Raws qab peb nyob rau Facebook! Nrhiav peb tau ntawm facebook.com/TheAllianceForHealth. Thaum pib lub caij nplooj ntoo zeeg uas yog lub caij pib muaj khaub thuas. Lub caij muaj khaub thuas yog lub Cuaj Hlis Ntuj txog Tsib Hlis Ntuj, thiab txoj hauv kev zoo tshaj plaws los pov thaiv koj tus kheej thiab koj tsev neeg yog los txhaj koj koob tshuaj tiv thaiv khaub thuas thaum ntxov, ua ntej pib muab khaub thuas sib kis nyob hauv koj lub zej zog. Cov neeg uas muaj kev pheej hmoo siab mob khaub thuas ua mob ntau yam yog: ■ Cov menyuammos. ■ Cov poj niam cev xeeb menyuam. ■ Cov neeg uas yeej muaj cov yam ntxwv mob kho tsis zoo tu qab lawm, xws li mob hawb pob, cov mob ntshav qab zib, thiab mob plawv lossis mob ntsws. ■ Cov neeg tus uas muaj hnub nyoog 65 xyoos thiab laus dua. Txhua tus muaj hnub nyoog 6 hli thiab laus dua tsim nyog tau txais lawv koob tshuaj tiv thaiv khaub thuas ib xyoos ib lwm. Cov Chaw Tswj thiab Pov Thaiv Kab Mob (Centers for Disease Control and Prevention, CDC) pom zoo tias cov menyuam hnub nyoog 6 hli mus txog 8 xyoo tus uas tau txais koob tshuaj tiv thaiv khaub thuas thawj zaug tsim nyog mus txhaj ob koob sib nrug li plaub vij. Cov poj niam uas cev xeeb menyuam pom zoo txhawb kom mus txhaj tshuaj tiv thaiv khaub thuas tam li yog ib feem ntawm lawv kev saib xyuas ua ntej yug menyuam. Cov poj niam cev xeeb menyuam muaj feem siab dua uas yuav ua mob loj los ntawm khaub thuas tshaj li cov uas tsis xeeb menyuam thiab cov hnub nyoog ib yam. Koob tshuaj tiv thaiv khaub thuas txhaj thaum twg los tau ncua sijhawm cev xeeb menyuam, thiab nws tseem pab tsim tau roj tshav tiv thaiv khaub thuas rau tus menyuam ib yam. Rau kev pov thaiv ntxiv, nws tau pom zoo tias tag nrho ib tse neeg yuav tau txhaj tshuaj tiv thaiv khaub thuas. Tshuaj txhaj tiv thaiv khaub thuas yog pab dawb thiab siv yooj yim xwb. Peb pom zoo tias koj mus txhaj koj koob tshuaj tiv thaiv khaub thuas ntawm tus kws pab kho mob xub thawj, vim koj thiaj muaj sijhawm nrog koj tus kws kho mob sib tham thiab nug lus nug. Cov menyuam yuav tsum mus txhaj tshuaj tiv thaiv khaub thuas los ntawm lawv tus thawj kws kho mob xub thawj. Lub Alliance cov tswvcuab uas yog neeg laus muaj hauv kev mus txhaj tshuaj tiv thaiv khaub thuas nyob ntawm lub tsev muag tshuaj yam tsis tas muaj ntawv xa mus. Alliance cov tswvcuab hnub nyoog 7 txog 24 hlis tus uas mus txhaj lawv ob koob tshuaj tiv thaiv khaub thuas ncua sijhawm lub Cuaj Hlis Ntuj 2022 thiabTsib Hlis Ntuj 2023 yuav tau koom nrog qhov kev khwv yees rho daim npav khoomplig $100 Target! YOG MUS LUS NUG NTXIV, koj tuaj yeem mus saib lub Alliance lub vev xaib ntawm www.thealliance.health/hmn lossis CDC ntawm cdc.gov/flu. Pov thaiv koj tus kheej thiab tus neeg koj hlub nyob rau lub caij muaj khaub thuas Nyob Noj Qab Haus Huv NYOB NOJ QAB HAUS HUV yog luam tawm rau cov tswvcuab thiab cov neeg muab kev koom tes hauv zej zos ntawm CENTRAL CALIFORNIA ALLIANCE FOR HEALTH, 1600 Green Hills Road, Suite 101, Scotts Valley, CA 95066, xov tooj 831-430-5500 lossis 800-700-3874, ext. 5513, lub vev xais www.thealliance.health/hmn. Cov ntsiab lus hauv NYOB NOJ QAB HAUS HUV yog los ntawm coob tus kws kho mob los. Yog koj muaj kev txhawj xeeb lossismuaj lus nug txog tej yam lus uas yuav tsim tau tej yam tsis zoo rau koj txoj kev noj qab haus huv, thov hu rau koj tus kws kho mob. Cov duab thaij thiab cov duab teeb no tej zaum yog siv cov neeg ua qauv yees duab. 2022 © Coffey Communications, Inc. All rights reserved. Communications Project Specialist Randi Motson Quality and Health Programs Supervisors Desirre Herrera and Mao Moua www.thealliance.health/hmn
RkJQdWJsaXNoZXIy NzIxMDA=