4 / 6
N
ws tseem ceeb kom koj tham tau
yooj yim nrog koj tus kws kho
mob. Yog tias neb tsis sib nkag
siab 100 feem pua txhua lub sijhawm,
nws yuav raug tau koj txoj kev kho mob.
Peb muaj ib co kws kho mob hauv peb
pab pawg kho mob uas txawj hais lwm
hom lus uas tsis yog lus Askiv xwb. Koj
nrhiav tau cov kws kho mob no hauv
koj Phau Ntawv Teev Cov Kws Kho Mob
lossis thaum koj hu rau Lub Chaw Pab
Cuam Tswvcuab.
Yog tias koj muaj teeb meem
nrog koj tus kws kho mob tham,
peb yuav pab tau koj.
Koj tsis thas
siv ib tug hauv koj lub tsev neeg lossis
cov phooj ywg los txhais lus rau koj. Koj
tsis thas tso siab kom koj tus kws kho
mob cov neeg ua haujlwm los txhais lus
rau koj, thiab. Koj muaj txoj cai los siv
ib tug kws txhais lus uas tau kawm. Lub
Alliance them rau txoj kev pab ntawm
no. Koj tus kws kho mob siv tau ib tug
xovtooj tshwj xeeb kom siv tau ib tug kws
txhais lus uas txawj hais koj hom lus. Ces
koj thiab koj tus kws kho mob mam siv
tus kws txhais lus los pab neb sib tham.
Yog tias koj yuav tsum tau siv ib tug kws
txhais lus, qhia rau koj tus kws kho mob
lub chav haujlwm thaum koj hu mus
teem sijhawm. Qhia rau lawv paub tias
koj siv hom lus twg. Nug kom lawv hu rau
Lub Alliance tus xovtooj pab txhais lus
Language Line thaum koj mus txog.
Thaum koj yog ib tug tswvcuab
nrog Alliance, koj muaj txoj cai
siv cov kev pab dawb ntawm no:
Kev pab txhais lus
nrog hom lus koj
siv los pab koj tham nrog koj tus:
Kws kho mob
Lwm tus kws pab kho mob
Qhov kev npaj pab them nqi kho mob
Feem ntau lawv yuav siv cov kws txhais
lus hauv xovtooj. Koj yuav siv tau ib tug
kws txhais lus tim ntsej tim muag rau tej
lub sijhawm tshwj xeeb. Lub Alliance yuav
tsum pom zoo ua ntej rau koj los siv cov
kws txhais lus tim ntsej tim muag.
Peb muaj cov kev pab txhais cov
ntaub ntawv
rau cov ntaub ntawv sau
thiab cov ntaub ntawv ceeb toom uas
raug koj cov kev pab them nqi kho mob
sau ua Lus Spanish thiab Lus Hmoob. Peb
kuj pab tau koj kom koj nkag siab txog
cov ntaub ntawv ntawm no thiab yog tias
koj nyeem lwm hom lus txawv.
Yog tias koj xav tau kev pab txhais lus
lossis kom koj nkag siab ib yam dabtsi
uas peb tau xa tuaj rau koj, thov hu rau
Lub Chaw Pab Cuam Tswvcuab ntawm
1-800-700-3874
. Yog tias koj hnov lus
tsis zoo lossis hais lus tsis tau, hu rau peb
tus xovtooj TTY ntawm
1-877-548-0857
.
Koj hu tau rau peb Hnub Monday mus
txog Friday, 8 teev sawv ntxov mus txog
5 teev tsaus ntuj.
lub chaw pab cuam tswvcuab
Koj tus kws kho mob puas
txawj hais koj hom lus?
nyob noj qab
haus huv
4