2 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Qee zaum koj mob thaum koj tus kws kho mob lub chaw ua haujlwm raug kaw. Tej zaum koj xav tau kev pab sai. Yog tias koj tsis tuaj yeem ntsib koj tus kws kho mob tam sim ntawd, koj muaj lwm txoj hauv kev los saib xyuas. No yog qee txoj hauv kev kom tau txais kev saib xyuas: ■ Hu rau koj tus kws kho mob lub chaw ua haujlwm cov lus qhia. ■ Sim kev saib xyuas los ntawm tus kws kho mob hauv xov tooj lossis khoos phis tawj (telehealth, raws li sau haus lus Askiv) (yog tias koj tus thawj kws kho mob muab nws). ■ Hu rau Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line; NAL, raws li sau hauv lus Askiv). ■ Mus ntsib chaw kho mob ceev. Tus xov tooj nug kev pab los ntawm tus kws kho mob yog dab tsi? Qee tus kws kho mob lub chaw haujlwm muaj tus xov tooj uas koj tuaj yeem hu tau thaum koj xav tau kev pab kho mob. Tus xov tooj nug no cia koj tham nrog tus neeg ua haujlwm kho mob uas tuaj yeem teb koj cov lus nug, pab qhia koj cov tsos mob thiab qhia koj tias yuav ua li cas ntxiv. Nug tus kws kho mob Dr. Dennis Hsieh yog Tus Thawj Saib Xyuas Kev Kho Mob ntawm Central California Alliance for Health. Kuv yuav ua li cas yog tias kuv tsis tuaj yeem ntsib kuv tus kws kho mob tam sim ntawd? Koj txoj kev noj qab haus huv tseem ceeb heev. Cov kev xaiv no tuaj yeem pab koj tau txais kev saib xyuas thaum koj xav tau. Yog tias koj muaj lus nug, hu rau Alliance Lub Chaw Pab Cuam Tswvcuab ntawm 800-700-3874. Peb nyob ntawm no los pab! Telehealth yog dab tsi? Telehealth yog thaum koj tus kws kho mob tuaj yeem muab kev saib xyuas hauv xov tooj lossis khoos phis tawj. Qhov no yog qhov zoo rau tej yam uas tsis tas yuav kuaj lub cev, xws li cov tsos mob khaub thuas thiab kab mob me. Nug koj tus kws kho mob seb lawv puas muaj kev pab cuam no rau koj. Dab tsi yog Tus Xov Tooj Nug Kev Pab Los Ntawm Tus Kws Tu Neeg Mob? Yog tias koj tsis paub meej tias yuav mus qhov twg lossis yuav ua li cas, 24/7 Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line; NAL, raws li sau hauv lus Askiv) tuaj yeem pab koj. Tus kws saib xyuas neeg mob tuaj yeem pab koj txiav txim siab yog tias koj yuav tsum mus ntsib kev kho mob sai, mus rau chav kho mob ceev lossis tos mus ntsib koj tus kws kho mob. Hu rau 844-971-8907 (TTY: Ntaus 711 ) tham nrog tus kws kho mob. Koj tuaj yeem mus saib www.thealliance.health/hmn/ nurse-advice-line kom paub ntau ntxiv. Cov chaw kho mob ceev yog dab tsi? Kev kho mob ceev yog rau tej yam uas tsis muaj kev phom sij rau lub neej, xws li kev raug mob me, mob thiab kis kab mob. Cov chaw kho mob no muaj sijhawm ntev thiab muaj kev pab cuam xws li x-rays thiab stitches. Mus saib www.thealliance.health/hmn/ urgent-care kom paub ntau ntxiv. Yuav ua li cas yog kuv xav tias nws loj heev? Yog tias koj xav tias koj muaj xwm txheej ceev lossis qee yam uas ua rau muaj kev phom sij rau lub neej, hu rau 911 lossis mus rau chav kho mob ceev tam sim ntawd.
RkJQdWJsaXNoZXIy MjI2MTU5NA==