2 TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Nyob Noj Qab Haus Huv Raws li Lub Chaw Pab Tiv Thaiv Kab Mob Thiab Pab Tswj Mob (Centers for Disease Control and Prevention) qhia, 1 nyob hauv 5 tus menyuam nyob hauv Tebchaws Meskas yog rog dhau. Menyuam qhov rog dhau yuav ua rau cov menyuam pheej hmoo muaj teeb meem txoj kev pab kho mob xws li mob hom 2 ntawm cov mob ntshav qab zib, muaj ntshav siab thiab mob plawv. Nws yog xov xwm zoo tias cov menyuam qhov rog dhau tuaj yeem pov thaiv tau. Txhawm rau ua kev huab hwm txog Lub Hli Uas Paub Zoo Txog Tus Mob Uas Rog Dhau Nyob Rau Cov Menyuam Yaus Hauv Teb Chaws, lub Alliance pab txhawb koj tsev neeg kom hloov pauv kev noj qab haus huv ua ke. ■ Tawm dag zog. Mus ncig zej zog, mus caij tsheb kauj vab lossis tawm mus ua si sab nrauv. ■ Txhob saib this viv ntau dhau. Tseg sijhawm saib this viv (xws li tua kees ua si lossis saib TV) ob teev lossis tsawg dua ntawd kom ntau ntxiv. ■ Npaj pluas noj kom zoo. Yuav thiab muab tej zaub, tej txiv hmab txiv ntoo thiab tej khoom noj uas muaj hmoov nplej kom ntau ntxiv. Ua cov kauj ruam me uas tsev neeg ua tau ua ke los pab koj tus menyuam ua kom qhov hnyav tab tom. Lub Alliance muab Txoj Kev Pab Cuam Cia Lub Cev Hnyav Kom Haum Yuav Pab Tau Muaj Kev Noj Qab Nyob Zoo Mus Tag Tiam (Healthy Weight for Life program). Qhov kev pab cuam no yog tsim nyog rau cov menyuam yaus thiab cov tub ntxhais hluas uas muaj noob nyug 2 xyoos txog 18 xyoo uas xav kom muaj qhov hnyav hom zoo rau lub cev. Qhov Txoj Kev Pab Cuam Cia Lub Cev Hnyav Kom Haum Yuav Pab Tau Muaj Kev Noj Qab Nyob Zoo Mus Tag Tiam tuaj yeem pab tau koj ua kom tus menyuam noj zoo thiab tawm dag zog ntau tuaj. Koj kuj tseem tuaj yeem kawm paub txog cov cuab yeej los pab txhawb koj tus menyuam nrog tej kev hloov hauv kev ua neej nyob. Tham nrog koj tus menyuam tus kws kho mob txog qhov kev pab cuam no. Tus kws kho mob tuaj yeem ua ntawv xa koj tus menyuam mus rau lub kev pab cuam yog tias lawv xav tias tus menyuam yuav tau siv. Koj tseem hu tau rau Alliance Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580 rau lus qhia ntxiv. LUB CUAJ HLIS NTUJ YOG LUB HLI PAUB TXOG MENYUAM TXOG KEVV ROG DHAU THOOB TEB CHAWS Pab ua kom koj tus menyuam qhov hnyav tab tom Thaum koj koom qhov hoob kawm 10-vij, koj yuav tau txais daim npav khoom plig $100 rau lub khw Target! Koj tuaj yeem tau tso npe nkag seb paus tau ib lub tsheb kauj vab.
RkJQdWJsaXNoZXIy ODQ1MTY=