Central California Alliance for Health | Nyob boj qab haus huv | Lub Cuaj Hli Ntuj 2018

HAUS HUV 4 FluMist rau xyoo 2018–2019 lub caij mob khaub thuas FluMist yog ib koob tshuaj tiv thiav kab mob khaub thuas uas txuag rau qhov ntswg. Qhov tshuaj tiv thaiv no tsis muaj nyob rau daim ntawv teev cov tshuaj kab mob khaub thuas rau ob lub xyoo dhau los vim nws tsis tiv thaiv tau cov neeg los ntawm cov kab mob khaub thuas uas muaj thoob teb chaws Asmeslikas. Txawm li ntawd los, Lub Chaw Haujlwm Tswj thiab Tiv Thaiv Kab Mob (Centers for Disease Control and Prevention; CDC, raws li sau hauv lus Askiv) tau xaiv tsa muab cov tshuaj FluMist tso rau hauv daim ntawv teev cov tshuaj tiv thaiv rau cov menyuam yaus uas muaj noob nyoog 2 txog 4 xyoos thiab cov neeg uas muaj noob nyoog 49 xyoos lossis tshaj saud nyob rau xyoo 2018–2019 lub caij mob khaub thuas. Lub caij mob khaub thuas yog thaum lub caij ntuj no, tab sis qhov zoo tshaj plaws kom tau txais cov tshuaj tiv thaiv ua ntej kis rau hauv koj lub zej zog. Cov menyuam yaus uas yuav tsum tau txhaj ob koob yuav tsum tau pib sai li sai tau thaum koob tshuaj tseem muaj, vim hais tias ib koob tshuaj yuav tsum txhaj nrug li plaub lub asthiv. Nws yuav siv li ob lub asthiv tom qab tus neeg tau txais koob tshuaj tiv thaiv kom cov tshuaj tiv thaiv pib ua haujlwm hauv lub cev thiab yuav tiv thaiv lawv los ntawm tus kab mob khaub thuas. Tshuaj tshiab tiv thaiv kab mob ua qoob rau cov laus YOG XAV PAUB NTXIV TXOG COV TSHUAJ TIV THAIV KAB MOB FLUMIST , nrog koj tus Thawj Kws Kho Mob tham los yog mus saib ntawm Tsoom Fwv Teb Chaw Lub Tuam Tsev Tswj Xyuas Khoom Noj thiab Tshuaj (U.S. Food and Drug Administration) lub website ntawm fda.gov/biologicsbloodvaccines/ vaccines/approvedproducts/ ucm508761.htm. Shingrix® yog ib koob tshuaj uas tshiab tau txais kev pom zoo los ntawm Tsoom Fwv Teb Chaw Lub Tuam Tsev Tswj Xyuas Khoom Noj thiab Tshuaj (U.S. Food and Drug Administration) lub los tiv thaiv cov kab mob ua qoob (herpes zoster) rau cov neeg uas muaj 50 xyoo thiab laus dua. Ua qoob yog dab tsi? Ua qoob yog ib yam kab mob. Nws ua rau daim tawv nqaij mob sawv hlwv thiab feem ntau tshwm sim rau cov neeg uas muaj 50 xyoos rov saud. Cov tshuaj tiv thaiv Shingrix® yog ib koob tshuaj nkaus xwb uas tau muaj pov thawj ua haujlwm 90 feem pua txhua lub sijhawm. Nws yog ob koob tshuaj muab txhaj rau thooj leeg ntawm txhais caj npab saum toj. Koob ob yuav tsum txhaj ob lub hlis mus txog rau lub hlis tom qab ntawm txhaj thawj koob. Nws yog ib qho tseem ceeb rau koj kom tau txais ob-koob tshuaj kom pab tiv thaiv ua qoob. Lub cev tsis muaj zog zuj zus vim noob nyoog; qhov no txhais tau tias koj yuav kis tau tus kab mob ua qoob ntau dua. Shingrix® txhawb koj lub cev kom muaj zog tiv thaiv kab mob ua qoob. Shingrix® koob tshuaj tiv thaiv yog them los ntawm Medi-Cal. Koj tuaj yeem tau txais los ntawm koj tus Thawj Kws Kho Mob (Primary Care Provider; PCP, raws li sau hauv lus Askiv) lossis ntawm lub chaw muag tshuaj. Koj yuav tsum tau ib daim ntawv sau tshuaj los ntawm koj tus PCP thaum koj mus rau ib lub chaw muag tshuaj. Yog xav paub ntxiv txog koob tshuaj tiv thaiv Shingrix®, tham nrog koj tus PCP. Koj tuaj yeem mus xyuas saum Internet lub Cov Chaw Tswj Thiab Tiv Thaiv Kab Mob (Centers for Disease Control and Prevention) ntawm cdc.gov/ vaccines/vpd/shingles/hcp/shingrix/ recommendations.html .