Central California Alliance for Health | Nyob boj qab haus huv | Lub Peb Hlis Ntuj 2018

ua kom koj noj qab haus huv tas mus li Lub Alliance Kev Pab Cuam Hloov Chaw Kho Mob Txoj kev hloov ntawm lub tsev kho mob loj lossis hauv ib lub chaw tu neeg (skilled nursing facility; SNF, raws li sau hauv lus Askiv) mus tsev tom qab koj tawm tom ib lub chaw yeej nyuaj heev. Vim li no lub Alliance tau ua ob peb kauj raum ntau zog los pab kom cov tswvcuab hloov mus rau lwm lub chaw yoog yim zog. Lub Alliance Kev Pab Cuam Hloov Chaw Kho Mob saib xyuas zoo tias cov tswvcuab yeej tau kev tu xyuas haum raws sijhawm thiab txuas ntxiv mus tom qab lawv tawm lossis hloov mus nyob hauv lawv lub tsev. Nws muaj ntau yam ua rau cov tswvcuab rov qab raug mus nyob rau tom tsev kho mob loj: ■  ■ Rov mus kho mob dua tsis tau nrog Thawj Kws Kho Mob (Primary Care Provider; PCP, raws li sau hauv lus Askiv) ■  ■ Tsis noj tshuaj raws li kws kho mob hais ■  ■ Nkag siab yuam kev thaum cov tsev kho mob sib tham Lub Alliance Kev Pab Cuam Hloov Chaw Kho Mob yuav pab tau li no: 1. Hu rau cov tswvcuab lossis tus neeg uas tu lawv ua ntej peb hnub ntawm lub hnub tim uas tus tswvcuab yuav tawm 2. Kuaj saib seb tus tswv cuab puas muaj ib lub sijhawm teem rov mus kho mob dua nrog lawv tus PCP ua ntej 14 hnub dhau ntawm hnub uas lawv tawm tom lub tsev kho mob loj 3. Saib cov ntaub ntawv tawm nrog tus tswvcuab lossis nrog tus neeg uas tu lawv 4. Pab saib seb tus kws kho mob puas tau muab ib co tshuaj tshiab Yog tias tus tswvcuab lossis tus neeg tu tus tswvcuab muaj lus nug, lawv hu tau rau lub Alliance Tus Xov Tooj Nug Kev Pab Los Ntawm Tus Kws Tu Neeg Mob lossis lawv tus PCP. Tus neeg saib xyuas txoj kev hloov mam li hu rau cov neeg ua haujlwm hauv lub tsev kho mob loj, tus PCP lub chav haujlwm lossis Alliance lwm cov tuam tsev haujlwm los teem kev tu xyuas rau tus tswvcuab. Qhov no yuav pab kom txoj kev hloov mus nyob lwm qhov chaw yooj yim. Yog tias koj muaj lus nug txog Lub Alliance Kev Pab Cuam Hloov Chaw Kho Mob, thov hu 1-800-700-3874, ext. 5517 . Rau peb cov Medi-Cal tswvcuab tshiab nkaus xwb Yog tias koj lossis koj tus menyuam yog Alliance ib tug tswvcuab tshiab, tej zaum peb yuav thov kom koj teb Daim Ntawv Ntsuam Xyuas Pab Kom Noj Qab Haus Huv Tas Mus Li, lossis daim SHA kom luv. Daim SHA yog ib daim ntawv teev cov lus nug rau koj los teb txog koj (lossis koj tus menyuam) txoj kev noj qab haus huv. Koj cov lus teb rau cov lus nug ntawm no yuav pab kom koj Tus Thawj Kws Kho Mob (Primary Care Provider; PCP, raws li sau hauv lus Askiv) los kawm ntau zog txog koj txoj kev noj qab haus huv thiab los saib seb hom kev pab twg thiab tej yam lus qhia dabtsi thiaj li yuav pab tau koj. Nws tsuas siv li ob peb feeb rau koj los teb daim ntawv ntsuam xyuas no. Peb tsuas qhia txog koj cov lus teb rau koj tus tus PCP tshiab nkaus xwb. Cov tswvcuab yuav teb daim SHA thaum lawv mus ntsib lawv tus PCP. Li ob peb lub hlis tom ntej no, peb yuav muaj daim SHA saum Internet hauv lub Alliance tus tswvcuab qhov website. Lub chaw haujlwm uas raug pom zoo los ntawm Alliance yuav hu rau cov tswvcuab tshiab los pab kom lawv nco qab teb lawv daim SHA. Thaum koj tham hauv xov tooj, koj nug tau lub chaw haujlwm rau ib daim luam txog daim ntawv yog tias koj tsis tau teb. 7 nyob noj qab haus huv