Central California Alliance for Health | Nyob boj qab haus huv | Lub peb hlis 2020

7 HAUS HUV Yog ib tug tswvcuab ntawm Alliance, koj yuav tsis tau them cov nqi rau cov pab cuam uas raug pab them lawm, tshwj tsis yog koj: ● Muaj Tus Nqi Feem Tau Nrog Them rau Medi-Cal ● Yog ib tug tswvcuab ntawm Alliance Care IHSS uas tau txais ib qho kev kho mob uas muaj ib tus nqi sib koom them ● Mus rau ib tug kws kho mob uas tsis kam txais kev fajseeb kho mob los ntawm Alliance, tiam sis koj hais rau tus kws kho mob tias koj tseem xav kom lawv kho koj thiab koj tus kheej mam li them nqi rau cov kev kho mob ● Muaj Medicare thiab Medi-Cal thiab: ■ Koj them tus nqi sib koom them rau cov tshuaj ntawm Medicare. ■ Koj xaiv mus ntsib ib tug kws kho mob uas tsis txais Medi-Cal los ua koj lub is saws las kho mob thib ob. Tiamsis nws yuav muaj tej lub sij hawm uas koj yuav txais ib daim nqi. Tsis txhob muab tso tseg. Ua raws li cov kauj ruam ntawm no: 1. Hu rau tus xov tooj uas nyob ntawm daim ntawv nqi thiab nug seb yog vim li cas lawv thiaj xa tuaj rau koj. Tej zaum lawv tsis paub tias koj muaj yam kev fajseeb kho mob twg. 2. Yog koj tsim nyog tau txais kev pab nrog Alliance thaum koj tau txais cov kev kho mob, qhia rau tus kws kho mob tias koj yog Alliance tus tswvcuab thiab muab koj tus nab npawb ID ntawm Alliance qhia rau lawv. Koj yuav pom tus nab npawb no rau ntawm koj daim npav ID ntawm Alliance. 3. Hais kom tus kws kho mob xa daim ntawv nqi kho mob tuaj rau peb. Yog koj twb ua li no lawm tiam sis koj tseem tau txais daim ntawv nqi, hu rau Lub Chaw Pab Cuam Tswvcuab ntawm 800-700-3874 . Saib xyuas zoo tias koj muaj: ● Koj tus lej Alliance ID ● Lub npe thiab tus xov tooj rau tus kws kho mob uas xa daim nqi tuaj rau koj Koj yuav ua li cas yog tias koj txais ib daim nqi ● Tus lej rau lub askhauj uas nyob ntawm daim nqi ● Cov ntaub ntawv ntsig txog cov pab cuam uas koj tau txais thiab cov hnub uas koj tau txais cov ntaub ntawv ● Tus nqi tagnrho uas nyob ntawm daim nqi Peb yuav pab tsis tau koj yog tias koj tsis paub tej yam ntawm no. Peb kuj pab tsis tau koj yog tias daim nqi qub tshaj ib xyoos thiab. Yog tias koj muaj lwm yam kev fajseeb kho mob: Feem ntau, lwm yam is saws las kho mob uas koj muaj ntawd yuav yog koj thawj qhov is saws las kho mob. Qhov no txhais tai tias tus kws kho mob yuav xa daim ntawv nqi mus rau lwm qhov is saws las kho mob uas koj muaj ua ntej lawv yuav xa daim ntawv nqi tuaj rau lub Alliance. Yog tias koj txais daim nqi thiab koj muaj lwm qhov kev fajseeb kho mob, saib zoo seb tus kws kho mob puas tau xa daim nqi rau lwm qhov kev fajseeb kho mob uas koj muaj ua ntej tso. Yog koj txais kev pab ntawm Medi-Cal rau yav qub qab dhau los: Qee zaus cov neeg tau txais kev pab ntawm Medi-Cal yuav muaj cai tsim nyog raug pab rau qee yam kev kho mob tom qab lawv tau txais cov kev pab cuam ntawd. Txoj kev tsim nyog tuaj yeej rov qab mus pab them rau cov kev pab uas tau muab ntawd. Qhov ntawm no hu tias kev pab them cov nqi kho mob uas tau siv ua ntej tsis tau yog ib tus tswvcuab. Yog koj yog ib tus tswvcuab nrog Alliance Medi-Cal uas txais cov kev pab them cov nqi kho mob uas tau siv ua ntej tsis tau yog ib tus tswvcuab, nws yog koj lub luag hauj lwm los qhia rau koj tus kws kho mob tias tam sim no koj muaj Medi-Cal lawm. Tus kws kho mob yuav tsum xa daim ntawv nqi mus rau lub xeev Qhov Medi-Cal rau lub sij hawm ua ntej koj tsis tau los yog ib tug tswvcuab, tsis yog xa rau Alliance. Muab koj tus nab npawb ID nyob ntawm Daim Npav Qhia Kev Txais Kho Mob (Benefits Identification Card; BIC, raws li sau hauv lus Askiv) qhia rau tus kws kho mob, yog li ntawd lawv thiaj li xa daim ntawv nqi mus rau feem saib xyuas hauj lwm ntawm lub xeev. COV NTAUB NTAWV THIAB COV NTAWV CEEB TOOM uas cuam tshuam txog koj cov kev fajseeb kho mob kuj raug muab sau ua koj hom lus. Peb kuj tuaj yeem pab nyeem cov ntaub ntawv no rau koj yog koj hais ib hom lus uas tsis yog lus Askiv.