4 TIB NEEG MUAJ KEV NOJ QAB HAUS HUV. NEEG ZEJ ZOG MUAJ KEV NOJ QAB HAUS HUV. Nyob Noj Qab Haus Huv Nrog Dr. Dianna Diallo Kev ntsib koj tus kws kho mob ncua sijhawm thiab tom qab cev xeeb tub yog qhov tseem ceeb rau koj txoj kev pab kho mob thiab koj tus menyuam txoj kev pab kho mob. Qee zaum nws muaj cov yam ntxwv lossis cov tsos mob uas tshwm sim tom qab kev muaj menyuam tias koj yuav tau qhia rau koj tus kws kho mob paub. Qhov no hu ua cov yam ntxwv ceeb toom maj ceev tom qab yug menyuam tag. Lawv tuaj yeem tshwm sim tom qab kev yug menyuam lossis ntau txog 12 lub hlis tom qab yug menyuam. Cov yam ntxwv ceeb toom maj ceev tom qab yug menyuam tag yog dab tsi? Yuav tsum tau txais kev saib xyuas lossis pab tu tam sim yog tias koj muaj: ■ Mob taub hau tsis zoo li lossis mob heev tuaj. ■ Ua npaws kub txog 100.4° F (38° C) lossis siab tshaj ntawd. ■ Teeb meem kev ua pa. ■ Mob hauv siab lossis plawv dhia ceev heev. ■ Ob txhais npab lossis ntsej muag o heev. ■ Mob ntshav los ntawm chaw mos ncua sijhawm lossis tom qab cev xeeb tub. ■ Mob duav heev uas tsis zoo li. ■ Nkees heev li. ■ Kiv tob hau lossis tsaus muag. Qhov no tsis yog tag nrho txhua yam tsos mob. Yog tias koj hnov tsis xis neej lossis muaj lus nug maj ceev thaum dhau sijhawm kws kho mob lub chaw ua haujlwm qhib lawm, hu Alliance Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line) ntawm 844-971-8907 (TTY: Ntaus 711) los sib tham nrog tus kws pab tu mob. Qhia rau lawv yog tias koj cev xeeb tub lossis ceev xeeb tub xyoo dhau los. Yam kuv yuav ua tau rau kuv txoj kev pab kho mob thiab kuv tus menyuam txoj kev pab kho mob yog dab tsi? Nco ntsoov mus ntsib kws kho mob ua ntej, ncua sijhawm thiab tom qab cev xeeb tub. Cov kev mus ntsib no tuaj yeem pab ua kom ntseeg tias koj thiab koj tus menyuam nyab xeeb thiab tau txais kev saib xyuas lossis pab tu uas koj xav tau. Qhia koj tus kws kho mob yog tias muaj tej yam dab tsi txim li hnov txawv. Koj thiaj paub koj tus menyuam! Kuv yuav tau txais kev pab txhawb li cas ncua sijhawm thiab tom qab kuv cev xeeb menyuam? Peb Txoj Kev Pab Cuam Kom Cov Leej Niam thiab Menyuam Mosliab Noj Qab Haus Huv (Healthy Moms and Healthy Babies program; raws li sau hauv lus Askiv) tuaj yeem pab txhawb tau koj thiab koj tus menyuam. Koj los tseem tuaj yeem tau txais nuj sua plig rau kev mus ntsib koj tus kws kho mob raws sijhawm. Koj los tseem tau txais nuj sua plig rau kev coj koj tus menyuam mus ntsib raws hnub tim ntsuam xyuas thiab txhaj tshuaj tiv thaiv kab mob! Qhov no yog ua los ntawm peb qhov kev pabcuam Kev Pib Noj Qab Huas Huv (Healthy Start, raws li sau hauv lus Askiv). Rau lus qhia ntxiv hais txog txoj kev pab kho mob ntawm kev cev xeeb tub, nyeem peb nplooj ntawv: www.thealliance.health/hmn/healthypregnancy. Dr. Diallo yog tus Thawj Kws Kho Mob rau Central California Alliance for Health muaj kev paub txog kev kho menyuam yaus ntev txog 15 xyoos. Ua kom noj qab haus huv ncua sijhawm thiab tom qab cev xeeb tub Nug kog tus kws kho mob
RkJQdWJsaXNoZXIy ODQ1MTY=