5 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Mob plawv thiab tshuaj statins Tshuaj statins yog ib hom tshuaj uas kho cov muaj kev mob ntshav roj theem siab. Tshuaj statins kuj tseem txo cov kev pheej hmoo ntawm kev mob plawv nres thiab mob hlab ntsav tawg. Qee qhov piv txwv ntawm tus tshuaj statins suav nrog tus tshuaj atorvastatin (Lipitor), tshuaj rosuvastatin (Crestor) thiab tus tshuaj simvastatin (Zocor). Tus tshuaj statins tuaj yeem pab cov neeg uas muaj: ■ Tau kuaj pom tia yog mob plawv. ■ Tau muaj tus mob plawv nres lossis mob hlab ntshav tawg. ■ Kev rau hlau. ■ Kev muaj quav hniav nyob rau hauv lawv lub cev. Statins kuj raug pom zoo rau cov neeg uas yuav muaj kev pheej hmoo rau lwm yam mob. Piv txwv lis suav nrog cov keeb kwm tsev neeg ntawm kev mob ntshav muaj roj siab, kab mob plawv lossis ntshav qab zib. Cov kev tsos mob tshwm sim feem ntau ntawm kev noj tus tshuaj statins yog mob leeg nqaij thiab tsis muaj zog. Tab sis tus tshuaj statins tsis yog qhov laj thawj uas ua rau kom muaj qhov mob leeg nqiaj tas lis. Yog tias koj tab tom ntsib cov mob leeg nqaij thiab tsis muaj zog, ces qhia rau koj tus kws kho mob. Koj tus kws kho mob yuav kom koj tsis txhob noj cov tshuaj statin rau ib lub hlis kom paub tua seb qhov mob puas ploj mus. Lossis koj tus kws kho mob tuaj yeem hloov koj mus rau lwm yam tshuaj statin lossis hloov koj cov tshuaj. Nug koj tus kws kho mob ua ntej yuav hloov koj cov tshuaj. Tsis txhob noj koj cov tshuaj tshwj tsis yog koj tus kws kho mob hais kom koj tsum. Nws yog ib qho tseem ceeb uas yuav tau noj koj cov tshuaj statin raws li koj tus kws kho mob tau sau tseg. Ua tib zoo saib cov lus ceeb toom uas tuaj nrog koj cov tshuaj. Qee cov tshuaj, thiab txawm hais tias kua txiv hmab txiv ntoo, tuaj yeem muaj feem cuam tshuam rau kev haujlwm ntawm tus tshuaj statins tau. Nco ntsoov qhia rau koj tus kws kho mob paub thaum koj yuav pib noj cov tshuaj tshiab. Cov kev pab cuam rau Alliance tus neeg txhais lus txog Kev Txhais Lus Piav Tes (American Sign Language; ASL, raws li sau hauv lus Askiv) Koj puas paub tias lub Alliance muab kev pab cuam txhais lus txog Kev Txhais Lus Piav Tes (American Sign Language; ASL, raws li sau hauv lus Askiv) rau cov tswvcuab Alliance uas lag ntseg lossis tsis hnov lus? Peb ua haujlwm los xyuas kom meej tias txhua tus tswvcuab Alliance tuaj yeem sib tham nrog lawv tus kws kho mob thawj zaug (primary care provider; PCP, raws li sau huav lus Askiv) txog lawv cov kev xav tau ntsig txog kev saib xyuas kho mob kev noj qab haus huv. Peb tuaj yeem pab teem sijhawm rau tus neeg txhais lus ASL tuaj rau ntawm koj qhov chaw ua mus ntsib kws kho mob. Yog xav paub ntxiv txog kev pab cuam txhais lus ntawm Alliance ASL, thov hu rau Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).
RkJQdWJsaXNoZXIy ODQ1MTY=