5 / 6
tej yam yuav tau paub
Peb mob siab ua kom tau raws li qhov koj xav tau
Peb xav kom koj zoo siab nrog koj
qhov kev npaj kho mob thiab peb
qhov kev pab saib xyuas. Tab sis
qee zaus tej zaum koj yuav tsis
zoo siab. Thaum muaj tej yam
ntawd tshwm sim, peb xav hnov
txog tej ntawd.
Yog qhov kev tsis txaus siab yog
txog koj tus kws kuaj mob lub chav
haujlwm, qhov zoo tshaj plaws ces
tham nrog lawv ua ntej. Qhia rau
ib tug neeg ua haujlwm hauv txog
qhov uas tau tshwm sim. Hais kom
nws pab daws qhov teeb meem.
Koj yuav tau ua ib yam nkaus
li no thaum mus tom lub tsev kho
mob loj yog koj muaj kev tsis txaus
siab. Thov tham nrog tus kws tu
neeg mob, tus neeg pab ua haujlwm
rau pej xeem sawd daws lossis tus
kws pab txhawb rau tus neeg mob.
Yog muaj lus nug txog cov nqi
them, hu rau lub chaw tsim cov
nuj nqi rau ntawm tus xov tooj uas
nyob ntawm koj daim ntawv nqi.
Qhia rau lawv paub hais tias koj li
kev fajseeb pab them nqi yog leej
twg. Hais kom lawv xa daim ntawv
nqi mus rau koj qhov kev fajseeb.
Yog koj txaus siab, koj tuaj
yeem qhia rau peb txog qhov teeb
meem ntawd tau. Koj tuaj yeem
hu xov tooj mus rau Lub Chaw Pab
Cuam Tswvcuab. Koj tuaj yeem
sau ib tsab ntawv xa mus lossis
sau rau daim ntawv uas nyob hauv
peb lub website hauv Internet
ntawm
www.ccah-alliance.org.
Qhia rau peb paub yog:
■
■
Koj tsis zoo siab txog qhov kev
saib xyuas uas koj tus kws kho
mob tau muab rau koj
■
■
Koj tsis txaus siab txog cov kev
pab uas koj qhov kev npaj kho
mob tau muab rau koj
■
■
Koj tsis xav tias lub chaw npaj
kho mob yuav tsis kam lees saib
xyuas rau qee yam kev pab
Ib tug neeg yuav los saib xyuas
koj qhov kev tsis txaus siab. Peb
yuav ua txhua yam raws li qhov
peb tuaj yeem pab koj tau. Yog koj
tseem tsis zoo siab tom qab peb
daws koj qhov teeb meem, peb
yuav qhia rau koj txog cov khauj
ruam uas yuav mus hais ntxiv.
Koj qhov kev txaus siab yog
ib qho tseem ceeb rau peb. Thov
qhia rau peb paub yog koj tsis
zoo siab nrog ib tug kws kho mob
lossis tsis zoo siab nrog qee yam
uas peb tau pab ua rau koj.
Kev tiv thaiv koj
tus kheej kom
tswv tsis pub lwm
tus paub txog koj
lossis koj li ntaub
ntawv kho mob
Txhua yam uas hais txog koj cov
kev kho mob yog ib qho uas tsis
xav pub lwm tus paub, thiab koj
tsim nyog xav kom ua li ntawd.
Yog vim li ntawd peb thiaj ua
txhua yam los tiv thaiv kom tsis
pub lwm tus paub txog koj lossis
koj li ntaub ntawv kho mob. Peb
yuav saib xyuas kom koj cov ntaub
ntawv raug saib xyuas kom nyab
xeeb lossis muab cia kom zoo.
Tej zaum peb yuav muab koj
cov ntaub ntawv los qhia tawm
rau kev kho mob, kev them nqi
thiab saib xyuas kev npaj kho
mob yam tsis tas tau kev tso cai
los ntawm koj. Ib qho ua piv txwv
ntawm no yog yuav tsum qhia
rau tus kws kuaj mob yog koj
tsim nyog tau txais kev pab kho
mob raws li lub Alliance ib tus
tswvcuab, yog li ntawd nws thiaj
saib xyuas koj tau. Muaj lwm yam
uas tej zaum peb yuav muab cov
ntaub ntawv siv yam tsis tas tau
kev tso cai los ntawm koj.
Tej no txoj cai lij choj yeej pub
ua tau.
Yog lwm cov neeg nug peb
txog koj cov ntaub ntawv, yog tsis
muaj raws li txoj cai lij choj pub
ua tau, koj yuav tsum POM ZOO
ua ntej peb yuav muab rau lawv.
Peb yeej saib xyuas txog qhov peb
khaws koj cov ntaub ntawv cia
kom nyab xeeb. Thiab peb tseem
yuav saib xyuas li no mus ntxiv.
Peb xav kom koj tau txais kev
saib xyuas zoo thiab muaj siab
kaj lug.
Yog koj xav paub ntxiv txog peb
cov cai tswv tsis pub lwm tus paub
txog koj lossis koj li ntaub ntawv
kho mob, thov saib Daim Ntawv
Ceev Toom txog Kev Tswv Tsis
Pub Lwm Tus Paub Txog Koj lossis
Koj Li Ntaub Ntawv Kho Mob
rau sab tom qab ntawm koj Phau
Ntawv Rau Tus Tswvcuab/Daim
Ntawv Puavpheej Hauv Kev Kho
Mob thiab Ntawv Qhia (Evidence
of Coverage; raws li sau hauv lus
Askiv). Daim ntawv ceeb toom
no kuj muaj nyob rau ntawm peb
lub website hauv Internet ntawm,
www.ccah-alliance.org.
nyob noj qab
haus huv
5