6 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Ua neej nyob nrog kev noj qab nyob zoo nrog ntshav qab zib Kev mob ntshav qab zib yog ib cov tsos mob uas cuam tshuam rau koj lub cev hloov zaub mov mus rau lub zog zoo npaum li cas. Thaum koj muaj mob ntshav qab zib, koj lub cev tsis muab cov ntshav qab zib insulin txaus lossis tsis tuaj yeem siv txaus yam tsim nyog. Ntshav qab zib tsis yog ib yam uas ploj mus tau ntawm nws tus kheej. Koj tuaj yeem ua lub neej noj qab nyob zoo nrog rau tus kab mob ntshav qab zib. No yog qee yam uas koj tuaj yeem ua tau. Mus ntsib koj tus kws kho mob tsis yam tu ncua. Koj yuav tsum tau kuaj xyuas nrog koj tus kws kho mob tsis yam tu ncua. Koj tus kws kho mob yuav tshuaj xyuas koj qhov kev nce qib thiab kho koj li kev kho mob yog tias xav tau. Nco ntsoov khaws koj cov sijhawm teem tseg. Peb muaj cov kev pab thauj mus los rau koj siv yog tias koj xav tau kev pab mus ntsib koj tus kws kho mob. Hu rau peb tsawg kawg tsib hnub ua haujlwm ua ntej koj teem sijhawm ntawm 800-700-3874, ext. 5577, hnub Monday txog Friday, 8 a.m. txog 5:30 p.m. Ua raws li cov lus qhia uas koj tus kws kho mob muab rau koj los tswj ntshav qab zib. Qhov no suav nrog kev noj tshuaj uas koj tus kws kho mob tau sau rau koj qhov kev sain xyuas tus mob ntshav qab zib. Ua lub neej yam muaj kev noj qab nyob zoo. Cov cwj pwm no tuaj yeem pab koj ua lub neej yam muaj kev noj qab nyob zoo: ■ Tswj qhov hnyav ua zoo rau koj lis kev noj qab haus huv. ■ Noj zaub mov ua muaj txiaj ntxig rau kev noj qab haus huv. ■ Yuav tsum muaj kev tawm dab zog. Kawm txog kev tswj koj cov ntshav qab zib li cas thiab tau txais kev txhawb nqa. Peb Pab Pawg Kws Tswj Kev Tu Xyuas tuaj yeem pab koj kom paub tseeb tias koj nkag siab koj qhov kev kuaj mob thiab muaj txhua yam ua koj xav tau los pib tswj nws. Hu rau 800-700-3874, ext. 5512. Peb muab Txoj Kev Pab Cuam Ua Lub Neej Zoo nrog Kev Mob Ntshav Qab Zib (Live Better with Diabetes Program; LBD, raws li sau hauv lus Askiv), ua qhov chaw koj yuav tau kawm txog kev noj qab haus huv, kev tawm dab zog, kev tsim kho koj lub neej kom zoo thiab ntau tshaj ntawv! Txhawm rau los sib koom lossis kawm paub ntau ntxiv txog peb lub rooj cob qhia rau lub vij, hu rau peb Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580.
RkJQdWJsaXNoZXIy ODQ1MTY=