5 / 6
L
ub Alliance thiab koj Tus Thawj
Kws Kho Mob (PCP) nyob nraim
ntawm no los pab koj tswj koj tus
mob ntshav qabzib kom koj noj qab haus
huv. Tej zaum koj tus PCP yuav ntsib koj
ob peb lwm txhua xyoo los pab kom koj
tswj tau koj tus mob ntshav qabzib. Koj
tus PCP kuj pab saib xyuas kom koj mus
txais cov kev kuaj xyuas uas koj yuav
tsum tau txais kom koj noj qab haus huv.
Thaum koj tswj kom cov piam thaj hauv
ntshav qis nws yuav pab kom koj noj qab
haus huv thiab tiv thaiv tau tej yam teeb
meem nrog koj txoj kev noj qab haus huv
yav tom ntej. Thaum koj ua haujlwm nrog
koj tus PCP los tswj koj tus mob ntshav
qabzib, koj yuav nyob ib lub neej noj qab
haus huv zoo zog tuaj.
WIC yeej pab tau!
Qhov Kev Pab Cuam Women, Infants, and
Children Program (Kev Pab Rau Cov Pojniam
Muaj Menyuam Thiab Rau Cov Menyuam;
WIC) pab tau cov tsev neeg hauv peb lub
zej zog tau ntev li 40 xyoo los txog hnub no.
WIC yog ib qho kev pab cuam los kawm txog
kev noj zaub mov mus yug ib ce rau cov pej
xeem los ntawm ib pab neeg ua haujlwm
rau kev kho mob uas mob siab los pab kom
txoj kev noj qab haus huv zoo zog tuaj.
LEEJ TWG THIAJ LI TSIM NYOG?
Cov pojniam uas ib ce xeeb tub, pub
niam mis lossis nyuam qhuav yug mosliab
Cov menyuam yaus uas tsis tau muaj
5 xyoos (nrog rau cov menyuam uas koj
txais los yug ib ntus)
Cov tsev neeg uas tau nyiaj ua haujlwm
tsawg tsawg mus rau li ntawm nruab nrab
(tej zaum cov tsev neeg uas ua haujlwm
kuj tsim nyog txais)
WIC YUAV PAB TAU LI CAS?
Kawm txog txoj kev noj zaub mov mus
yug ib ce
Tshev mis mus nqa zaub mov
Kev kawm thiab kev pab txhawb pub
niam mis
Kev xa mus txais kev kho mob thiab cov
kev pab hauv lub zej zog
WIC kuj muaj cov hoob qhia tias koj
yuav ua li cas koj thiaj li pib niaj zaus
coj kom noj qab haus huv thiab koj yuav
ua li cas kom koj niaj zaus coj kom noj
qab haus huv mus tag ib sim neej. Cov ua
haujlwm tom WIC muaj lub hom phiaj los
pab kom koj tsis txhob xav tias koj tsis
muaj leej twg. WIC yog ib txoj kev pab zoo
heev, thiab nws pab kom lub zej zog khov
kho thiab noj qab haus huv zoo zog tuaj!
Yog tias koj xav tau kev pab nrog zaub
mov, muaj lus nug tias seb hom zaub mov
twg yog hom uas koj yuav tsum noj thaum
koj ib ce xeeb tub, xav tau kev pab txhawb
pub niam mis lossis xav paub ntau zog tias
koj tus menyuam loj hlob li cas, hu rau lub
WIC hauv koj lub nroog. Pab pawg neeg
yeej nyob nraim ntawd los pab koj!
UA LI CAS KUV THIAJ LI HU TAU RAU IB
LUB WIC HAUV KUV LUB NROOG?
Xovtooj:
1-888-WIC-WORKS
lossis
1-888-942-9675
Istawsnev:
www.cdph.ca.gov/
programs/wicworks/Pages/default.aspx
tsev neeg kev noj qab haus huv
Ua kom koj noj qab haus huv
nrog tus mob ntshav qabzib
Lub Alliance muaj ib qho kev pab cuam
hu tias
Live Better with Diabetes
(
Txoj Kev
Pab Cuam Ua Lub Neej Zoo nrog Kev Mob
Ntshav Qabzib
) rau cov tswvcuab uas mob
ntshav qabzib thiab muaj 21 xyoos thiab
laus dua. Qhov kev pab cuam no pab them
rau cov sijhawm mus ntsib, cov hoob
kawm txog tus mob ntshav qabzib thiab
kev noj zaub mov mus yug ib ce, thiab rau
cov tshuab ntsuas piam thaj hauv ntshav.
Tham nrog koj tus kws kho mob seb
thaum twg koj yuav tsum tau mus txais
cov kev kuaj xyuas ntawm no:
Hemoglobin (cov uas xeeb ua ntshav
liab) A-1-c (kev kuaj seb feem ntau piam
thaj siab npaum li cas)
Rog hauv ntshav
Kev kuaj qhov muag vim mob ntshav
qabzib
Kuaj xyuas zis los kuaj koj ob lub raum
Cov kev kuaj xyuas no yuav pab
kom koj thiab koj tus PCP paub tias koj
tswj tau koj tus mob ntshav qabzib zoo
npaum li cas.
Yog tias koj xav paub ntau zog txog
qhov kev pab cuam no, hu rau Alliance
Phab Qhia Kev Noj Qab Haus Huv Tus Xov
Tooj ntawm
1-800-700-3874, ext. 53624
.
Yog tias koj xav paub ntau zog txog tus
mob ntshav qabzib, koj mus saib tau rau
saum Istawsnev:
www.diabetes.org.
Koj puas paub tias Alliance kuj muaj ib daig $50 gift card
rau koj tom qab koj mus txais tej hom kev kuaj xyuas tag?
5
nyob noj qab
haus huv