Central California Alliance for Health | Nyob boj qab haus huv | Lub Peb Hlis Ntuj 2018

T ej zaum koj twb paub lawm tias cov kab mob ua rau koj mob, tiamsis koj puas paub tias nws muaj ob hom kab mob? Txoj kev kho mob nyob ntawm seb hom kab mob twg ua rau koj mob. 1. Cov kab mob me virus ua rau koj mob khaub thuas thiab caj pas, thiab nws txawj ploj mus tom qab nws ua li qhov nws niaj zaus ua tag. Cov tshuaj tua kab mob yuav tsis pab rau cov kev mob uas tshwm sim vim cov kab mob me. 2. Cov kab mob bacteria ua rau koj mob pob ntseg thiab cov tsauv tsiav ntawm hauv pliaj. Cov tshuaj tua kab mob ua tau haujlwm rau cov kev pab ntawm no, thiab koj mam li txais ntawv mus nqa tshuaj tua kab mob. Yog tias koj siv tshuaj tua kab mob los tua cov kab mob me virus, koj lub cev yuav swm cov tshuaj tua kab mob. Ces, yog tias yav tom ntej koj mob vim cov kab mob bacteria, cov tshuaj tua kab mob yuav tsis ua haujlwm los tua cov kab mob hauv koj lub cev. Tej zaum koj tus kws kho mob yuav tau muab cov tshuaj uas muaj zog ua lossis ntau zog los tua cov kab mob bacteria thaum qhov no tshwm sim. Qhov zoo tshaj los tua cov kab mob me virus yog mus pw, haus dej lossis kua txiv hmab txiv ntoo, thiab noj tshuaj uas koj yuav tau koj tus kheej raws li koj tus kws kho mob hais. Yog tias koj muaj lus nug txog koj cov mob tsos, hu rau koj Tus Thawj Kws Kho Mob. Koj kuj hu tau rau lub Alliance Tus Xov Tooj Nug Kev Pab Los Ntawm Tus Kws Tu Neeg Mob ntawm 1-844-971-8907 , 24 teev txhua hnub, 7 hnub txhua lub asthiv. Nws pab dawb, hu tau nrawm, thiab yooj yim. Rau Tus Xov Tooj Pab Cov Tsis Hnov Lus lossis Hais Lus Tsis Tau, hu rau 1-800- 735-2929 (TTY: Ntau Cov Lej 7-1-1 ). Ib txoj kev pab tshiab rau cov tswvcuab Lub Alliance Daim Ntawv Qhia Hnub Tim Txog Cov Kev Pab Kom Cov Tswvcuab Noj Qab Haus Huv thiab Noj Qab Nyob Zoo Saum Internet tuaj txog lawm! Koj nrhiav tau tej yam lus qhia thiab cov kev pab txog cov kev pab kho cwj pwm thiab cov kev pab puas hlwb, kev noj zaub mov zoo thiab kev nquag siv dag zog, kev tswj tus mob thiab kev xaiv lwm yam kho mob, kev pab txhawb thiab kev pab sib ntaus sib ceg hauv tsev, thiab kev pab cuam txiav yeeb tshuaj thiab luam yeeb. Yog tias koj xav saib daim ntawv qhia hnub, mus saib sau internet: ccah-alliance.org/health-and-wellness-calendar-hm.html . Nias rau ntawm koj lub cheeb nroog kom koj nrhiav tau cov kev pab uas nyob ze rau ntawm koj. Peb muaj cov hoob kawm lossis cov kev pab cuam dawb, pheej yim, lossis them raws li cov kev laij los pab kom koj thiab koj tsev neeg nyob ib lub neej noj qab haus huv zog tuaj. koj txoj kev tu xyuas Koj yuav txais tshuaj tua kab mob thaum twg? 5 nyob noj qab haus huv