Central California Alliance for Health | Nyob boj qab haus huv | LUB PEB HLIS NTUJ 2019

7 HAUS HUV nws txawv li cas Medi-Cal. Lub chaw ua haujlwm Medi-Cal uas nyob hauv koj lub cheeb nroog mam li txiav txim seb koj puas tsim nyog txais. Yog tias koj tau nyiaj xiam oob qhab (Supplemental Security Income; SSI, raws li sau hauv lus Askiv) los ntawm Social Security, koj txoj kev tsim nyog txais rau Medi-Cal yog los ntawm Social Security. Yog tias koj tsim nyog txais, koj mam li txais ib Daim Npav Qhia Kev Txais Kho Mob (Benefits Identification Card; BIC, raws li sau hauv lus Askiv) hauv koj lub npov txais ntawv. Rau thawj lub hlis mus txog lub hlis thib ob, koj yuav txais “tus nqi rau txoj kev pab (fee-for-service)” lossis “Lub Xeev” qhov Medi-Cal. Koj mus ntsib tau txhua tus kws kho mob uas kam txais Medi-Cal. Tus kws kho mob mam li xa daim nqi mus rau lub xeev. Hu rau Medi-Cal lossis Social Security lub chaw ua haujlwm uas nyob hauv koj lub cheeb nroog kom koj: ●  ● Nug tau seb koj puas tsim nyog ●  ● Nug txog txoj kev ua ntawv rov qab thov rau koj qhov Medi-Cal ●  ● Kho kom lawv tau koj qhov chaw nyob thiab tus xov tooj thwj ●  ● Qhia tias koj yuav tsiv tsev lossis koj tsiv tsev kom koj hloov tau koj qhov Medi-Cal tuaj rau koj ●  ● Qhia tau tias koj tsev neeg cov nyiaj khwv hloov lawm lossis koj tsev neeg ntau zog tuaj los yog tsawg zog tuaj lawm ●  ● Nug rau ib daim BIC tshiab ●  ● Qhia thaum koj muaj lwm yam kev fajseeb kho mob lossis muaj yav tas los, tiamsis tsis muaj lawm Lub Alliance. Koj yuav raug cuv npe nkag rau lub Alliance ntawm ib lossis ob lub hlis tom qab koj txais Medi-Cal. Peb mam li xa ib daim npav Alliance ID tuaj rau koj thiab ib phau ntawv rau tus tswvcuab tshiab. Phau ntawv muaj tej yam lus qhia tseem ceeb heev tias seb peb qhov kev npaj kho mob ua haujlwm li cas thiab koj mus ntsib tau cov kws kho mob twg. Koj yuav tsum xaiv ib tug thawj kws kho mob lossis lub chaw kuaj mob. Peb pab tau koj ua li ntawd. Yog tias koj tsis xaiv, peb yuav xaiv ib tug rau koj. Lub Alliance yuav pab them feem ntau ntawm Medi-Cal cov kev pab tiamsis yuav tsis them rau tagnrho. Qhov Kev Pab Cuam Denti-Cal yuav them rau cov kev pab kho kaus hniav. Lawv tus xov tooj yog (800) 322-6384 . Hu rau lub Alliance kom: ●  ● Koj paub tias qhov kev npaj kho mob ua haujlwm li cas thiab nws muaj cov kev pab li cas rau koj ●  ● Xaiv lossis hloov tau koj tus kws kho mob ●  ● Nug kom tau ib daim npav Alliance ID tshiab Koj hu tau rau lub Alliance ntawm (800) 700-3874 . Saib xyuas kom koj txais tau cov kev fajseeb—tsis txhob hnov qab ua ntawv rov qab thov rau Medi-Cal. Koj yuav tau ua ntawv rov qab thov txhua xyoo rau Medi-Cal. Lub hnub tim ntawd nyob ntawm seb koj xub tsim nyog txais rau thaum twg. Cov cheeb nroog lub chaw ua haujlwm Medi-Cal yog cov uas yuav ua ntawv rov qab thov , tsis yog lub Alliance ua. Yog tias lub chaw ua haujlwm Medi-Cal xav tau tej yam ntaub ntawv los ntawm koj kom ua tau ntawv rov qab thov tau rau koj cov kev pab kho mob, lawv yuav xa ib daim ntawv tuaj qhia rau koj. Yog tias koj tsiv tsev txij thaum koj cuv npe nkag, hu rau lub chav haujlwm Medi-Cal thiab muab koj qhov chaw nyob rau lawv. Yog tias koj txais ib daim ntawv qhia kom koj ua ntawv rov qab thov tshiab, nws yuav qhia tias koj yuav tsum ua dabtsi thiab yuav tsum ua kom tiav thaum twg. Nws tseem ceeb kom koj muab txhua yam uas lawv nug rau ua ntej lub vasthib uas lawv muab rau koj. Yog tias koj tsis ua, koj cov kev pab Medi-Cal yuav kaw. Yog tias koj tsis txais Medi-Cal lawm, koj yuav ua tsis tau Alliance tus tswvcuab lawm thiab. Koj kuj rov ua tau ntawv thov rau Medi- Cal, tiamsis tej zaum nws yuav muaj ib lub sijhawm uas koj yuav tsis muaj kev fajseeb kho mob. Yog tias koj txais Medi-Cal los ntawm Social Security vim tias koj txais SSI, koj yuav ua txawv. Social Security mam li qhia rau koj yog tias lawv xav tau tej yam ntaub ntawv dabtsi los ntawm koj kom koj tsim nyog txuas ntxiv mus. Medi-Cal thiab lub Alliance tsis zoo tib yam. Medi-Cal yog Lub Xeev thiab Tsoom Fwv Tebchaws qhov kev pab cuam. Yog tias koj tsim nyog, koj txais tau cov kev pab kho mob. Central California Alliance for Health (lub Alliance) yog ib qho kev npaj kho mob rau ntau tus neeg uas muaj Medi-Cal hauv cov cheeb nroog Santa Cruz, Monterey thiab Merced. ? MEDI-CAL THIAB LUB ALLIANCE—