Cia kom hnov koj lub suab! Peb muaj ntau txoj hauv kev rau koj los qhia rau peb paub tias peb tab tom yuav ua li cas thiab peb tuaj yeem yuav txim kho li cas. Ib tug ntawd yog dhau los ntawm peb Pab Pawg Muab Kev Pab Cuam Tswvyim Rau Tswvcuab (Member Services Advisory Group, MSAG). Los ntawm lub MSAG, peb muaj peev xwm hnov los ntawm peb cov tswvcuab thiab cov neeg ua haujlwm rau peb cov tswvcuab. Peb siv cov ntaub ntawv no los pab kom peb nkag siab ntau dua ntxiv qhov peb cov tswvcuab xav, nyiam thiab xav tau. Pab pawg no yog tsim los ntawm lub Alliance cov tswvcuab thiab neeg cov sawv cev ntawm cov koom haum hauv lub cheeb nroog thiab hauv zej zog. Lub MSAG lub hom phiaj yog pab txhawb kev saib xyuas kev kho mob kom muaj kev sib raug zoo, muaj txiaj ntsig zoo thiab ua tau zoo rau cov tswvcuab ntawm lub Alliance. MSAG cov tswvcuab lub luag haujlwm ntau yam, suav nrog: ■ Tawm tswvyim rau Pab Neeg Sawv Cev txog cov teeb meem thiab kev txhawj xeeb ntawm cov tswvcuab thiab cov zej zog uas lawv muaj feem ntsig txog rau lub Alliance. ■ Hais lus sawv cev tam li yog cov tswvcuab ntawm lub Alliance thiab coj lawv cov kev txhawj xeeb thiab cov tswvyim los rau hauv cov rooj sib tham MSAG txhawm rau piav qhia thiab kev nqis tes ua uas muaj peev xwm ua tau. ■ Npaj txhij los mloog thiab suav sau cov lus ntawm lub Alliance cov tswvcuab uas tej zaum yuav tsis muaj lwm tus tau hnov. Cov rooj sib tham ua plaug zaug rau ib xyoos. Alliance cov ua tswvcuab hauv, lossis cov niam txiv ntawm Alliance tus ua tswvcuab, tuaj yeem tau txais $50 rau kev mus koom txhua lub rooj sib tham. Yog koj xav paub ntau ntxiv txog ntawm lub MSAG, thov sau email MSAG@ccah-alliance.org, hu lub Alliance ntawm 800-700-3874 lossis mus saib peb ntawm www.thealliance.health/hmn. Kev pov thaiv koj li ntiag tug Cov ntsiab lus hais txog kev saib xyuas fab kev noj qab haus huv yog tus kheej. Koj tsim nyog yuav muab rau lawv khaws cia li ntawd. Ntawd yog qhov laj thawj uas peb siv zog ua txhua yam raws li qhov peb tuaj yeem ua tau txhawm rau pov thaiv koj li ntiag tug. Tej zaum peb yuav nthuav qhia tawm koj cov ntaub ntawv rau kev kho mob, kev them nyiaj thiab kev saib xyuas kev noj qab haus huv yam tsis tas nug kev tso cai los ntawm koj. Ib qho piv txwv yog qhia rau tus kws muab kev pab cuab kho mob tias koj muaj cai tsim nyog los koom ua lub Alliance ib tus tswvcuab yog li ntawd tus kws pab kho mob thiaj mob siab kho tau koj. Muaj lwm yam xwm txheej uas tej zaum peb kuj tseem yuav tau nthuav qhia tawm cov ntaub ntawv yam tsis tau txais kev tso cai los ntawm koj. Cov no yog raug txiav txim los ntawm txoj cai lij choj. Yog tias muaj wm tus neeg nug peb txog koj cov ntaub ntawv, koj yuav tsum hais tias tsis ua li cas ua ntej peb tuaj yeem muab koj cov ntaub ntawv rau lawv. Koj yuav tsum tau hais tias tsis ua cas rau peb faib tawm koj tej ntaub ntawv ntiag tug uas siv lub xov tooj lossis khoos pis tawj kom koj thiaj mus siv tau koj tej ntaub ntawv ntiag tug hauv oos lais. Peb kheev nquag saib txoj hau kev uas peb khaws koj cov ntaub ntawv cia kom muaj kev nyab xeeb tas li. Peb xav kom koj tau txais kev saib xyuas zoo thiab muaj kev thaj yeeb nyab xeeb. Yog xav paub cov ntaub ntawv ntau ntxiv txog peb cov kev ceev ntiag tug, ces saib Daim Ntawv Qhia Txog Kev Ua Kev Ceev Ntiag Tug nyob sab nraum qab ntawm koj Phau Ntawv Qhia Rau Tswvcuab/Cov Ntawv Pov Thawj Kev Pab Them Nyiaj Pov Hwm Kho Mob. Dua li ntawd lawm nws kuj tseem muaj nyob hauv peb lub vev xaib, www.thealliance.health/hmn. 5 Nyob Noj Qab Haus Huv T I B NEEG MUAJ KEV NOJ QAB HAUS HUV . NEEG ZEJ ZOG MUAJ KEV NOJ QAB HAUS HUV .
RkJQdWJsaXNoZXIy NzIxMDA=