7 TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Nyob Noj Qab Haus Huv Ua kom muaj tus hnov txog koj lub suab! Peb muaj ntau txoj hauv kev rau koj los qhia rau peb paub tias peb tab tom yuav ua li cas thiab peb tuaj yeem yuav txim kho li cas. Ib tug ntawd yog dhau los ntawm peb Pab Pawg Muab Kev Pab Cuam Tswvyim Rau Tswvcuab (MSAG). Los ntawm MSAG, peb hnov tau los ntawm peb cov tswvcuab thiab cov neeg pab peb cov tswvcuab. Peb siv tej ntaub ntawv no los pab ua kom peb nkag siab zoo zog yam peb cov tswvcuab xav, xav tau thiab xav siv. Pab pawg no yog tsim los ntawm lub Alliance cov tswvcuab thiab neeg cov sawv cev ntawm cov koom haum hauv lub cheeb nroog thiab hauv zej zog. Cov rooj sib tham yog ua plaub zaug rau ib xyoos. Alliance cov tswvcuab lossis cov niam txiv ntawm lub Alliance tswvcuab tuaj yeem tau txais $50 rau kev mus rau txhua tej lub rooj sib tham. Yog koj xav paub ntau txiv txog ntawm MSAG, thov xa ntawv email rau MSAG@ccah-alliance.org, hu lub Alliance ntawm 800-700-3874 lossis mus saib peb hauv ooslais ntawm www.thealliance.health/hmn/msag. Kev pov thaiv koj kev yog ntiag tug Cov ntsiab lus hais txog kev saib xyuas fab kev noj qab haus huv yog yam ntiag tug. Vim li ntawd peb qhia ua txhua yam peb ua tau los pov thaiv koj kev yog tus kheej. Nov yog cov sijhawm thaum peb yuav faib tau koj tej ntaub ntawv yam tsis tas nug koj kev tso cai. Qhov no yog rau: ■ Kev kho mob. ■ Kev them nqi. ■ Cov kev ua haujlwm saib xyuas txoj kev pab kho mob. Ib qho piv txwv yuav qhia tau tus kws kho mob tias koj muaj cai rau tam li yog Alliance tus tswvcuab kom lawv tuaj yeem kho koj. Nws muaj lwm lub sijhawm raug txiav txim los ntawm kev cai lij choj qhov uas yuav faib tau yam tsis tas muaj koj kev tso cai. Yog lwm tus neeg nug peb txog koj tej ntaub ntawv, koj yuav tsum hais tias pom zoo ua ntej peb muab nws rau lawv. Koj los yuav tsum hais tias pom zoo rau peb los qhia koj tej ntaub ntawv txoj kev noj qab haus huv muaj hauv xov tooj lossis khoos pis tawj kom koj tuaj yeem mus siv tau koj cov ntaub ntawv txoj kev pab kho mob hauv ooslais. Peb muab kev tshab xyuas txoj hauv kev peb khaws koj cov ntaub ntawv kom nyab xeeb. Los kawm paub ntxiv, saib daim ntawv Ceeb Toom txog Cov kev txwv tsis pub lwm tus paub txog koj lossis koj li ntaub ntawv kho mob nyob sab nraum qab ntawm koj Phau Ntawv Rau Tus Tswvcuab/Daim Ntawv Puavpheej Hauv Kev Kho Mob thiab Ntawv Qhia (Evidence of Coverage). Koj los kuj tuaj yeem mus saib tau peb lub vevxais ntawm www. thealliance.health/hmn/notice-ofprivacy-practices.
RkJQdWJsaXNoZXIy ODQ1MTY=