Central California Alliance for Health | Nyob boj qab haus huv | Lub Peb Hlis Ntuj 2018

K ev nyab xeeb ntawm cov tshuaj noj siv ntawv yuav yog txoj kev los paub tseeb tias koj cov tshuaj yeej ua haujlwm li txoj kev npaj siv rau. Nug koj tus kws kho mob thiab koj tus kws kho mob muab tshuaj txhua zaus yog tias koj muaj lus nug lossis tej yam kev txhawj xeeb uas koj muaj txog koj cov tshuaj noj. Nco txog tej co ntawm no thaum koj txais ib co tshuaj noj uas siv daim ntawv yuav tshiab. Thaum koj tham nrog koj tus kws kho mob thiab/lossis koj tus kws kho mob muab tshuaj, saib xyuas zoo tias koj: ■  ■ Muab tagnrho cov npe tshuaj noj uas koj niaj zaus noj rau lawv, nrog rau cov tshuaj uas koj yuav koj tus kheej thiab cov khoom noj los yog haus uas hloov zaub mov. Qhov no yuav pab koj tus kws kho mob muab tshuaj paub seb cov tshuaj tshiab no puas yuav ua rau tej yam mob tsis zoo tshwm sim. ■  ■ Qhia rau lawv paub seb koj puas phiv dabtsi. ■  ■ Tsis txhob tawm ntawm koj tus kws kho mob lub chav haujlwm lossis lub tsev muag tshuaj txog txij koj nkag siab tias vim li cas koj noj cov tshuaj no thiab koj paub tias noj li cas. ■  ■ Nug koj tus kws kho mob muab tshuaj seb koj yuav muab cov tshuaj cia rau tej qho chaw zoo li cas. ■  ■ Tham nrog koj tus kws kho mob seb koj muab cov tshuaj uas tsis siv lossis tag sijhawm pov tseg li cas. Thaum koj noj cov tshuaj, nco ntsoov: ■  ■ Khaws cov tshuaj nyob twj ywm hauv nws lub thawv tshuaj uas nws los nrog. ■  ■ Khaws kom nws nyob siab ntawm cov menyuam thiab cov tsiaj. ■  ■ Tsis txhob muab cov tshuaj cia tej qho chaw uas kub heev lossis txias heev. Thaum koj muab cia rau tej qho chaw uas kub, muaj dej thiab txiav heev nws yuav ua rau cov tshuaj tsis ua haujlwm zoo puas tsawg. Ua raws li koj tus kws kho mob muab tshuaj cov lus qhia tias seb koj yuav tau muab khaws cia rau tej qho chaw zoo li cas. ■  ■ Nyeem cov lus qhia siv tshuaj txhua lub sijhawm koj noj cov tshuaj, nws yim huab tseem ceeb thaum koj noj ntau hom tshuaj. Koj tsis xav yuav kev es noj cov tshuaj tsis thwj. ■  ■ Tsis txhob noj ntau tshaj qhov uas tus kws kho mob hais, nws yim huab tseem ceeb hais txog tshuaj loog mob. ■  ■ Tsis txhob muab koj cov tshuaj rau lwm tus neeg noj. ■  ■ Tsis txhob muab cov tshuaj uas tsis siv tsis tas lossis tag sijhawm pov tseg rau tej qhov chaw uas neeg nrhiav tau yooj yim. Muaj tej co tshuaj uas koj pov tseg tso dej mus hauv lub qhov viv mus. Tej co yuav tau muab sib xyaws pov tseg hauv lub hnab yas uas kaw zoo zoo nrog cov menyuam pob zeb uas miv siv mus tawm rooj. Ua raws li koj tus kws kho mob muab tshuaj cov lus qhia los muab koj cov tshuaj pov tseg. cov tshuaj Cov tshuaj Siv rau Qhov tau hloov Kua Promethazine nrog Codeine Hnoos Raug muab tshem tawm Cov ntsiav tshuaj Perindopril, cov ntsiav tshuaj Telmisartan, Irbesartan HCT, cov ntsiav tshuaj Amlodipine-valsartan, cov ntsiav tshuaj Amlodipine-valsartan-HCTZ Mob ntshav siab, lub plawv tsis ua haujlwm, kab mob ntawm hlab ntsha yug lub plawv Muab ntxiv rau Cov ntsiav tshuaj Captopril, cov ntsiav tshuaj Moexipril, cov ntsiav tshuaj Benazepril-HCTZ, cov ntsiav tshuaj Captopril-HCTZ, cov ntsiav tshuaj Moexipril-HCTZ Mob ntshav siab, lub plawv tsis ua haujlwm, kab mob ntawm hlab ntsha yug lub plawv Raug muab tshem tawm Cov ntsiav tshuaj Nadolol, cov tshuaj Diltiazem ER 12H, cov ntsiav tshuaj Matzim LA 24H, cov ntsiav tshuaj Dyrenium, cov ntsiav tshuaj Aldactazide 50-50 Mob ntshav siab Raug muab tshem tawm Cov ntsiav tshuaj Atenolol-chlorthalidone, cov ntsiav tshuaj Metoprolol tartrate-HCT, cov ntsiav tshuaj Felodipine ER, cov ntsiav tshuaj Amiloride Mob ntshav siab Muab ntxiv rau Cov ntsiav tshuaj Rosuvastatin, cov ntsiav tshuaj Ezetimibe Mob ntshav muaj roj Muab ntxiv rau Tshuaj Pab Tswj Kom Cov Rog Hauv Ntshav Qis Omega-3 Acid Ethyl Esters 1G Mob ntshav muaj rog thiab roj Muab ntxiv rau Rizatriptan ODT Mob tau hau Muab ntxiv rau Koob txhaj Cyanocobalamin Tsis muaj vivtasmees B 12 txaus Muab ntxiv rau Tej yam uas raug hloov ntawm daim ntawv teev cov tshuaj noj Siv cov tshuaj noj siv ntawv yuav kom nyab xeeb 4 nyob noj qab haus huv