Central California Alliance for Health | Nyob boj qab haus huv | Lub peb hlis 2020

4 HAUS HUV YOG XAV TAU KEV PAB RAU ib tug kws txhais lus los si nyeem cov ntaub ntawv uas koj tau txais los, thov hu rau Lub Chaw Pab Cuam Tswvcuab rau ntawm 800-700-3874 , Hnub Monday txog Friday, thaum 8 a.m. txog 6 p.m. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 7-1-1 ). Lub Alliance pab txhawb kom koj noj qab nyob zoo rau lub xyoo tshiab! Lub Alliance muaj ntau cov kev pab cuam rau koj thiab koj tsev neeg txhawm rau kev kawm cov niam tswvyim zoo txog kev xaiv noj cov khoom noj zoo thiab ntau yam kev tswj lub cev. Peb tuaj yeem xa cov ntaub ntawv hais txog cov niam tswvyim thiab cov lus qhia zoo tuaj rau koj. Koj tuaj yeem tham nrog ib tug tswvcuab ntawm pawg kws Qhia Txog Kev Noj Qab Haus Huv txog cov tswvyim tsim kho koj li kev noj qab haus huv. Peb kuj tuaj yeem qhia txog cov kev pab cuam uas raug nqi qis los sis pab dawb nyob rau hauv koj thaj chaw nyob. Kev txawv txav me ntsis xwb tuaj yeem ua rau muaj kev sib txawv ntau heev! Yog xav paub ntau ntxiv txog cov kev pab cuam ntawm Alliance Feem Pab Txhawb Kev Noj Qab Haus Huv thiab Tswj Xyuas Kab Mob (Alliance Health Promotion and Disease Management), hu rau lub Alliance Phab Qhia Kev Noj Qab Haus Huv Tus Xov Tooj ntawm 800-700-3874, ext. 5580 . Qhov tseem ceeb ces koj yuav tau tham nrog koj tus kws kho mob kom paub tseeb. Yog koj thiab koj tus kws kho mob neb tsis sib nkag siab rau txhua lub sij hawm, ces nws tuaj yeem cuam tshuam txog kev saib xyuas kev noj qab haus huv rau koj. Lub Alliance muaj cov kws kho mob ua hauj lwm rau hauv nws cov chaw sib koom tes ua ke uas tuaj yeem hais tau ib hom lus tsis yog lus Askiv. Koj tuaj yeem tshawb nrhiav cov kws kho mob no rau hauv koj Phau Ntawv Teev Cov Npe Kws Kho Mob los sis hu xov tooj rau Lub Chaw Pab Cuam Tswvcuab. Yog koj muaj teeb meem tham nrog koj tus kws kho mob, peb tuaj yeem pab tau. Koj tsis tas siv tsev neeg los sis cov phooj ywg pab koj. Koj muaj cai thov ib tug kws txhais lus, thiab lub Alliance mam li them cov nqi no pab dawb rau koj. Koj tus kws kho mob tuaj yeem hu ib tsab xov tooj tshwj xeeb mus thov ib tug kws txhais lus uas hais tau koj hom lus rau koj. Ces koj thiab koj tus kws kho mob mam li sib tham tau nrog tus kws txhais lus no. Yog koj xav tau ib tug kws txhais lus, qhia rau koj tus kws kho mob lub chaw ua hauj lwm paub txog koj hom lus hais thaum koj hu tuaj thiaj li npaj teem caij ib tug kws txhais lus rau koj tau. Hais kom lawv hu rau Alliance tus xov tooj ntawm tus kws txhais lus thaum koj tuaj txog. Yog ib tug tswvcuab ntawm Alliance, koj muaj cai tau txais cov kev pab cuam no tau dawb: ● Kev pab cuam rau ib tus kws txhais lus uas hais koj hom lus yuav pab koj tham tau nrog koj tus: ■ Kws kho mob ■ Lwm cov kws kuaj mob ■ Qhov kev npaj kho mob Feem ntau, yeej siv cov kws txhais lus raws hauv xov tooj xwb, tab sis tej zaum kuj siv tus kws txhais lus tim ntsej tim muag rau tej kis uas yuav tau sib tham txog ntau yam nyuaj. Lub Alliance yuav tsum tso cai cia txhais lus tim ntsej tim muag ua ntej. ● Cov ntaub ntawv thiab cov ntawv ceeb toom uas cuam tshuam txog koj cov kev pab them nqi duav roos rau kev noj qab haus huv kuj raug muab sau ua koj lus hom lus. Peb kuj tuaj yeem pab nyeem cov ntaub ntawv no rau koj yog koj hais ib hom lus uas tsis yog lus Askiv. Koj tus kws kho mob puas hais tau koj hom lus?