Central California Alliance for Health | Nyob boj qab haus huv | Lub peb hlis 2020

3 HAUS HUV Kev coj tus me nyuam mus ntsib rau ib qho kev ntsuam xyuas menyuam kev noj qab haus huv tseem ceeb Hauv lub qab Kaum Hli 2019, lub Alliance tau koom nrog ib lub chaw muab kev saib xyuas, CareNet, txhawm rau kev ceeb toom rau cov niam txiv thiab cov neeg saib xyuas thaum txog caij coj lawv cov me nyuam yaus mus ntsib rau ib qho kev ntsuam xyuas menyuam kev noj qab haus huv thiab txhaj tshuaj tiv thaiv kab mob. Lub Alliance tau ua hauj lwm nrog lub chaw CareNet los hu xov tooj ncaj qha tau (paub tias yog robocalls) rau cov niam txiv txhawm rau ceeb toom kom lawv paub txog feem xav tau saib xyuas kev noj qab haus huv rau lawv tus me nyuam. Lub Alliance yuav teev npe cov me nyuam yaus thiab cov hluas uas yuav tsum tau tuaj mob thiab txhaj tshuaj tiv thaiv kab mob, vim nws yog ib qho tseem ceeb txog kev kuaj xyuas kev noj qab haus huv ntawm cov tswvcuab me nyuam yaus. Lub Alliance tau ceeb toom txog qhov peb ntau cov tswvcuab ntawm cov me nyuam yaus thiab cov hluas tsis raug kuaj xyuas los ntawm lawv tus kws kho mob rau thaum lawv mus ntsib rau ib qho kev ntsuam xyuas menyuam kev noj qab haus huv thiab lawv tsis tau txhaj tshuaj tiv thaiv kab mob raws li sij hawm. Lub Alliance xav ceeb toom rau cov tswvcuab kom lawv yuav tau paub txog cov kev pab cuam no yeej muaj rau lawv thiab tseem ceeb. Kev mus ntsib rau ib qho kev ntsuam xyuas menyuam kev noj qab haus huv yog dab tsi? Kev mus ntsib rau ib qho kev ntsuam xyuas menyuam kev noj qab haus huv yog kuaj xyuas nrog tus me nyuam tus kws kho mob. Tus kws kho mob yuav kuaj xyuas kom txhij txhua rau lub cev, kuaj xyuas qhov loj hlob thiab kev paub tab, kuaj xyuas kom txhij txhua, thiab txhaj cov tshuaj tiv thaiv kab mob raws li qhov xav tau. Kev loj hlob thiab kev txawv txav ntawm cov me nyuam yaus yeej mus sai heev, yog li ntawd yog ib tug me nyuam yaus noj qab nyob zoo, kev mus ntsib rau ib qho kev ntsuam xyuas menyuam kev noj qab haus huv tseem ceeb rau kev npaj saib xyuas txog kev noj qab haus huv thiab tham txog cov niam tswvyim tsim kho kev saib xyuas thiab tiv thaiv tej teeb meem rau kev noj qab haus huv. Vim li cas cov tshuaj tiv thaiv kab mob thiaj li tseem ceeb? Cov tshuaj tiv thaiv kab mob rau thaum me nyuam yaus pab pov thaiv tau ntau kab mob thiab cov kab mob cuam tshuam txaus ntshai rau txoj sia rau cov me nyuam yaus rau lawv lub neej thaum lawv tsis muaj zog. Koj tus kws kuaj mob tuaj yeem sib tham nrog koj txog hom tshuaj txhaj tiv thaiv kab mob uas koj tus me nyuam yaus los sis tus hluas xav tau, thiab teb txhua nqe lus nug los sis yam txhawj eeb uas koj muaj. Cov me nyuam yaus muaj noob nyoog qis dua 2 xyoos uas xav tau ntau cov tshuaj txhaj tiv thaiv kab mob pab txhawb rau feem tiv thaiv kab mob ntawm lub cev. Nco ntsoov nug koj tus kws kuaj mob seb yuav teem caij mus txhaj tshuaj tiv thaiv kab mob li cas yog li ntawd koj thiaj paub tias yuav txhaj hom tshuaj tiv thaiv kab mob dab tsi rau koj tus me nyuam, lawv yuav tau cov tshuaj ntau npaum li cas thiab lawv xav tau rau thaum twg. Yuav muaj dab tsi tshwm sim rau kuv thaum kuv tus me nyuam tau txais cov tshuaj tiv thaiv kab mob lawm? Rau cov ntaub ntawv qhia txog yam yuav tshwm sim ua ntej, thaum lub sij hawm txhaj tshuaj tiv thaiv kab mob thiab tom qab ntawd, mus saib cdc.gov/vaccines . Nco Tseg: Lub webpage no sau ua lus Askiv. Cov me nyuam muaj noob nyoog 0 txog 24 hlis yuav tsum tau mus ntsib raws li cov sij hawm hauv qab no. Cov me nyuam yaus yuav tsum tau mus ntsib rau zaus los sis ntau dua rau thaum muaj hnub nyoog txog 15 lub hlis. Thaum lub sij hawm koj tus me nyuam 2 txog 5 hnub 1 hlis 2 hlis 4 hlis 6 hlis 12 hlis 15 hlis 18 hlis 24 hlis 30 hlis Kuv tus me nyuam los sis tus hluas yuav tsum tau mus ntsib sai npaum li cas? muaj thawj xyoos, qhov tseem ceeb ces lawv yuav tsum raug Cov Kev Soj Ntsuam Thaum Ntxov thiab Raws Sijhawm, Kev Nrhiav thiab Kev Kho (Early and Periodic Screening, Diagnostic and Treatment; EPSDT, raws li sau hauv lus Askiv). Cov me nyuam yaus muaj noob nyoog 3 txog 21 yuav tsum tau mus ntsib kws kuaj mob tsawg kawg yog ib zaug hauv ib lub xyoos. Koj tus me nyuam tus kws kho mob yuav ua hauj lwm nrog koj thiab koj tus me nyuam los pab ua kom lawv noj qab nyob zoo. Thaum cov sij hawm mus ntsib, yog lub sij hawm zoo nug tus kws kws kho mob yog koj muaj lus nug los sis muaj yam txhawj xeeb.