Central California Alliance for Health | Nyob boj qab haus huv | Lub Peb Hlis Ntuj 2018

ua kom koj noj qab haus huv tas mus li Koj txaus siab heev npaum li cas? Koj lo lus teb ntawm no tseem ceeb heev rau lub Alliance. Peb xav pab tau koj kom zoo heev. Vim li no, lub Alliance muaj ib daim ntawv ntsuam xyuas rau cov tswvcuab txhua xyoo seb lawv txaus siab npaum li cas. Daim ntawv ntsuam xyuas ntawm no pab rau peb los hnov seb koj xav li cas txog koj txoj kev tu xyuas thiab cov kev pab uas koj txais. Peb tsuas xaiv li ib pawg ntawm Alliance cov tswvcuab los koom tes nrog daim ntawv ntsuam xyuas rau 2016 xwb. Ua tsaug rau cov uas tau koom tes! Cov ntawm no yog cov ntsiab lus mentsis uas qhia tias peb hnov li cas. Koj hais tias koj: ■  ■ Nyiam koj cov kws kho mob kawg nkaus li ■  ■ Zoo siab rau lub Alliance thiab cov kev pab uas koj tau txais los ntawm peb Peb zoo siab heev los hnov txog tej no! Peb mam li qhia tawm txog cov lus uas peb txais ntawm no nrog peb cov kws kho mob. Txawm tias peb yeej nyiam hnov txog tej yam uas peb ua tau zoo, peb kuj xav hnov tias peb yuav ua li cas kom peb zoo tshaj qhov qub thiab. Koj qhia tias nws nyuaj rau koj los txais txoj kev tu xyuas uas koj yuav tsum tau kom nrawm thiab nws nyuaj rau koj los tham nrog koj tus kws kho mob. Peb xav kom koj paub tias peb mob siab los tsim kom tau txoj kev kho mob zoo tshaj plaws rau koj. Piv txwv tias, koj puas tau hnov txog daim ntawv Ask Me 3 ? Daim ntawv Ask Me 3 pab txhawb txoj kev sib txuas lus ntawm koj cov kws kho mob li ntawd koj thiaj li nkag siab los ua kom koj noj qab nyob zoo txuas ntxiv mus lossis zoo zog tuaj. Yog tias koj xav tau tej yam lus qhia txog daim ntawv Ask Me 3 , mus saib npsf.org/askme3 . Ib sij saib rau lwm cov kev tshiab uas lub Alliance tab tom ua los pab kom koj txais tau cov kev tu xyuas thwj, ntawm lub sijhawm thwj, hauv lub chaw thwj. Pab ua kom koj lub taub hau tsis txhob meem txom nrog tej yam mob tsos uas tshwm sim thaum koj phiv huab cua Koj puas txham thiab los ntswg txawm tias koj tsis muaj mob li? Qhov no txhais tias tej zaum koj yog ib tug ntawm 50 lab Tus Neeg Asmesliskas uas phiv huab cua. Txoj kev phiv huab cua raug tau koj lub qhov muag, qhov ntswg, qhov ncauj, caj pas thiab tawv nqaij. Cov ntawd qhia tias koj lub cev txoj kev tiv thaiv mob xeeb txob vim qhov uas koj phiv ntawd. Feem ntau cov hmoov paj ntoo yog ib yam uas ua tib neeg phiv. Lwm yam kuj yog pwm, plua tsaug thiab tsiaj. Cov kev phiv huab cua kuj txawj ploj mus thiab mob tuaj thaum cov caij ntuj hloov. Lossis tej tug neeg yeej mob loj thiab tag nrho ib xyoos nkaus. Lawv ua tau rau koj mob pob ntseg thiab cov tsauv tsiav ntawm hauv pliaj lossis ua rau tus mob hawb pob huam tuaj. Koj tus kws kho mob pab tau koj. Koj siv tau cov tshuaj uas koj yuav tau koj tus kheej tom khw los pab tswj. Piv txwv tias cov dej tov nrog ntsev tsuag hauv qhov ntswg pab tau kom koj lub qhov ntswg tsis txhob qhuav qhuav. Lwm yam koj muaj los xaiv yog cov tshuaj pab kom txhob txhaws ntswg thiab tshuaj phiv huab cua. Tiamsis nrog koj tus kws kho mob tham ua ntej. Tej co tshuaj ntawm no ua kom lwm cov mob tshwm sim, piv txwv tias qaug tshuaj, lossis koj siv tsis tau ntev tshaj qhov zoo rau koj. Thiab muaj tej co uas siv tau tau yog tias koj mob ntshav siab lossis mob plawv. Koj ua tau dabtsi? Koj siv tau cov kauj ruam los pab koj zoo zog tuaj, xws li: ■  ■ Nug kom lwm tus neeg txiav nyom thiab cheb cov nplooj pov tseg. Thaum koj tu ub tej no nraum vaj nws yuav xa cov hmoov paj ntoo thiab pwm uas nyob hauv cov huab cua mus rau hauv koj lub qhov tswg. ■  ■ Saib seb cov hmoov paj ntoo thiab pwm nyob rau theem twg hnub ntawd. ■  ■ Nyob hauv tsev thiab kaw qhov rooj thaum cov lej siab heev. Mus saib sau internet morehealth.org/allergies kom koj pom tias cov hmoov paj ntoo thiab pwm siab npaum li cas. Muab cov ntsiab lus tawm los ntawm: American Academy of Allergy, Asthma & Immunology; American College of Allergy, Asthma & Immunology; U.S. Food and Drug Administration 6 nyob noj qab haus huv