Central California Alliance for Health | Nyob boj qab haus huv | LUB PEB HLIS NTUJ 2019

5 HAUS HUV Lub Alliance Kev Pab Txhais Lus Piav Tes Koj puas paub tias lub Alliance muaj cov Kev Txhais Lus Piav Tes (American Sign Language; ASL, raws li sau hauv lus Askiv) DAWB rau Alliance cov tswvcuab uas tsis hnov lus lossis hnov lus tsis zoo? Peb rau siab los ua kom peb paub tseeb tias txhua tus tswvcuab nrog Alliance tham tau nrog lawv tus thawj kws kho mob (primary care provider) txog lawv txoj kev kho mob. Yog tias koj xav paub ntau zog txog lub Alliance cov kev pab txhais lus ASL, thov hu rau lub Alliance Phab Qhia Kev Noj Qab Haus Huv Tus Xov Tooj ntawm (800) 700-3874, ext. 5580 . Koj kuj siv tau California Txoj Kev Pab Sib Txuas Lus Rau Cov Tsis Hnov Lus (California Relay Service’s; CRS, raws li sau hauv lus Askiv) tus xov tooj TTY DAWB ntawm (800) 735-2929 . Lub Alliance muaj Txoj Kev Pab Cuam Kom Noj Qab Haus Huv cov hoob kawm dawb uas nyob ze rau ntawm koj! Cov hoob kawm ntawm no yuav qhia txog kev noj qab haus huv thiab kev noj qab nyob zoo kom cov tswvcuab los kawm tias lawv yuav ua li cas kom tswj tau mob, kev nkees, kev ntxov siab, kev nyob tsis tus thiab kev pw tsis taus. Cov Cov Lus Qhia Tshiab Hauv Txoj Kev Pab Cuam Soj Qab Xyuas Qhov Hnyav Ntawm Lub Cev (Weight Watchers Support Program) Weight Watchers hloov lawv lub npe mus rau Wellness that Works®. Lub Alliance yuav hloov qhov kev pab cuam lub npe kom nws haum lub tuam tsev haujlwm lub npe tshiab: Kev Pab Cuam Uas Txhawb Kev Noj Qab Nyob Zoo Yeej Ua Haujlwm (Wellness that Works). Yog tias koj muaj lus nug txog qhov Kev Pab Cuam Uas Txhawb Kev Noj Qab Nyob Zoo Yeej Ua Haujlwm, thov hu rau lub Alliance Phab Qhia Kev Noj Qab Haus Huv Tus Xov Tooj ntawm (800) 700-3874, ext. 5580 . Txoj Kev Pab Cuam Kom Noj Qab Haus Huv (Healthier Living Program) tswvcuab kuj yuav kawm txog kev noj zaub mov kom noj qab haus huv, kev nquag mus qoj ib ce, tej yam yuav pab kom lub neej zoo zog tuaj thiab kev sib raug zoo. Ntau tus tswvcuab nrog Alliance tau los koom nrog lub hoob kawm Txoj Kev Pab Cuam Kom Noj Qab Haus Huv thiab los hloov ua tej yam kom noj qab haus huv hauv lawv lub neej txhua hnub. Tej tug tswvcuab sib zog mus koom txhua lub sijhawm vim txoj kev pab txhawb zog uas lawv txais los ntawm lawv cov phooj ywg. Peb cov tswvcuab hais dabtsi txog Txoj Kev Pab Cuam Kom Noj Qab Haus Huv cov hoob kawm: “Kuv ntsib ntau tus neeg uas muaj tib co teeb meem zoo nkaus li kuv thiab, tamsim no kuv paub tias tsis yog kuv ib leeg nkaus xwb.” “Lawv qhib kuv txoj kev xav kom dav zog los pib tu xyuas kuv txoj kev noj qab haus huv ua ntej kuv pib muaj mob.” “Tam sim no kuv mloog kuv lub cev thiab kuv cov yam ntxwv coj txhua hnub zoo dua lawm.” LUB ALLIANCE XAV CAW koj tuaj koom nrog lub hoob kawm HLP. Hu rau Lub Alliance Phab Qhia Kev Noj Qab Haus Huv Tus Xovtooj ntawm (800) 700-3874, ext. 5580 los cuv npe rau ib lub hoob kawm uas nyob ze rau ntawm koj.