaum ntxov kom koj thiaj li tuaj yeem tau txais kev saib xyuas kho mob kom haum ua ntej ntau yam yuav mob loj tuaj. Rau Alliance cov tswvcuab, cov kev kuaj mob rau lub cev yuav muaj yam tsis tau them tus nqi! Muaj dab tsi tshwm sim rau thaum kuaj mob rau lub cev? Koj tus kws kho mob yuav nug koj hais txog koj li kev noj qab haus huv thiab koj tsev neeg txoj kev noj qab haus huv. Koj kuj tuaj yeem nug koj tus kws kho mob txog cov lus nug uas koj muaj tau. Lawv yuav ua qee cov kev ntsuas xyuas raws li koj lub noob nyoog thiab muab tshuaj tiv thaiv kab mob ib hom twg uas tej zaum txog sijhawm koj yuav tau txhaj lawm. Lawv yuav saib rau ntawm seb koj noj cov tshuaj twg. Yog tias koj yuav tsum tau mus ntsib lwm tus kws kho mob, lawv tuaj yeem pab koj nrog qhov ntawd tau ib yam nkaus thiab. Kuv yuav npaj rau kev mus kuaj mob li cas? Ua ntej koj mus ntsib koj tus kws kho mob, ua ib daim ntawv txog txhua cov tshuaj uas koj noj tso. Qhia rau koj tus kws kho mob paub yog tias ib tug neeg twg hauv koj tsev neeg twb tau muaj mob lawm lossis muaj tus mob zoo li cas lawm xws li mob ntshav qab zib lossis kab mob plawv. Yog tias koj muaj lus nug dab tsi rau koj tus kws kho mob, sau rau hauv daim ntawv kom koj thiaj li tsis hnov qab. Kuv yuav tsum tau mus kuaj mob ntau npaum li cas? Nws nyob ntawm seb koj muaj pes tsawg xyoo. Cov menyuam mosliab yuav tsum tau mus ntsib kws kho mob ntau zog hauv lawv thawj lub xyoo. Lawv mus li peb txog tsib hnub tom qab lawv yug los thiab tom qab ntawd ntawm noob nyoog 1, 2, 4, 6, 9, 12, 15, 18, 24 thiab 30 lub hlis. Nws yuav saib zoo li ntau heev, tab sis peb lub cev hloov pauv mus thaum peb loj hlob tuaj, yog li ntawd thiaj li yog qhov tseem ceeb. Rau kev loj hlob tuaj thiab cov menyuam yaus uas muaj noob nyoog 3 xyoos, ib xyoos ib zaug yeej zoo lawm. Cov khoom plig uas Alliance cov tswvcuab tau txais rau kev mus kuaj mob? Alliance cov tswvcuab tuaj yeem tau txais daim npav khoom plig rau kev mus kuaj mob, tswjhwm tus mob zoo li cas txog kev noj qab haus huv thiab ua cov kev xaiv kom zoo rau lub cev. Koj tuaj yeem kawm paub ntau ntxiv ntawm www.thealliance.health/hmn/ health-rewards. Cov kev kuaj mob thiab kev mus txhaj tshuaj tiv thaiv kab mob yog ib txoj hau kev yooj yim tswj xyuas tau koj li kev noj qab haus huv! Dr. Dianna Myers yog Tus Thawj Saib Xyaus Kev Kho Mob ntawm Central California Alliance for Health. Nws tau kawm txog cov kev kho mob menyuam yaus hauv Lub Cheeb Nroog Monterey txog 12 lub xyoos thiab muaj kev paub yuav luag txog 20 lub xyoos txoj haujlwm kho mob. Koj puas tau mus kuaj mob ntawm koj lub cev tas li? Nug tus kws kho mob
4 Nyob Noj Qab Haus Huv Kev tshuaj ntsuam Chlamydia ua kom cov ntxhais hluas noj qab nyob zoo! Kev saib xyuas koj tus menyuam hluas txoj kev noj qab haus huv yog ib yam uas zoo tshaj plaws uas koj tuaj yeem ua tau rau lawv! Ib txoj hau kev tseem ceeb los pab cov menyuam ntxhais hluas muaj kev noj qab haus huv zoo yog los ntawm kev coj lawv mus kuaj ntsuas xyuas txog Chlamydia. Vim li cas cov kev mus kuaj xyuas thiaj li yog qhov tseem ceeb? ■ Chlamydia yog kev sib kis kab mob los ntawm kev sib deev (sexually transmitted infection; STI, raws li sau hauv lus Askiv). ■ Feem ntau cov neeg tsis paub tias lawv muaj vim tias lawv tsis hnov mob. ■ Yog tias tsis kho, nws tuaj yeem ua rau muaj teeb meem txog kev noj qab haus huv loj heev rau yav tom qab. ■ Chlamydia yuav ua rau cov poj niam cev xeebtub tau nyuaj rau lub neej yav tom ntej. Cov ntxhais hluas tsim nyog ua dab tsi? ■ Mus kuaj ib xyoos ib zaug pib rau thaum muaj noob nyoog 16 xyoos. ■ Mus kuaj tas li yuav pab kuaj pom tus mob Chlamydia tau thaum ntxov. ■ Kev nrhiav tau kom ntxov pab kom cov hluas muaj kev noj qab haus huv zoo! Cov kev mus kuaj xyuas txog Chlamydia ua tau yooj yim xwb! ■ Tus kws kho mob yuav thov kuaj zis los kuaj saib txog Chlamydia. ■ Tsis muaj tus nqi them rau qhov kev kuaj no. Tiv tauj rau koj tus kws kho mob yog muaj lus nug hais txog cov hluas txoj kev noj qab haus huv thiab los teem sijhawm rau cov kev mus kuaj xyuas Chlamydia. Cov kev pab cuam txog kev pab yug menyuam rau cov leej niam tshiab Puas yog muaj cev xeebtub lossis nyuam qhuav yug tau ib tug menyuam mosliab? Nrog koj zoo siab! Tam li yog Alliance ib tus tswvcuab, koj tuaj yeem tau kev pab los ntawm tus neeg pab cuam rau leej niam (doula; raws li sau hauv lus Askiv)! Ib tug doula yog tus dab tsi? Ib tug doula yog ib tug neeg uas pab koj ua ntej, hauv lub sijhawm thiab tom qab koj tau koj yug koj tus menyuam mosliab. Qee cov doula muab kev txhawb nqa rau thaum nchuav menyuam, yug los es ho tag sib neeg lawm lossis kaus menyuam. Cov doula ua haujlwm nrog koj tus kws kho mob los muab kev saib xyuas lossis pab tu zoo tshaj plaws li yuav muab tau rau koj. Tus doula ua dab tsi? ■ Teb koj cov lus nug hais txog kev xeebtub, qhia cov hauv kev nyob so rau koj, thiab nrog koj tsim ib qhov kev npaj yug menyuam. ■ Muab kev txhawb nqa rau koj, qhia cov hauv kev txav chaw thiab ua pa rau koj, thiab hais txog yam uas koj xav tau. ■ Qhia koj txog qhov yuav pub mis rau koj tus menyuam li cas thiab pab koj saib xyuas koj tus menyuam. Yuav pib tau li cas Hu rau Alliance Kev Pab Cuam Tswvcuab ntawm 800-700-3874 (TTY: Ntaus 711), hnub Monday txog Friday, thaum 8 a.m. txog 5:30 p.m. Koj kuj tuaj yeem nrhiav tau ib tug doula huav Phau Ntawv Teev Npe Cov Kws Kho Mob hauv ooslais ntawm www.thealliance.health/ find-a-doula.
5 Nyob Noj Qab Haus Huv Kev noj qab haus huv txog kaus hniav thiab cev xeebtub Kev saib xyuas txog koj li kev noj qab haus huv txog kaus hniav thaum cev xeebtub yog qhov tseem ceeb heev rau koj thiab koj tus menyuam mosliab! Cov kev kawm tshawb fawb qhia pom tias yog tias tus neeg yuav ua ib leej niam tsis saib xyuas txog nws cov kaus hniav, nws tuaj yeem ua rau tus menyuam mosliab yuav yug los ntxov dhau lossis yug los me dhau. Tsis tas li ntawd, cov kab mob npev taws lias uas ua rau muaj hniav lwj tuaj yeem nkag mus tau rau tus menyuam mos thaum lawv yug los. Cov neeg uas cev xeebtub pheem nyiam muaj kab mob rau pos hniav thiab cov hniav lwj dua cov neeg uas tsis xeebtub. Vim li ntawd thiaj li tseem ceeb heev yuav mus rau kev kho hniav yog tias koj xav tias yuav muaj menyuam. Cov kws kho mob thiab cov kws kho hniav hais tias kev thaij duab hluav taws xob (x-rays; raws li sau hauv lus Askiv), cov kev tu kom huv thiab cov kev kho kaus hniav yeej muaj kev nyab xeeb thiab xav kom ua rau thaum cev xeebtub! Cov lus qhia tswvyim txog kev noj qab haus huv rau kaus hniav thaum cev xeebtub ■ Teem sijhawm rau kev kuaj mob nrog tus kws kho hniav kom ntxov thaum koj cev xeebtub! Koj muaj kev fajseeb kho mob rau fab kev kho hniav rau cov kev kuaj, cov kev tu kom huv, cov kev ntsaws hniav thiab ntau yam ntxiv los ntawm Medi-Cal.* ■ Ua kom tiav kev kho mob rau kaus hniav uas muaj kev pom zoo ua thaum cev xeebtub. Nws muaj kev nyab xeeb thiab tseem ceeb rau koj thiab tus menyuam mosliab! ■ Txhuam hniav ib hnub ob zaug nrog cov tshuaj txhuam hniav uas muaj fluoride thiab dig hniav txhua hnub. ■ Noj tej khoom noj kom xwm yeem, zoo rau lub cev. Koj tus kws kho mob txoj kev pab kho mob tuaj yeem pab koj xaiv tej khoom noj uas tuaj yeem pab koj thiab koj tus menyuam mosliab kom muaj kev noj qab haus huv zoo. ■ Yog tias koj ntuav los ntawm kev qaug menyuam, siv dej lossis cov dej yaug qhov ncauj uas muaj tshuaj fluoride los yaug koj lub qhov ncauj. Tsis txhob txhua koj li kaus hniav kiag tam sim ntawd—tos li 30 feeb. ■ Coj koj tus menyuam mosliab mus ntsib kws kho hniav thaum lawv muaj noob nyoog 1 xyoos lawm thiab thaum lawv tuaj thawj tus hniav! *Yog tias koj muaj Medi-Cal vim tias koj cev xeebtub, koj tuaj yeem tau txais kev kho hniav ntev txog li ib xyoos tom qab koj tus menyuam yug los lawm. Yog tias koj tseem tsim nyog tau txais Medi-Cal mus ntxiv rau lwm cov laj thawj, koj kuj tuaj yeem tau txais kev kho hniav txawm tias koj yuav cev xeebtub los tsis xeeb los xij. Alliance cov tswvcuab muaj cov kev pab kho mob uas txais tau kev kho hniav! Medi-Cal muaj cov kev pab kho mob uas txais tau pab kho hniav rau tag nrho cov menyuam yaus thiab cov laus. Cov kev pab cuam tau txais kev duav roos los ntawm Medi-Cal Kho Hniav Kev Pab Cuam (Medi-Cal Dental Program; raws li sau hauv lus Askiv) thiab tsis yog los ntawm Alliance. Koj yuav tsum tau qhia koj li Medi-Cal Daim Npav Qhia Txog Cov Kev Pab Kho Mob Uas Txais Tau (Benefits Identification Card; BIC, raws li sau hauv lus Askiv) Medi-Cal rau koj tus kws kho hniav kom tau txais kev pab kho hniav. Yog xav paub ntau ntxiv, lossis nrhiav tus kws kho hniav nyob ze koj, koj tuaj yeem: ■ Hu rau Medi-Cal Kho Hniav Kev Pab Cuam ntawm 800-322-6384 (TTY: 800-735-2922). ■ Mus saib hauv Medi-Cal Kho Hniav lub vevxais ntawm www.dental.dhcs.ca.gov. Kev kho mob cov kev zoo
6 Nyob Noj Qab Haus Huv Nkag cuag tau rau kev saib xyuas kom raws sijhawm Raws li yog Alliance tus tswvcuab, nws yog koj li cai yuav muaj kev nkag cuag tau rau tus kws kho mob hauv pab pawg koom tes kom raws sijhawm, tab sis qee zaum tus kws kho mob tsis tuaj yeem ntsib koj tau kiag tam sim ntawd. Qee cov kev teem caij yuav siv sijhawm ntev zog los teem sijhawm dua lwm qhov. Peb ua hauj lwm nrog tus kws kho mob thiab cov chaw kuaj mob hauv peb pab pawg koom tes los ua kom paub tseeb tias koj tau txais kev saib xyuas kho mob thaum koj xav tau. Kev npaj kho mob hauv California yuav tsum ua raws li cov cai los ua kom paub tseeb tias koj tau txais kev saib xyuas kho mob thaum koj xav tau. Cov cai no hu tias cov qauv cai "Kev Nkag Cuag Tau Rau Cov Kev Pab Cuam Txoj Kev Pab Kho Mob Uas Tsis Yog Xwm Txheej Ceev Kom Raws Sijhawm." Daim tsham qhia no qhia pom txog cov sijhawm yuav tau tos sib txawv rau cov hom kev teem caij sib txawv. Yog tias tus kws kho mob xav tias kev tos ntev zog yuav tsis ua rau koj li kev noj qab haus huv muaj kev phom sij, lub sijhawm tos yuav ib nyuag ntev zog, thiab lawv yuav tsum sau cim tseg rau hauv koj li ntaub ntawv kho mob. Yog tias koj hnov tias koj tsis tau txais kev saib xyuas kho mob thaum koj xav tau, hu rau Kev Pab Cuam Tswvcuab ntawm 800-700-3874 (TTY: 800-735-2929 lossis 711). Hom kev teem caij ntsib Koj yuav tsum tuaj yeem tau txais kev teem caij ntsib hauv: Cov kev teem caij rau kev mus kuaj mob ceev uas tsis yuav kev pom zoo ua ntej (kev tso cai ua ntej). 48 teev Cov kev teem caij rau kev mus kuaj mob ceev uas xav tau kev pom zoo ua ntej (kev tso cai ua ntej). 96 teev Cov kev teem caij rau chaw kho mob uas tsis maj rawm. 10 hnub ua haujlwm Cov kev teem caij rau kev saib xyuas kho mob ntawm tus kws kho mob paub tshwj xeeb uas tsis maj rawm. 15 hnub ua haujlwm Cov kev teem caij rau kev saib xyuas kho mob ntawm tus kws kho mob txog kev noj qab haus huv fab kev puas siab puas ntsws (tsis yog kws kho mob) uas tsis maj rawm. 10 hnub ua haujlwm Cov kev teem caij rau kev rov mus kho mob dua ntawm tus kws kho mob txog kev noj qab haus huv fab kev puas siab puas ntsws (tsis yog kws kho mob) uas tsis maj rawm. 10 hnub ua haujlwm txij thaum kev teem caij zaum kawg nkaus Cov kev teem caij tsis maj rawm rau cov kev pab cuam txhawb ntxiv (txhawb nqa) rau kev kuaj mob lossis kev kho qhov raug mob, kev mob nkeeg lossis lwm tus mob zoo li cas lawm. 15 hnub ua haujlwm Lwm cov qauv cai txog lub sijhawm tos Koj yuav tsum tau txais kev sib txuas nyob hauv: Cov sijhawm tos hauv xov tooj ntawm Kev Pab Cuam Tswvcuab hauv lub sijhawm ua haujlwm li ib txwm. 10 feeb Cov sijhawm tos hauv xov tooj rau Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line; NAL, raws li sau hauv lus Askiv). 30 feeb (muab txuas mus rau tus kws tu mob)
7 Nyob Noj Qab Haus Huv Alliance muab cov kev pab cuam kawm txog kev noj qab haus huv Lub Alliance kuj muaj Txoj Kev Pab Cuam Txiaj Ntsig Rau Kev Noj Qab Haus Huv uas muab khoom plig rau koj thiab koj tsev neeg uas txhawb nqa rau koj li kev noj qab haus huv! Kuaj xyuas hauv peb cov khoom plig ntawm www.thealliance.health/hmn/ health-rewards. Ntawm lub Alliance, peb mob siab rau koj txoj kev noj qab haus huv! Vim li ntawd peb cov kev pab cuam kawm txog kev noj qab haus huv thiaj li muab cov cuab yeej uas lawv xav tau rau Alliance cov tswvcuab kom muaj kev noj qab haus huv zoo thiab nyob kom muaj kev noj qab haus huv zoo. Tsis muaj tus nqi dab tsi rau Alliance cov tswvcuab tuaj mus koom nrog li. Yuav muab cov kev pab cuam tim ntsej tim muag, hauv ooslais lossis hauv kev hu xov tooj. Yog tias koj xav rau npe rau kev pab cuam no lossis muaj lus nug, thov hu rau Alliance Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580. Yog tias koj xav tau kev pab txhais lus, peb muaj tus xov tooj hu tshwj xeeb kom tau ib tug neeg txhais lus uas hais koj hom lus uas koj tsis tau them tus nqi dab tsi. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711). Alliance cov kev pab cuam txhais lus Yog tias koj muaj teeb meem txog kev tham nrog koj tus kws kho mob, peb yuav pab tau! Koj tsis tas siv tsev neeg lossis cov phooj ywg los txhais rau koj rau thaum mus ntsib kws kho mob li. Alliance muab cov kev pab cuam txhais lus tim ntsej tim muag thiab hauv xov tooj tib si. Yog xav tau kev pab kom tau ib tug neeg txhais lus lossis sau ntaub ntawv qhia paub ua koj hom lus, thov hu rau Alliance Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580. Peb muaj tus xov tooj hu tshwj xeeb kom tau ib tug neeg txhais lus uas hais koj hom lus, uas muaj rau koj yam tsis tau them tus nqi dab tsi. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711). Kev noj qab nyob zoo rau txhua leej Lub khoos kas Muaj rau leej twg thiab? Live Better with Diabetes Program Txoj Kev Pab Cuam Ua Lub Neej Zoo nrog Kev Mob Ntshav Qab Zib Cov tswvcuab uas yog neeg laus uas muaj mob ntshav qab zib lossis ua ntej yuav muaj mob ntshav qab zib. Txoj Kev Pab Cuam Kom Noj Qab Haus Huv Cov tswvcuab uas yog neeg laus uas muaj tus mob tsis tu qab xws li mob hawb pob, kab mob plawv, mob ntshav siab, mob kev hnyav lossis mob ntxhov siab. Txoj Kev Pab Cuam Soj Qab Xyuas Qhov Hnyav Ntawm Lub Cev Rau Neeg Laus Tag nrho cov tswvcuab uas yog neeg laus uas hnyav dhau lossis muaj mob kev hnyav. Txoj Kev Pab Cuam Cia Lub Cev Hnyav Kom Haum Yuav Pab Tau Muaj Kev Noj Qab Nyob Zoo Mus Tag Tiam Niam thiab txiv ntawm cov tswvcuab uas muaj noob nyoog 2 txog 18 xyoos uas xav pab lawv tus menyuam ua kom tau qhov hnyav uas zoo rau lub cev. Txoj Kev Pab Cuam Kom Cov Leej Niam thiab Menyuam Mosliab Noj Qab Haus Huv Cov tswvcuab uas cev xeebtub lossis tus uas tau muaj menyuam mosliab hauv 12 lub hlis dhau los. Kev Pab Cuam Txiav Haus Luam Yeeb Cov tswvcuab uas xav tsum luam yeeb thiab/lossis tsum kev siv cov khoom lag luam uas muaj luam yeeb.
Yam yuav tsum tau paub hais txog cov kev mus kuaj xyuas tus mob khees xaws txoj hnyuv loj Cov kev mus kuaj xyuas khees xaws txoj hnyuv loj yog dab tsi? Vim li cas thiaj li tseem ceeb? Thaum ua cov kev mus kuaj xyuas mob khees xaws txoj hnyuv loj, koj tus kws kho mob kuaj xyuas kom pom seb koj puas muaj nqaij hlav ua ntej yuav dhau mus ua mob kees xaws (cov qe ntshav ua thooj me) lossis cov cim ntawm tus mob khees xawstxoj hnyuv loj. Cov kev mus kuaj xyuas yuav kuaj txog tus kab mob txawm yog tias koj tsis muaj cov tsos mob los xij li. Nws yog qhov tseem ceeb yuav kuaj txog tus mob khees xaws los ntawm cov kev mus kuaj xyuas li ib txwm. Kev kho mob kom ntxov yuav ua haujlwm tau zoo tshaj plaws los pab tiv thaiv cov teeb meem txog kev noj qab haus huv hnyav heev no! Cov kev mus kuaj xyuas ua tau yooj yim tsuas yog sim ntsuas cov quav xwb. Feem ntau kev sim kuaj yuav ua tau hauv ib mus rau ob xyoos hauv cov neeg uas muaj noob nyoog 45 txog 75 xyoos los ua ib feem ntawm kev kuaj mob hauv txhua xyoo. Qee cov neeg yuav tsum tau muaj kev siv koob tsom saib txoj hnyuv. Qhov no yog thaum tus kws kho mob yuav pom txog sab hauv ntawm txoj hnyuv los ntawm kev siv tus thoj uas nkhaus tau yooj yim. Nws yog qhov tseem ceeb rau kws kho mob los txiav txim siab txog cov kev mus kuaj xyuas zoo tshaj plaws rau koj. Kuv puas muaj kev pheej hmoo yuav muaj tus mob khees xaws txoj hnyuv loj? Tus mob khees xaws txoj hnyuv loj yeej keev pom muaj hauv cov neeg laus uas muaj noob nyoog 65 txog 74 xyoos. Tau muaj tus mob khees xaws txoj hnyuv loj no ntau tuaj hauv cov neeg laus noob nyoog 40 txog 49 xyoos. Tej zaum koj yuav muaj feem tsim muaj tus kab mob khees xaws txoj hnyuv loj tau yog tias: ■ Koj muaj tus kab mob hnyuv mob o. ■ Ib tug neeg twg hauv koj tsev neeg tau muaj tus mob khees xaws txoj hnyuv loj lossis qog nqaij hlav lawm. Koj li kev noj haus kev ua neej kuj tuaj yeem cuam tshuam rau koj theem kev pheej hmoo txog tus mob khees xaws txoj hnyuv loj. Qhov no tuaj yeem suav nrog tej khoom noj, kev tawm dag zog thiab kev haus dej haus cawv thiab cov khoom siv uas muaj luam yeeb. Kuv tsim nyog mus kuaj ntsuas xyuas thaum twg txog tus mob khees xaws txoj hnyuv loj? Yog tias koj muaj noob nyoog 45 txog 75 xyoos, koj tsim nyog mus txais kev kuaj ntsuas xyuas txog tus mob khees xaws txoj hnyuv loj. Alliance puas them rau cov kev mus kuaj xyuas tus mob khees xaws txoj hnyuv loj? Yog. Koj tuaj yeem tau txais kev kuaj ntsuas xyuas txog tus kab mob khees xaws txoj hnyuv loj yam tsis tau them tus nqi li. Kuv yuav teeb sijhawm rau cov kev mus kuaj xyuas tau li cas? Nrog koj tus kws kho mob tham. Qhia rau lawv paub yog tias koj muaj lus nug. 8 Peb tab tom xa kev lus xa xov raws kev sau ntawv rau cov tswvcuab! Lub Alliance sau ntawv rau cov tswvcuab los pab lawv kom paub txog Alliance cov kev kho mob thiab kev pab cuam. Alliance cov lus xa xov raws kev sau ntawv yog los ntawm tus najnpawb 59849. Yog xav paub ntxiv, mus saib peb lub vevxais ntawm www.thealliance.health/hmn/member-texting. Nyob rau txhua ntu ntawm lub neej. Txog txhua yam xwm txheej mob. Kev ntseeg siab, tsis muaj nqi Medi-Cal kev kho mob los ntawm pab pawg hauv zej zog uas nkag siab koj. Alliance—koj tus phooj ywg ua koj tus kheej noj qab nyob zoo tshaj plaws. NYOB NOJ QAB HAUS HUV yog luam tawm rau cov tswvcuab thiab cov neeg muab kev koom tes hauv zej zos ntawm CENTRAL CALIFORNIA ALLIANCE FOR HEALTH, 1600 Green Hills Road, Suite 101, Scotts Valley, CA 95066, xov tooj (831) 430-5500 lossis (800) 700-3874, ext. 5513, website www.thealliance.health/hmn. Cov ntsiab lus hauv NYOB NOJ QAB HAUS HUV yog los ntawm coob tus kws kho mob los. Yog koj muaj kev txhawj xeeb lossis muaj lus nug txog tej yam lus uas yuav tsim tau tej yam tsis zoo rau koj txoj kev noj qab haus huv, thov hu rau koj tus kws kho mob. Cov duab thaij thiab cov duab teeb no tej zaum yog siv cov neeg ua qauv yees duab. 2025 © Coffey Communications, Inc. All rights reserved. Editor Randi Motson Quality and Health Programs Supervisor Ivonne Muñoz www.thealliance.health/hmn
RkJQdWJsaXNoZXIy MjI2MTU5NA==