Central California Alliance for Health | Nyob boj qab haus huv | Lub peb hlis 2020

2 HAUS HUV LUB CHAW ALLIANCE tuaj ntawm no yog tuaj pab! Lub chaw Alliance muab Txoj Kev Pab Cuam Kom Ua Tau Pa Yoojyim Mus Tas Sim Neej (Healthy Breathing for Life Program). Qhov kev pab cuam no ua rau peb cov tswvcuab uas muaj kab mob hawb pob tau mus koom cov chav qhuab qhia rau txhua lub hnub nyoog. Koj thiab koj tus me nyuam tuaj yeem kawm cov tswvyim tshiab los tswj tus kab mob hawb pob. Koj koj yuav kawm seb yuav zam kom tus kab mob hawb pob txhob cuam tshuam tau li cas thiab yuav siv cov tshuaj kho mob kom ntxim zoo tshaj plaws tau li cas. Hu rau Alliance Phab Qhia Kev Noj Qab Haus Huv Tus Xov Tooj ntawm 800-700-3874, ext. 5580 yog xav paub ntau ntxiv. Xav txog qhov ua pa nyuaj npaum li cas raws ib tug kav raj ntev ntau feeb los sis ntau teev thiaj li yuav tag. Qhov ntawv yog kev ua pa uas qee zaus xav pom txog cov neeg uas muaj tus kab mob hawb pob. Kab mob hawb pob yog ib tug kab mob tsis paub zoo tu qab uas cuam tshuam rau txoj hlab ua pa nqaim. Qhov no tuaj yeem ua rau ua pa nyuaj. Niaj hnub tam sim no muaj ntau dua 25 million Tus Neeg Mes Kas muaj tus kab mob hawb pob, thiab zoo li tseem yuav muaj ntau zuj zus ntxiv. Thiab thaum tus kab mob hawb pob cuam tshuam rau txhua lub hnub nyoog, feem ntau yog pib thaum koj tseem yog me nyuam yaus. Qhov tseem ceeb ces yuav tau paub cov yam ntxwv ntawm tus kab mob hawb pob thiab tau txais kev pab kho. Cov yeeb yam mob yog zoo li cas? Qee zaus cov yam ntxwv mob hawb pob tsuas yog mob me xwb thiab nws yuav ploj mus. Tab si lwm qee zaus, cov yam ntxwv mob no tuaj yeem ua rau mob tsis zoo tau. Thaum muaj qhov mob no tshwm sim, nws tuaj yeem ua rau mob hawb pob tau. Cov yam ntxwv mob hawb pob muaj xws li: ● Hnoos ● Ua pa hawb pob ● Ceev hauv siab ● Ua pa luv Tsis yog txhua tus neeg muaj mob hawb pob yuav muaj tib hom yam ntxwv mob. Thiab kev muaj cov yam ntxwv mob no yeej ib txwm tsis txhais tau tias ib tug Puas yog tus kab mob hawb pob? Yuav paub cov yam ntxwv mob tau li cas? neeg yuav muaj tus kab mob. Yog koj xav tias koj muaj mob hawb pob, mus ntsib koj tus kws kho mob. Nws tuaj yeem kuaj xyuas seb koj puas muaj tus kab mob los ntawm qhov kev kuaj xyuas txog: ● Saib keeb kwm kev noj qab haus huv ntawm koj ● Kuaj xyuas lub cev ● Kuaj ntsuas kev ua hauj lwm ntawm lub ntsws Lub hauv paus cua tshuam yog dab tsi? Lub hauv paus cuam tshuam ntawm tus kab mob hawb pob ntawm ib tug neeg ib txwm yeej tsis paub tias yog txawm los li cas. Tab si muaj ntau yam—yeej paub tias yog yam cuam tshuam—tuaj yeems cuam tshuam tshwm sim cov yam ntxwv mob los sis ua rau muaj mob tsis zoo. Yam nquag cuam tshuam muaj xws li: ● Yam ua rau fab, xws li cov plua av; plua plaub tsiaj; pwm; thiab cov plua paj ntoos los ntawm cov ntoo, cov nyom thiab paj ntoos ● Pa luam yeeb, huab cua phem thiab qee yam tshuaj khes mis ● Muaj mob tau los ntawm kev ua pa ● Txoj hauj lwm tswj lub cev ● Ntxhov siab Yog koj muaj mob hawb pob, koj tus kws kho mob tuaj yeem pab koj tshawb nrhiav seb yog yam dab tsi cuam tshuam. Dhau ntawd ces koj thiaj li paub tias yuav zam cov cuam tshuam ntawd tau li cas. Kev kho tus mob hawb pob Tseem tsis tau muaj tshuaj kho tau tus mob hawb pob. Tab sis tuaj yeem tswj tus mob kom tau zoo yog koj paub tswj xyuas koj tus mob hawb pob. Qhov tseem ceeb ces yuav tsum tau txais kev saib xyuas kom tsis tu ncua thiab saib cov yeeb yam mob thaum tus kab mob tsis zoo. Siv ob hom tshuaj kho tus mob hawb pob: ● Cov tshuaj kho kom pab tau sai. Cov tshuaj no tsuas pab tswj cov yav ntxwv mob hawb pob rau lub sij hawm luv xwb. ● Cov tshuaj tswj xyuas mus ntev. Noj nqos cov tshuaj no tswj txhua hnub. Qhov tseem ceeb ces yuav tau noj koj cov tshuaj zoo mob hawb pob kiag tam sim. Ua raws li koj tus kws kho mob cov lus qhia. Feem ntau, koj tuaj yeem kho cov yam ntxwv mob hawb pob los ntawm koj tus kheej. Tab sis yuav tau siv tshuaj pab kho kiag tam sim yog koj: ● Muab teeb meem taug kev los sis sib tham vim koj ua pa tsis nto ● Ua rau di ncauj xiav los sis rau tes xiav Ua hauj lwm nrog koj tus kws kho mob thiab kawm kom paub txog kev tswj koj tus mob hawb pob, koj tuaj yeem ua pa tau ywj pheej thiab nyob tau nquag plias. Muab Cov Ntsiab Lus Tawm Los Ntawm: American Academy of Allergy, Asthma & Immunology; National Heart, Lung, and Blood Institute