Tej zaum koj yuav muaj lwm qhov kev pab them nqi kho mob duav roos (other health coverage, OHC) yog tias: ■ Koj muaj kev tuav pov hwm kho mob los ntawm koj txoj haujlwm, tus txij nkawm lossis tus hlub, lossis Covered California. ■ Koj yuav kev tuav pov hwm kho mob los ntawm tus kheej. ■ Koj dhau los muaj cai tau txais vim yog muaj xwm txheej tshwm sim hauv lub neej tshiab—kev sib yuav piv txwv li. Yog tias koj muaj ntau tshaj ib qhov chaw tuav pov hwm kho mob, nws muaj txoj cai hais tias seb lub chaw twg them ua ntej thiab lub twg them ua thib ob. Yog tias koj muaj lwm qhov chaw pov hwm kho mob thiab Medi-Cal, koj lwm qhov chaw tuav pov hwm kho mob yog thawj lub chaw them ua ntej thiab Medi-Cal yog qhov thib ob. Yog tias koj lub chaw tuav pov hwm ua ntej muaj cov cai tshwj xeeb, koj yuav tsum tau ua li nws hais. Yog tias koj tsis ua raws cov cai no, koj lub chaw tuav pov hwm kho mob xub thawj yuav tsis them rau koj li kev saib xyuas thiab lub Alliance yuav tsis them rau ib yam nkaus. Tej zaum koj li OHC yuav tau xaus yog tias: ■ Koj cov faj seeb kho mob tau hloov los ntawmCovered Californiamus rauMedi-Cal. ■ Koj tau tsum koj txoj haujlwm lossis koj raug rho tawm haujlwm. ■ Koj lub sijhawm ua haujlwm tsis ntau txaus kom tsim nyog rau kev ua kev tuav pov hwm kho mob ntawm koj txoj haujlwm. ■ Koj tsis tau them koj cov nqi yuav kev tuav pov hwm kho mob. ■ Koj tau thim koj qhov kev tuav pov hwm khomob lawm rau lub laj thawj twg los tau. Yuav txuas lus rau leej twg yog tias koj lub OHC tej ntaub ntawv hloov lawm: Hu rau koj lub Medi-Cal lub chaw sau npe hauv zos. Nws yog ib qho tseem ceeb uas koj muab koj cov ntaub ntawv no rau lawv txhawm rau kom lawv thiaj li hloov kho koj cov ntaub ntawv dua tshiab. Yog koj muaj Medi-Cal vim tias koj txais cov kev pab SSI, hu rau lub chaw haujlwm Social Security Administration (Lub Chaw Haujlwm Xaussaus, SSA) hauv zos ntawm. Koj yuav tsum pab dab tsi txog lwm cov kev faj seeb kho mob Txhawm rau los hloov koj cov ntaub ntawv ntawm California DHCS lub vev xaib, mus rau: www.dhcs.ca.gov/services/ Pages/TPLRD_OCU_cont.aspx. Qhov qhia rau peb paub txog koj tej ntaub ntawv hloov tshiab ib yam thiab. Hu rau lub Alliance Lub Chaw Pab Cuam Tswvcuab ntawm 800-700-3874, hnub Monday txog Friday, 8 a.m. txog 5:30 p.m. Lub Cheeb Nroog Merced: 855-421-6770 Lub Cheeb Nroog Monterey: 877-410-8823 Lub Cheeb Nroog Santa Cruz: 888-421-8080 Merced lub chaw haujlwm SSA: 888-632-7069 Monterey lub chaw haujlwm SSA: 877-696-9397 Santa Cruz lub chaw haujlwm SSA: 800-780-1106 Koj puas tau paub tias Alliance muaj Cov Kev Pab Cuam Txhais Lus? Lub Alliance muaj ob hom kev txhais lus xws li txhais hauv xov tooj thiab txhais tim ntsej muag kiag, kev txhais ntaub ntawv ntawm tswvcuab, thiab tej ntaub ntawv sau ua lwm tus qauv ntawv yam tsis sau nqi ntawm koj. Yog tias koj xav hu rau Alliance Cov Kev Pab Cuam Txhais Lus, lossis muaj cov lus nug, thov hu rau Alliance Lub Chaw Pab Cuam Tswvcuab ntawm tus xov tooj 800-700-3874. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 7-1-1). 4 Nyob Noj Qab Haus Huv T I B NEEG MUAJ KEV NOJ QAB HAUS HUV . NEEG ZEJ ZOG MUAJ KEV NOJ QAB HAUS HUV .
RkJQdWJsaXNoZXIy NzIxMDA=