Central California Alliance for Health | Nyob boj qab haus huv | Lub Cuaj Hli Ntuj 2018

3 HAUS HUV Lo Lus Nug. Ua li kuv tus menyuam puas tseem muaj feem: � Ntsib lawv tus Thawj Kws Kho Mob (Primary Care Provider; PCP, raws li sau hauv lus Askiv)? � Ntsib lawv tus kws kho mob tshwj xeeb? � Txais kev kho mob los ntawm cov tsev kho mob Valley Children’s, Standford Children’s, Lucile Packard los yog lwm lub tsev kho mob rau menyuam yaus? Cov Lus Teb. Yog, koj tus menyuam tseem ntsib tau lawv tus PCP thiab tus kws kho mob tshwj xeeb, tsuav tus kws kho mob pom zoo ntsib koj tus menyuam txuas ntxiv mus thiab kam ua haujlwm nrog lub Alliance. Lub Alliance zoo siab tso cai ua ntej hnub hloov (Lub Xya Hli Ntuj Tim 1). Lo Lus Nug. Ua li kuv tus menyuam puas yuav tau: � Lawv cov tshuaj? � Lawv cov tshuaj kho mob tshwj xeeb? Cov Lus Teb. Tau, cov tshuaj kho mob ib txwm tau yuav nyob hauv koj lub tsev muag tshuaj. Cov tshuaj ib txwm tau rau kev kho mob tshwj xeeb los ntawm lub Alliance chaw muag tshuaj tshwj xeeb, hu ua Diplomat. Peb ua haujlwm nrog koj lub chaw muag tshuaj tshwj xeeb kom hloov koj cov tshuaj mus rau Diplomat. Yuav tsis muaj kev cuam tshuam rau cov tshuaj uas twb muaj lawm. CCS cov kev pab cuam nyob hauv Qhov Kev Npaj Kho Mob Rau Cov Menyuam Yaus (Whole Child Model) Lub Alliance paub tias California Kev Pab Kho Mob Rau Menyuam Yaus (California Children’s Services; CCS, raws li sau hauv lus Askiv) tsev neeg tau tsim muaj kev sib raug zoo nrog rau cov neeg ua haujlwm hauv Lub Cheeb Nroog Qhov Kev Pab Cuam CCS tau ntau xyoo. Yog vim li ntawd peb thiaj ua haujlwm ze nrog Lub Cheeb Nroog Qhov Kev Pab Cuam CCS kom to taub koj thiab koj tus menyuam cov kev xav tau thiab kom muab cov kev pab cuam saib xyuas mus ntxiv kom koj tus menyuam txais tau yam tsis muaj dabtsi los cuam tshuam lossis ncua cov kev pab cuam. Ntawm no yog qee cov lus nquag nug los ntawm peb cov CCS tsev neeg: Lo Lus Nug. Kuv puas tseem tau ua dua kuv tus menyuam daim ntawv thov txais CCS txhua txhua xyoo, thiab leej twg thiaj yuav pab tau qhov ntawd? Cov Lus Teb. Yog, Lub Cheeb Nroog Qhov Kev Pab Cuam CCS cov neeg ua haujlwm yuav pab ua ntaub ntawv txuas ntxiv kom tiav txhua xyoo rau CCS. Cov tswvcuab yuav tsum yog Alliance Medi-Cal cov tswvcuab thiab cuv npe hauv Qhov Kev Pab Cuam CCS. Lo Lus Nug. Kuv yuav hu tau rau leej twg yog kuv muaj teeb meem nrog rau kuv qhov kev tsim nyog txais Medi-Cal kev pab? Cov Lus Teb. Koj yuav tsum hu rau koj Lub Cheeb Nroog Medi-Cal qhov chaw ua haujlwm. Yog tias koj tus menyuam tau txais Kev Pab Cuam Nyiaj Rau Cov Neeg Uas Muaj Kev Tu Ncua (Social Security Income; SSI, raws li sau hauv lus Askiv), koj yuav tsum hu rau qhov chaw ua haujlwm Tswj Xyuas Kev Pab Cuam Nyiaj Rau Cov Neeg Uas Muaj Kev Tu Ncua (Social Security Administration). Lo Lus Nug. Puas muaj kev pab thauj mus los rau kuv tus menyuam cov sijhawm teem caij? Cov Lus Teb. Muaj, lub Alliance tuaj yeem pab muab kev thauj mus los yog koj tus menyuam lub sijhawm teem caij mus rau ib qho kev kho mob lossis yuav tau mus nqa tshuaj noj siv ntawv yuav lossis cov khoom siv. Yuav tsum tau kev tso cia ua ntej. Hu rau Tus Neeg Teem Sijhawm Rau Kev Thauj Mus Los ntawm 1-800-700-3874, ext. 5577, tsawg kawg 5 mus rau 7 hnub ua haujlwm ua ntej hnub teem caij lossis hnub mus txais txoj kev pab cuam. Lo Lus Nug. Kuv yuav hu tau rau leej twg yog kuv muaj teeb meem nrog CCS cov kev kho mob, lus nug lossis kev txhawj xeeb? Cov Lus Teb. Lub Alliance muaj cov neeg ua haujlwm Tswj Kev Tu Xyuas uas tuaj yeem pab teb cov lus nug lossis kev txhawj xeeb txog koj tus menyuam. Ib Tus Neeg Tswj Kev Tu Xyuas mam li pab saib xyuas koj tus menyuam qhov kev pab kho mob thiab yog tus koj mus ntsib. Yog koj tsis paub tias leej twg yog koj Tus Neeg Tswj Kev Tu Xyuas, hu rau Lub Alliance Tus Xov Tooj Pab Tswj Kev Tu Xyuas Rau Cov Menyuam Yaus ntawm 1-800-700‑3874, ext. 5513 .