3 / 6
tej yam yuav tau paub
Tsis txhob qhaj
cov sijhawm
teem mus ntsib
koj tus kws kho
mob
Nws yog ib lub sijhawm tseem
ceeb uas koj yuav mus ntsib koj
tus kws kho mob.
Mus txais tagnrho cov kev
kuaj xyuas, cov kev kuaj mob
thiab cov kev rov mus kuaj mob
dua uas koj yuav tsum tau kom
koj noj qab haus huv.
Muaj ib phau caij nyoog
nrog koj thiab sau cov sijhawm
uas koj tau teem rau hauv tom
qab koj teem sijhawm tag.
Phau ntawd yuav pab kom koj
nco tias lub sijhawm teem yog
thaum twg.
Yog tias koj mus tsis tau rau
lub sijhawm teem, hu rau koj
tus kws kho mob lub chaw ua
haujlwm sai li sai tau. Li no, lub
chav haujlwm thiaj li siv tau
lub sijhawm ntawd los teem
rau lwm tus neeg mob. Thiab
lawv thiaj li teem tau lwm hnub
thiab sijhawm tshiab rau koj.
Yog tias koj qhaj ntau tshaj
peb zaug lossis ntau zaus
tshaj ntawd hauv ib xyoos twg,
tej zaum tus kws kho mob
yuav txiav txim tias lawv tsis
xav txais koj lawm. Li ntawd
sim kom tsis txhob qhaj cov
sijhawm teem thiab mus raws
sijhawm. Lossis hu ua ntej
mus hloov lub sijhawm teem
yog tias muaj lwm yam dabtsi
tshwm sim. Thaum koj mus
raws li cov sijhawm teem rau
koj mus ntsib tus kws kho mob
nws yog ib yam uas tseem ceeb
heev los pab kom koj noj qab
nyob zoo.
Mus rau cov sijhawm
teem rau koj thiab yeej
ib daim gift card $50.
Koj
paub tias thaum koj mus rau
cov sijhawm teem nws yuav pab
koj noj qab haus huv. Tiamsis
tamsim no nws muaj lwm lub
ntsiab zoo kom koj mus raws li
koj cov sijhawm teem. Alliance
cov tswvcuab uas mus rau lawv
cov sijhawm teem mus ntsib
kws kho mob yuav nkag rau
txoj kev rho hmoov.
Txhua hli lub Alliance yuav
xaiv ib tug tswvcuab hauv cov
cheeb nroog—Santa Cruz,
Monterey thiab Merced—los
yeej ib daim gift card $50. Kom
koj tsim nyog yeej koj yuav
tsum tsis txhob qhaj ib lub
sijhawm teem mus ntsib tus
kws kho mob ntawm rau lub
hlis dhau los. Vim ntawd saib
xyuas zoo tias koj mus raws li
cov sijhawm teem rau koj. Tej
zaum koj yog tus yeej!
Kev sib tham nrog koj Tus
Thawj Kws Kho Mob
Thaum hais txog txoj kev pab kho mob, cov neeg mob txoj kev
koom tes tseem ceeb heev heev. Ib txoj kev uas koj yuav txhawb
nqa tau koj txoj kev pab kho mob yog los xyaum kom muaj txoj
kev sib tham zoo nrog koj Tus Thawj Kws Kho Mob (Primary Care
Provider; PCP, raws li sau hauv lus Askiv). Txoj kev sib tham kom
tseeb thiab sib tham kom ncaj ntawm koj thiab koj tus PCP yuav
pab neb sib raug zoo. Qhov no txhais tias koj yuav qhia tau tej yam
koj txhawj txog thiab paub txhua yam kom zoo los txiav txim txog
koj txoj kev pab kho mob. Peb paub tias txoj kev tham nrog koj tus
PCP yeej tsis yooj yim tas mus li. Hauv qab no yog tej co lus nug uas
yuav pab koj thiab koj tus PCP tham txog tej yam koj txhawj txog
ntawm koj txoj kev noj qab haus huv thaum koj mus ntsib nws.
Lwm cov tswv yim los pab koj:
■
■
Nqa ib daim ntawv teev tseg uas sau txog cov tshuaj uas koj
noj.
■
■
Xav seb koj puas xav nug kom ib tug phooj ywg lossis tsev
neeg nrog koj mus.
■
■
Yog tias koj yuav tsum tau ib yam dabtsi vim koj xiam oob
qhab, qhia rau koj tus PCP. Qhov no nrog rau tej yam koj yuav
tsum tau vim ib tug mob xws li kom koj caij tau koj lub laub
zaum mus los lossis cov kev pab txhais lus.
■
■
Nug seb lub chaw ua haujlwm cov cai zoo li cas rau cov
sijhawm teem uas koj qhaj. Tej co chaw ua haujlwm tsub nqi
yog tias koj qhaj ib lub sijhawm uas tau teem rau koj.
Lo lus nug
Piv txwv
Kuv pom thiab hnov
dabtsi uas kuv xav kom
tus kws kho mob kuaj?
Kuv lub pob ntseg sab laug
mob txhua zaus kuv tshuab
ntswg.
Nws pib thaum twg?
Nws pib ib vasthiv dhau los
thaum kuv pib mob khaub
thuas.
Dabtsi ua rau nws zoo
zog tuaj lossis mob
hnyav zog tuaj?
Nws mob hnyav zog tuaj
thaum kuv tshuab ntswg
thiab zoo zog tuaj thaum kuv
da dej thaum sawv ntxov.
Kuv muaj lus dabtsi
nug thiab kuv txhawj
txog dabtsi?
Thaum twg kuv mam li zoo zog
tuaj? Cov tshuaj puas ua rau
lwm cov mob tshwm sim tuaj?
(TTY: Ntaus 7-1-1)
3
nyob noj qab
haus huv