Central California Alliance for Health | Nyob boj qab haus huv | Lub Kaum Ob Hlis Ntuj 2018

5 HAUS HUV Xam tias koj Tus Thawj Kws Kho Mob (Primary Care Provider; PCP, raws li sau hauv lus Askiv) yog lub qhov rooj qhib mus rau lub chaw kho mob zoo. Koj tus PCP yuav ntsib koj rau cov kev kuaj mob thiab cov kev txhaj tshuaj tiv thaiv kab mob thiab pab koj tswj cov kev mob uas yuav mob mus ntev uas koj muaj, xws li tus mob ntshav qab zib. Koj tus PCP yog thawj qhov chaw koj yuav mus ua ntej thaum koj muaj mob thiab thaum koj yuav tsum txais lus pab los qhia kom koj noj qab nyob zoo txuas ntxiv mus. Ib tus kws kho mob kho txhua yam lossis cov kws kho mob rau tsev neeg, cov kws kho mob rau menyuam yaus, lossis cov kws kho mob rau tej yam nruab hauv lub cev kuj los ua tau cov PCP. Koj tus PCP kuj yog tau ib lub chaw kho mob lossis ib pab pawg kho mob. Nrog rau lwm yam, koj tus PCP yuav: ●  ● Coj tagnrho koj cov kev kho mob ●  ● Yog tus koj mus saib rau cov kev tu xyuas li niaj zaus thiab thaum koj muaj mob ●  ● Pab tswj ua ntej kom tsis txhob muaj mob ●  ● Xa koj mus rau lwm cov kws kho mob thaum koj yuav tsum mus Sijhawm dhau mus, koj tus PCP yuav paub txog koj txoj kev noj qab haus huv thiab pab koj xaiv tej yam zoo kom koj noj qab nyob zoo txuas ntxiv mus. Peb pab tau koj los nrhiav ib tug kws kho mob Ib txoj kev zoo tshaj plaws uas yuav pab kom koj noj qab nyob zoo txuas ntxiv mus yog los ua haujlwm ze nrog ib tug kws kho mob. Yog tias koj tsis tau muaj ib tug, peb pab tau koj. Kom nrhiav tau ib tug kws kho mob hauv peb pawg kws kho mob, hu rau Kev Pab Cuam Tswvcuab ntawm 1-800-700-3874 . Lossis koj siv peb Phau Ntawv Teev Cov Kws Kho Mob saum internet ntawm peb qhov website ntawm https://provider.portal .ccah-alliance.org/providerdirectory/ . Qhov kauj ruam yooj yim no yuav pab kom koj noj qab haus huv zog tuaj. Kev sib tham nrog koj tus PCP Thaum hais txog txoj kev kho mob, cov neeg mob txoj kev koom tes tseem ceeb heev. Ib txoj kev los ua koj feem yog los xyaum kom koj sib tham tau zoo nrog koj tus PCP. Kev sib tham kom tseeb thiab ncaj ntawm koj thiab koj tus PCP yuav pab neb ob leeg los tsim txoj kev sib tham kom nyab xeeb. Qhov no txhais tias koj tham tau txog koj cov kev txhawj xeeb thiab yeej paub txhua yam koj yuav tsum paub los txiav txim tau zoo txog koj txoj kev kho mob. Yog tias koj xav siv ib tug neeg txhais lus vim tias koj tus kws kho mob tsis paub hais koj hom lus, qhia rau koj tus PCP lub chaw haujlwm paub thaum koj hu mus teem sijhawm. Qhia rau lawv paub tias koj siv hom lus twg thiab nug kom lawv hu rau lub Alliance tus xovtooj pab txhais lus thaum koj mus txog rau tod. Txoj kev pab no yog pab dawb rau tagnrho Alliance cov tswvcuab. Lwm cov tswvyim los pab koj ●  ● Nqa ib daim ntawv qhia txog cov tshuaj uas koj noj. ●  ● Xav seb koj xav nug kom ib tug phooj ywg lossis tsev neeg nrog koj mus. ●  ● Yog tias koj muaj tej yam tshwj xeeb uas koj yuav tsum tau, qhia rau lawv paub. Qhov no nrog rau tej yam tshwj xeeb los kho mob, xws li qhov chaw kom lub laub zaum mus tau lossis kev pab txhais lus. ●  ● Qhia rau lub chaw haujlwm paub yog tias koj mus tsis tau rau lub sijhawm uas tau teem rau koj. Hu rau lawv sai li sai tau thaum koj paub tias koj mus tsis tau rau lub sijhawm teem rau koj. Tsis txhob hnov qab los teem ib lub sijhawm tshiab. Tus PCP yog dabtsi? Cov ntsiab lus uas tau rov muab sau hais txog koob tshuaj tiv thaiv kab mob khaub thuas FluMist rau lub cuaj hli xyoo 2018–2019 thaum txog lub caij mob khaub thuas: Koob tshuaj tiv thaiv kab mob khaub thuas yog pom zoo rau cov menyuam yaus uas muaj noob nyoog 2 xyoo thiab laus dua (rau cov neeg laus uas muaj noob nyoog txog 49 xyoo). Tej zaum cov menyuam mosliab thiab cov menyuam yaus uas muaj noob nyoog yaus dua 9 xyoo yuav tsum tau mus txhaj ob koob tshuaj tiv thaiv kab mob. Nco ntsoov tias, tagrho cov tib neeg thaum pib muaj 6 lub hli yuav tsum tau txais ib koob tshuaj tiv thaiv kab mob khaub thuas txhua txhua xyoo.