Central California Alliance for Health | Nyob boj qab haus huv | Lub Kaum Ob Hlis Ntuj 2018

HAUS HUV 2 Txoj Kev Pab Rau Cov Pojniam Muaj Menyuam, Cov Mosliab Thiab Rau Cov Menyuam Yaus (Women, Infants and Children; WIC, raws li sau hauv lus Askiv) yog ib qho kev pab cuam noj haus zoo rau neeg zej zog los pab kom cov tsev neeg noj zoo thiab muaj kev noj qab haus huv. Cov neeg uas koom yuav tsum tau nyiaj raws li cov cai thiab yuav tsum yog: ●  ● Ib tug pojniam uas ib ce xeeb tub ●  ● Ib tug pojniam uas pub niam mis rau tus mosliab uas tseem tsis tau muaj 1 xyoos ●  ● Ib tub pojniam uas nyuam qhuav yug mosliab 6 lub hlis dhau los ●  ● Tus niam txiv lossis tus thawj tu xyuas ntawm tus (cov) mosliab mus txog rau thaum lawv thawj lub hnub yug ●  ● Tus niam txiv lossis tus thawj tu xyuas ntawm tus (cov) menyuam mus txog rau thaum lawv lub hnub yug thib tsib, nrog rau cov neeg saib xyuas lossis cov niam qhuav txiv qhuav Koj puas tau siv WIC Mobile qhov website? WIC Mobile qhov website ua kom nws yooj yim rau cov neeg koom los nrhiav tau tej yam lawv xav paub txog WIC ncaj nraim hauv lawv lub xovtooj ntawm tes. Mus saib saum internet ntawm m.wic.ca.gov kom koj paub ntau zog! WIC Mobile qhov website tsis nyuaj thiab yooj yim los siv. Nws yuav pab koj: ●  ● Nrhiav ib lub khw ze rau ntawm koj uas kam txais WIC cov tshev mis ●  ● Saib seb lub sijhawm teem tom ntej mus ntsib WIC yog thaum twg ●  ● Paub tias koj cov tshev mis mus nqa tau yam zaub mov twg ●  ● Kawm hoob saum internet ●  ● Nrhiav tau seb hom zaub mov twg thiaj li raug pom zoo rau koj mus nqa Yog tias koj ib ce xeeb tub, koj tiv thaiv tau koj tus menyuam mosliab ntawm tus mob hnoos hawb pob ua ntej koj tus menyuam mosliab yug. Txhua zaus koj ib ce xeeb tub, saib xyuas zoo tias koj thiab koj tus menyuab mosliab hauv plab yeej raug tiv thaiv thaum koj mus txhaj tshuaj tiv thaiv tus mob hnoos hawb pob, uas muaj lwm lub npe hu tias tshuaj txhaj tiv thaiv tus mob hawb pob lossis Tdap. Thaum twg yog lub sijhawm zoo tshaj plaws mus txhaj tshuaj tiv thaiv tus mob hnoos hawb pob? Thaum cov pojniam uas ib ce xeeb tub mus txhaj tshuaj thaum lawv xeeb tub li ntawm xya lub hlis mus rau cuaj lub hlis (27 rau 36 lub asthiv), lawv tiv thaiv tau lawv tus menyuam mosliab hauv plab. Yog tias koj tsis paub tseeb, nug koj tus kws kho mob seb koj puas tau txhaj tshuaj tiv thaiv tus mob hnoos hawb pob thaum koj ib ce xeeb tub. Vim li cas nws tseem ceeb los txhaj tshuaj tiv thaiv tus mob hnoos hawb pob? Ib tug menyuam mosliab uas tseem tsis tau txoj kev pab tiv thaiv no yuav muaj feem kis tau tus mob hnoos hawb pob. Rau tej tug neeg, tus mob hnoos hawb pob yog ib tug mob loj heev uas yuav ua tau tej tug menyuam mosliab tag ib sim neej yog tias lawv tsis muaj dabtsi tiv thaiv lawv. Yog tias koj nyuam qhuav yug tau ib tus menyuam mosliab tag thiab tsis tau txhaj tshuaj tiv thaiv tus mob hnoos hawb pob thaum koj ib ce xeeb tub, mus ntsib koj tus kws kho mob hnub no kom koj txais tau. Nws tseem ceeb kom koj tsev neeg mus txhaj tshuaj thiab. Txawm tias tus neeg laus mob hnoos hawb pob me me xwb los nws ua tau rau ib tug menyuam mosliab tag ib sim neej, nws yim huab yooj yim kis yog tias tus menyuam mosliab tsis tau raug tiv thaiv thaum nws tseem nyob hauv plab. Tus menyuam mosliab yuav tsis txais thawj koob tshuaj tiv thaiv tus mob hnoos hawb pob txog txij rau thaum lawv muaj 2 hlis. Lub sijhawm uas nws tsis tau txais kev pab tiv thaiv no ntev heev. Tiv thaiv koj tus menyuam mosliab tamsim no! TIV TAUJ WIC QHOV KEV PAB CUAM HAUV KOJ LUB NROOG ntawm m.wic.ca.gov lossis hu rau lawv ntawm: Lub Cheeb Nroog Merced 209-723-4565 Lub Cheeb Nroog Monterey 831-796-2888 Lub Cheeb Nroog Santa Cruz 831-722-7121 WIC cov kev pab nyob kiag ntawm koj cov ntiv tes! Alliance cov tswvcuab yuav tsim nyog los txais Mus txhaj tshuaj tiv thaiv tus mob hnoos hawb pob thaum koj ib ce xeeb tub ●  ● Sim WIC lub laij leb seb puas tsim nyog los saib seb koj puab tsim nyog