3 Nyob Noj Qab Haus Huv TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Nkag siab txog kev xa mus thiab kev tso cai Peb xav kom koj paub yuav ua li cas thiaj li tau txais cov kev pab cuam uas them los ntawm koj txoj kev npaj kho mob. Hauv qab no yog qee cov ntsiab lus tseem ceeb siv hauv kev kho mob thiab lawv txhais li cas. Kev xa mus Yog tias koj raug xa mus rau Alliance thawj kws kho mob (primary care provider; PCP, raws li sau hauv lus Askiv), koj yuav tsum muaj kev xa mus ntsib lwm tus kws kho mob. ■ Yog tias koj tus PCP xav tias koj yuav tsum tau mus ntsib lwm tus kws kho mob, lawv yuav tsum ua ib daim ntawv foos Kev Sib Tham Txog Kev Xa Mus. ■ Yog tias peb tsis muaj kev xa mus, peb them tsis tau daim nqi lossis thov los ntawm lwm tus kws kho mob. ■ Muaj qee qhov kev zam. Saib koj cov ntaub ntawv pov thawj ntawm Kev Pab Cuam lossis Phau Ntawv Rau Tus Tswvcuab kom paub meej cov npe. Phau Ntawv Rau Tus Tswvcuab muaj nyob ooslais ntawm www.thealliance.health/hmn/ memberhandbook. Tso cai xa mus Peb thaj chaw pab cuam suav nrog lub cheeb nroog Mariposa, Merced, Monterey, San Benito thiab Santa Cruz. Yog tias koj tus PCP xa koj mus rau ib tus kws kho mob tawm ntawm peb qhov chaw pab cuam, lawv yuav tsum tau txais kev pom zoo los ntawm Alliance ua ntej. Qhov no yog hu ua kev tso cai xa mus. ■ Qhov no txhais tau tias peb yuav tsum pom zoo rau kev xa mus ua ntej koj tuaj yeem ntsib lwm tus kws kho mob. ■ Yog tias koj yog ib tug tswvcuab ntawm Alliance Cov Kev Pab Saib Xyuas Mob Nkeeg Rau Tom Tsev (In-Home Support Services; IHSS, raws li sau hauv lus Askiv), koj yuav xav tau ib daim ntawv tso cai xa mus yog tias koj tus PCP xa koj mus rau ib tus kws kho mob uas tsis ua haujlwm nrog lub Alliance—txawm tias tus kws kho mob nyob hauv peb cheeb tsam pab. ■ Alliance cov tswvcuab uas tau cuv npe hauv California Kev Pab Kho Mob Rau Menyuam Yaus (California Children’s Services; CCS, raws li sau hauv lus Askiv) kuj yuav xav tau kev xa mus rau kev saib xyuas tshwj xeeb. Kev tso cai ua ntej Lub Alliance yuav tsum pom zoo qee cov kev pab cuam, cov txheej txheem, tshuaj thiab khoom siv ua ntej koj tau txais. Qhov no yog hu ua kev tso cai ua ntej. ■ Tus neeg muab kev pab cuam uas yuav ua qhov kev pab cuam yuav tsum xa daim ntawv thov qhia rau peb paub tias koj xav tau dab tsi thiab yog vim li cas. ■ Yog tias qhov kev thov yog qhov tsim nyog rau kev kho mob thiab muaj txiaj ntsig zoo, peb yuav pom zoo thiab koj tuaj yeem tau txais kev pab cuam. ■ Yog tias peb tsis kam lees qhov kev thov, koj tuaj yeem ua ntawv thov kom rov hais dua yog tias koj tsis pom zoo nrog peb qhov kev txiav txim. Cov tshuaj noj Yog tias koj yog ib tug tswvcuab ntawm Medi-Cal, koj cov tshuaj noj uas muaj nyob rau hauv lub tsev muag tshuaj yog them los ntawm Medi-Cal Rx thiab tsis yog lub Alliance. Yog xav paub seb puas muaj tshuaj noj, hu 800-977-2273 (TTY: Ntaus 711) lossis mus rau ntawm www.medi-calrx.dhcs.ca.gov. Yog tias koj yog ib tus tswvcuab IHSS, cov kev pab cuam hauv khw muag tshuaj yog tswj hwm los ntawm MedImpact. Koj tuaj yeem saib daim ntawv teev cov tshuaj noj ntawm www.thealliance.health/hmn/prescriptions. Koj tuaj yeem thov daim ntawv xa tuaj los ntawm kev hu rau Kev Pab Cuam Tswvcuab ntawm 800-700-3874 (TTY: Ntaus 711). Koj tuaj yeem hu rau Kev Pab Cuam Tswvcuab yog tias koj muaj lus nug txog seb puas muaj tshuaj noj. Cov tshuaj muab rau hauv kws kho mob lub chaw ua haujlwm lossis chaw kho mob Cov no suav hais tias yog cov tshuaj uas kws kho mob tau tswj hwm. Koj tuaj yeem saib daim ntawv teev cov tshuaj noj thiab kev hloov pauv ntawm cov npe ntawm www.thealliance.health/hmn/prescriptions. Yog tias koj xav tau daim ntawv xa tuaj, thov hu rau Kev Pab Cuam Tswvcuab ntawm 800-700-3874 (TTY: Ntaus 711).
RkJQdWJsaXNoZXIy MjI2MTU5NA==