Central California Alliance for Health | Nyob boj qab haus huv | Lub Peb Hlis Ntuj 2018

xov xwm rau tus tswvcuab N ws tseem ceeb kom koj tham tau meej meej nrog koj tus kws kho mob. Yog tias koj thiab koj tus kws kho mob tsis sib nkag siab txhua lub sijhawm, nws yuav raug tau koj txoj kev kho mob. Lub Alliance muaj cov kws kho mob hauv peb pawg kws kho mob uas txawj hais lwm hom lus uas tsis yog lus Askiv nkaus xwb. Koj nrhiav tau cov kws kho mob ntawm no hauv Phau Ntawv Teev Cov Kws Kho Mob lossis thaum koj hu mus rau Lub Chaw Pab Cuam Tswvcuab. Yog tias koj muaj teeb meem tham nrog koj tus kws kho mob, peb yeej pab tau. Koj tsis thas siv tsev neeg lossis phooj ywg. Koj muaj txoj cai los siv ib tug txhais lus, thiab lub Alliance pab them rau txoj kev pab ntawm no. Koj tus kws kho mob hu tau ib tug xov tooj tshwj xeeb los nrhiav ib tug txhais lus uas txawj hais koj hom lus. Ces koj thiab koj tus kws kho mob mam li siv tus kws txhais lus los sib tham. Yog tias koj xav tau ib tug neeg kws txhais lus, qhia rau koj tus kws kho mob lub chav haujlwm paub tias koj xav tau hom lus twg thaum koj hu mus teem sijhawm. Hais kom lawv hu rau lub Alliance txoj kev pab txhais lus hauv xov tooj thaum koj mus txog. Thaum koj yog Alliance tus tswvcuab, koj muaj txoj cai los txais cov kev pab dawb ntawm no: Cov kev pab txhais lus nrog koj hom lus los pab koj tham nrog koj tus: ■  ■ Kws kho mob ■  ■ Lwm cov kws kho mob ■  ■ Kev npaj kho mob Feem ntau, lawv yeej siv cov kws txhais lus hauv xov tooj ntau, tiamsis lawv kuj siv tau ib tug kws txhais lus tim ntsej tim muag rau cov muaj mob loj. Lub Alliance yuav tsum pom zoo rau cov neeg txhais lus tim ntsej tim muag ua ntej. Cov ntawv sau thiab cov ntawv tshaj tawm uas yuav raug koj cov kev fajseeb kho mob sau ua koj hom lus. Peb kuj pab nyeem tau cov ntawv ntawm no rau koj thiab yog tias koj txawj hais lwm hom lus uas tsis yog lus Askiv. Yog tias koj xav tau kev pab txhais lus lossis nyeem cov ntaub ntawv uas koj txais, thov hu rau Lub Chaw Pab Tswvcuab ntawm 1-800-700-3874 , hnub Monday mus txog Friday, 8 a.m. mus txog 5:30 p.m. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 1-800-735-2929 (TTY: Ntau Cov Lej 7-1-1 ).    NRHIAV TEJ YAM LUS QHIA TXOG COV KWS KHO MOB NRAWM Mus saib peb Phau Ntawv Teev Cov Kws Kho Mob tshiab ntawm https:// provider.portal.ccah-alliance .org/providerdirectory/ . Qhov Website tshiab thiab kho dua tshiab ntawm no yuav pab tau koj los nrhiav tej yam lus qhia txog tus kws kho mob nrawm! Koj tus kws kho mob puas txawj hais koj hom lus? 3 nyob noj qab haus huv