K
oj puas tau hais rau koj tus kws
kho mob tias, “Kuv hnoos tau ntev
li ob peb lub vasthiv no lawm; koj
puas kam muab tshuaj tua kab mob rau
kuv?” Tej zaum koj kuj xav paub hais tias
cov tshuaj tua kab mob yuav ua phem raug
koj lub cev ntau dua qhov nws yuav pab
tau koj yog tias koj noj cov tshuaj tua kab
mob ntawd los tua kab mob, xws li mob
khaub thuas, mob npaws, feem coob cov
kev hnoos, kab mob uas rau lub ntsws o
lossis mob caj pas. Koj yuav tiv thaiv tau
koj tus kheej thiab koj tsev neeg thaum koj
paub tias thaum twg yog lub sijhawm zoo
los siv cov tshuaj tua kab mob thiab thaum
twg yog lub sijhawm uas koj yuav tsum tsis
txhob siv.
Cov tshuaj tua kab mob tsuas tua tau
cov kev mob uas tshwm sim los ntawm
cov kab mob me me xwb, piv txwv tias, tus
mob ntsws muaj dej. Koj tus kws kho mob
yuav txiav txim seb cov tshuaj tua kab mob
puas yog qhov zoo tshaj rau koj. Lawv yuav
qhia tau tej yam tswv yim rau koj seb koj
yuav tau li cas kom koj cov mob tsos zoo
tuaj thaum koj lub cev tseem tab tom sim
los tua tus kab mob.
Cov tshuaj tua kab mob yuav kho tsis
tau txhua cov kev mob nkeeg. Thaum koj
tsis siv cov tshuaj tua kab mob kom thwj,
tej zaum cov kab mob me me yuav txawj
tiv thaiv nws tus kheej ntawm cov tshuaj.
Qhov no txhais tau hais tias tej zaum cov
tshuaj tua kab mob yuav tsis ua haujlwm
thaum koj yuav tsum tau. Tsis txhob tsum
noj cov tshuaj tua kab mob thaum koj
hnov tias koj zoo zog tuaj. Qhov no yuav
ua kom cov tshuaj tua kab mob me me tiv
thaiv tau nws tus kheej ntawm cov tshuaj.
Tej zaum cov tshuaj tua kab mob yuav ua
rau tej yam kev mob tshwm siv xws li mob
raws plab, pob khaus lossis muaj mob.
Tiv thaiv kom tus mob tsis txhob kis
rau lwm tus neeg thaum koj siv cov kev coj
swm noj qab haus huv:
Sim kom koj tsis txhob nyob ze rau lwm
cov neeg uas muaj mob, thiab nyob hauv
tsev thaum koj muaj mob.
Npog koj lub qhov ncauj thiab taub
ntswg thaum koj txham.
Ntxuav koj txhais tes nrog xub npum
thiab dej tom qab koj siv lub chav dej tag,
ua ntej thiab tom qab koj noj mov, thiab
tom qab koj hloov koj tus mosliab daim
ntaub daivpawm lossis koj tus tsiaj lub
npov tawm rooj.
Cov tshuaj tua kab mob yuav pab tau
koj thaum koj noj kom thwj. Tham nrog
koj tus kws kho mob seb koj yuav noj cov
tshuaj tua kab mob thaum twg.
Q
hov Alliance Care Management
Program ua haujlwm nrog cov
tswvcuab los pab kom lawv txoj
kev noj qab haus huv thiab lawv lub neej
zoo tshaj qhov qub. Lub hom phiaj ntawm
qhov kev pab cuam yog los pab txhawb
peb cov tswvcuab thiab los saib xyuas
kom lawv txais txhua cov kev pab uas lawv
yuav tsum tau kom lawv noj qab haus
huv. Peb cov kev pab cuam yuav nrog rau
cov kev pab tuav ntaub ntawv, teem koj
txoj kev tu mob, kev kawm txog txoj kev
noj qab haus huv thiab kev pab los tswj
xyuas koj tus mob uas yuav mob mus ntev.
Peb pab pawg neeg yuav muaj cov kws
tu mob, cov neeg ua haujlwm tuav ntawv,
cov kws qhia txog txoj kev noj qab haus
huv thiab cov tib neeg uas teem kev tu
mob. Pab pawg neeg ntawd yuav tsom
ntsoov los ua haujlwm ua ke nrog txhua
tus tswvcuab thiab lawv cov kws kho
mob los pab kom lawv txoj kev noj qab
haus huv zoo tshaj qhov qub. Lawv yuav
ua tau cov dej num li no thaum lawv pab
qhuab ntuas txog txoj kev noj qab haus
huv, qhia cov tswvcuab tias lawv yuav ua
tau li cas kom lawv ua tau raws li cov kev
npaj los noj tshuaj thiab kho mob, thiab
pab kom cov tswvcuab mus txais tau cov
kev pab thiab tej yam kev pab uas lub zej
zog muaj. Peb pab pawg neeg yuav ua
haujlwm nrog cov tswvcuab raws li cov
tau hais uas lawv qab ntawm no:
Pawg neeg Care Management team ua
haujlwm nrog cov tswvcuab uas muaj tej
yam kev mob loj thiab yuav tsum tau kev
pab los tswj lawv tus mob.
Pab pawg neeg hauv Care Coordination
yuav tsom ntsoov los ua haujlwm nrog
cov tswvcuab uas tsis muaj tej yam teeb
meem loj. Peb ua haujlwm nrog cov
tswvcuab los pab kom lawv txais tau cov
kev pab uas lub zej zog muaj.
Pab pawg neeg hauv Health Education (Cov
Kev Qhia Txog Kev Noj Qab Haus Huv) and
Chronic Disease Management (Cov Kev Qhia
Txog Txoj Kev Noj Qab Haus Huv thiab Kev
Tswj Tus Kab Mob Uas Yuav Mob Mus Ntev)
muaj ntau cov kev pab cuam los qhia rau peb
cov tswvcuab txog lawv txoj kev noj qab haus
huv thiab lawv yuav ua li cas kom lawv noj
qab haus huv. Peb cov kev pab cuam nrog rau
cov kev kho kev xeebtub thiab cov kev mus
kuaj tom qab yug menyuam tas, kev pab tswj
phaus, pab txiav luam yeeb lossis zom nplooj
luam yeeb, thiab cov kev tu xyuas tus mob ua
pa tsis nto thiab tus mob ntshav qab zib.
Yog tias koj muaj lus nug lossis
xav paub ntxiv txog peb qhov Care
Management Program, thov hu rau
1-800-
700-3874, ext. 5512
. Rau cov lus nug txog
cov kev pab cuam Health Education (Cov
Kev Qhia Txog Kev Noj Qab Haus Huv), thov
hu rau
1-800-700-3874, ext. 5364
.
Care Management Program
Tshuaj Tua Kab Mob
Koj yuav tsum tau paub dabtsi
noj qab nyob zoo
2
nyob noj qab
haus huv
