Central California Alliance for Health | Nyob boj qab haus huv | Lub peb hlis 2020

6 HAUS HUV YOG XAV PAUB NTXIV TXOG lub Alliance qhov kev pab cuam TCSP, thov hu rau Alliance Phab Qhia Kev Noj Qab Haus Huv Tus Xov Tooj ntawm 800-700-3874, ext. 5580 . Koj puas xav txiav kev haus luam yeeb? Peb tuaj yeem pab tau! Coob tus neeg haus luam yeeb qub yeej hais tias kev txiav haus luam yeeb yog nyuaj tshaj plaws rau lawv. Txawm li cas los xij, ntau lab tus neeg tuaj yeem txiav tau, thiab koj tuaj yeem txiav tau ib yam nkaus. Kev txiav haus luam yeeb yuav tsum ntsig txog kev nqis tes ua, kev yoog raws, kev cog lus thiab kev mob siab rau. Kev ua yuam kev yeej TSIS UA LI CAS; tib neeg kawm tau qee yam tshiab txog kev txiav haus luam yeeb tau txhua lub sij hawm thaum lawv sim txiav thiab yeej yuav txiav tau zoo rau kev sim txiav txuas mus ntxiv. Thauj khauj ruam tso tseg tsis haus luam yeeb yog kawm kom paub tias yog vim li cas koj thiaj xav haus luam yeeb. Kev paub txog qhov no tuaj yeem npaj koj tshawb nrhiav tau cov niam tswvyim zoo tshaj plaws txog kev txiav luam yeeb thiab nyob tau yam tsis haus luam yeeb. Nws muaj ntau yam kev xaiv los pab kev txiav haus luam yeeb. Nws muaj neeg pab tswvyim los sis pab tswvyim raws hauv xov tooj uas yeej pab tau zoo heev. Cov kev pab txhawb kev txiav luam yeeb yuav pab cov neeg haus luam yeeb tswj tau cov teeb meem uas lawv muaj thaum sim txiav haus luam yeeb. Cov kev pab cuam no qhia txog kev daws teeb meem thiab lwm cov txuj ci kev kawm los xyaum ua. Tham nrog koj tus kws kho mob los tshawb nrhiav feem kev xaiv uas phim rau koj tshaj plaws. Lub Alliance tau cog lus los muab kev pab txhawb rau cov tswvcuab uas xav tso tseg kev haus luam yeeb thiab/los sis kev siv ntau yam luam yeeb. Yuav ua qhov no kom tiav, lub Alliance muab Kev Pab Cuam Txiav Haus Luam Yeeb (Tobacco Cessation Support Program; TCSP, raws li sau hauv lus Askiv) rau cov tswvcuab. Cov kev pab cuam muaj xws li: ● Xa mus rau feem pab kev yooj yim, tus xov tooj hu dawb ntawm California Tus Xov Tooj Pab Txiav Haus Luam Yeeb (Smokers’ Helpline) rau ntawm 800-NO-BUTTS ( 800- 662-8887 ) thiab tus xov tooj hu dawb ntawm Tus Xov Tooj Pab Txiav Haus Luam Yeeb Uas Siv Roj Teeb (Vaping Helpline) rau ntawm 844-8-NO-VAPE ( 844-866-8273 ), uas muab kev pab tswvyim kev txiav luam yeeb rau hauv xov tooj rau ib tug neeg nyob hauv California. ● Yog koj muaj lub Alliance raws li koj thawj kev npaj kho mob, peb yuav pab them cov nqi rau koj mus rau cov hoob kawm txiav haus luam yeeb nyob hauv koj thaj chaw. ● Peb kuj yuav pab them nqi rau cov khoom siv pab txiav haus luam yeeb xws li cov khoom zom nicotine los sis cov ntaub lo. ● Peb tuaj yeem xa cov ntawv nthuav qhia uas nyeem tau yooj yim nrog rau cov lus qhuab qhia zoo tuaj pab koj txiav haus luam yeeb thiab/los sis kev siv lwm cov luam yeeb. Puas yog koj muaj noob nyoog qis dua 26 ? Tej zaum cov hluas yuav muaj cai tsim nyog txais cov kev pab kho mob los ntawm Medi-Cal Yog xav saib seb koj puas tsim nyog tau txais, hu rau Medi-Cal lub chaw ua hauj lwm hauv ib cheeb tsam ntawm koj: LUB CHEEB NROOG MERCED: (209) 385-3000 www.c4yourself.com LUB CHEEB NROOG MONTEREY: (877) 410-8823 www.c4yourself.com LUB CHEEB NROOG SANTA CRUZ: (888) 421-8080 www.mybenefitscalwin.org Ua kom tau txais kev pab kho mob! Ncuv npe nkag hauv Medi-Cal pib rau thaum Lub Ib Hlis Ntuj, Tim 1, 2020 .