3 YUAV TAU UA KEV NTSUAM XYUAS PEJ XEEM XYOO 2022 Txoj hauv kev peb ua kom tau raws li cov koj xav tau rau kev saib xyuas kho mob Lub Alliance Yuav Tau Ua Kev Ntsuam Xyuas Pej Xeem (Population Needs Assessment, PNA) los nug cov tswvcuab ib xyoos ib lwm. Qhov kev ntsuam xyuas nug no muaj lub hwv tsam rau peb los hnov txog yam koj xav txog ntawm kev saib xyuas thiab kev pab cuam koj tau txais. Ua tsaug rau nej cov tau koom peb qhov kev ntsuam xyuas xyoo 2022! Nov yog daim ntawv xaus lus ntawm yam uas peb tau hnov los. Cov tswvcuab tau hais tias lawv: ■ Xav tau lus qhia los ntawm lawv tus thawj kws kho mob xub thawj heev li uas yog kom txhob tawm tsam lawv li kev ntseeg txog kev noj qab nyob zoo. ■ Zoo siab rau lub Alliance thiab qhov kev pab cuam lawv tau txais los ntawm peb. Peb zoo siab kawg uas hnov li no! Peb muab tej lus qhia no coj mus qhia rau cov kws pab kho mob. Ua ke no peb zoo siab uas peb hnov txog tias peb ua tau lawm, peb xav hnov txog yam peb yuav tau txhim kho. Cov tswvcuab tau qhia yam uas lawv nyiam tshaj plaws hais txog kev tau txais tej lus qhia lossis pab lawv los ntawm lub Alliance nyob rau cov ncauj lus hauv qab no: ■ Lub Alliance Tus Xov Tooj Nug Kev Pab Los Ntawm Tus Kws Tu Neeg Mob. ■ Alliance li kev pab xa mus los. Peb rau siab ua haujlwm heev los tsim kom saib xyuas tau zoo tshaj plaws rau koj. Saib lwm cov hauv kev tshiab lub Alliance tab tom ua haujlwm los pab kom koj tau txais kev saib xyuas zoo, nyob rua qhov chaw zoo, nyob rau lub sijhawm zoo. Peb yuav qhia peb lub phiaj xwm nqis tes thiab cov tswvyim los daws yam teeb meem uas tswvcuab xav tau uas yog siv kev qhia txog kev noj qab haus huv, cov kev pab cuam fab kab lig kev cai thiab kev pab cuam txhais lus, thiab txhim kho cov khoos kas kom zoo. Yog koj muaj tej lus nug txog lub Alliance 2022 PNA, thov hu rau lub Alliance Pab Qhia Kev Noj Qab Haus Huv Tus Xov Tooj rau ntawm 800-700-3874, ext. 5580. Yog tias koj xav tau kev pab txhais lus, peb muaj ib tug xov tooj tshwj xeeb uas siv ib tug neeg txhais lus hais tau koj hom lus los pab dawb rau koj. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 7-1-1). Cov kws kho mob li lus qhia txog cov tshuaj txhaj ntxiv rau kab mob COVID-19 koob thib ob Nyob rau Lub Peb Hlis Ntuj 2022, lub Chaw Tiv Thaiv thiab Tswj Kab Mob (Centers for Disease Control and Prevention) muaj lus qhia txog koob tshuaj txhab ntxiv tiv thaiv kab mob COVID-19. Koob tshuaj txhab ntxiv tiv thaiv kab mob yog koob tshuaj siv tom qab thawj koob tshuaj lawm lossis cov koob tshuaj uas txhaj tuaj tom qab. Koob tshuaj txhab ntxiv siv los ua kom lub cev ras txog tus kab mob thiab tsim tej roj ntshav los tawm tsam kab mob. Ntaub ntawv qhia tias cov tib neeg uas tau txais koob tshuaj txhab ntxiv yuav tag lub neej txoj sia tsawg dua li 21 npaug los ntawm tus mob COVID-19 yog muab piv rau cov uas tsis tau txhaj tshuaj tiv thaiv, thiab qhov yuav tau mus pw kho hauv tsev kho mob tsawg dua li 7 npaug. Cov neeg uas roj ntshav tsis zoo lawm thiab muaj hnub nyoog tshaj 50 xyoo xav txhawb kom mus txhaj tshuaj tiv thaiv kab mob koob thib ob yam tsawg kawg yog plaub hlis tom qab txhaj thawj koob lawm. Koob tshuaj txhaj txhab ntxiv yeej nyab xeeb thiab tseem ceeb rau cov neeg uas pheej hmoo rau ua mob loj, tus uas yuav tau muaj kev pov thaiv ntau ntxiv los ntawm COVID-19 kev sib kis. Sib tham nrog koj tus kws kho mob yog koj muaj lus nug txog ntawm seb koob tshuaj thib ob puas haum rau koj. Nyob Noj Qab Haus Huv T I B NEEG MUAJ KEV NOJ QAB HAUS HUV . NEEG ZEJ ZOG MUAJ KEV NOJ QAB HAUS HUV .
RkJQdWJsaXNoZXIy NzIxMDA=