5 / 6
Y
og tias koj npaj yuav mus ntsib koj
Tus Thawj Kws Kho Mob (PCP),
lub sijhawm uas koj muaj nrog
nws yuav luv heev. Nws tseem ceeb kom
koj npaj txaus ua li ntawd koj thiaj li nug
tau ntau li ntau tau hauv lub sijhawm uas
koj muaj nrog koj tus PCP. Ntawm no yog
ib co tswvyim uas yuav pab tau koj:
1.
Nqa koj daim Alliance ID card
thiab cov npav rau lwm cov kev
fajseeb kho mob uas koj muaj
(Medicare, Blue Cross, HealthNet,
thiab tej yam xws li ntawd).
2.
Nqa koj cov ntaub ntawv kho mob
nrog koj mus.
Yog tias koj muaj cov
ntaub ntawv kho mob, nqa cov ntawd
nrog koj mus yog tias lub sijhawm teem
ntawd yog nrog ib tug PCP tshiab. Yog
tias koj tsis muaj cov ntawd, tamsim no
yog lub sijhawm zoo los pib khaws ib co
ntaub ntawv rau koj. Nco ntsoov, cov
ntaub ntawv uas qhia txog koj cov kev
kho mob yog koj li, thiab koj muaj txoj cai
tau cov ntawd. Koj thov tau cov ntawd los
ntawm txhua tus kws kho mob lossis tsev
kho mob loj uas tau kho koj yav tas los.
3.
Sau ib daim ntawv cia txog tej yam
uas koj xav tham txog nrog koj tus
PCP.
Lub sijhawm uas koj yuav tau tham
tim ntsej tim muag nrog tus PCP luv heev,
thiab tej tug tsis nco qab nug tej yam
tseem ceeb. Nws yog ib lub tswvyim kom
koj nqa ib daim ntawv uas koj tau sau txog
tej yam koj xav tham nrog koj tus PCP
nrog koj mus. Tej zaum koj yuav tsis muaj
sijhawm txaus los tham txog txhua yam
uas koj txhawj txog rau tib lub sijhawm uas
teem ntawd. Ua zoo saib tias koj sau cov
teeb meem uas tseem ceeb tshaj plaws rau
saum toj ntawm koj daim ntawv teev tseg,
Koj yuav npaj li cas rau lub
sijhawm teem mus kuaj mob
ces koj mam li muab cov uas tsis tshua
tseem ceeb puas tsawg tso rau hauv qab.
Txawm tias koj ntshai lossis txaj
muag, tsis txhob tos txog thaum lub
sijhawm yuav tag koj mam li qhia lub
ntsiab tias vim li cas koj ho mus ntsib koj
tus PCP. Tej zaum koj tus PCP twb hnov
dua los ntawm lwm tus neeg lawm, thiab
raws li txoj cai nws yuav tsum txwv tsis
pub qhia tej yam txog koj rau lwm tus.
4.
Npaj kom txaus los qhia rau koj tus
PCP tias koj txoj kev noj qab haus huv
zoo li cas lawm.
■
■
Qhia rau koj tus PCP tias koj cov tsos
mob yog dabtsi thiab nws tshwm sim
thaum twg.
■
■
Qhia rau koj tus PCP txog tej yam uas
koj pom tias yuav pab tau koj cov tsos
mob zoo zog tuaj lossis phem zog tuaj.
■
■
Qhia rau koj tus PCP txog cov tshuaj—
cov tshuaj noj siv ntawv yuav thiab cov koj
yuav koj tus kheej—uas koj niaj zaus noj.
Ib co lus nugpiv txwv uas koj nug
tau koj tus PCP yog:
■
■
Thaum twg kuv mam li zoo zog tuaj?
■
■
Kuv yuav ua li cas kom qhov no tsis
txhob rov mob dua?
■
■
Nws puas OK rau kuv mus ua haujlwm
lossis kawm ntawv?
5.
Xav seb koj puas xav coj ib tug
phooj ywg lossis tsev neeg nrog koj
mus.
Ntawm no nyob ntawm koj, tiamsis
yog tias koj ntshai txog ib tug mob uas
lawv nrhiav tau lossis yog tias koj yuav
tham txog cov kev kho mob uas lawv
muaj rau koj xaiv, tej zaum nws yuav zoo
dua yog tias koj muaj ib tug neeg uas koj
ntseeg nyob hauv lub hoob nrog koj. Tej
zaum lawv yuav pab tau koj nco txog tej
yam lus nug, li ntawd koj thiaj li tsis hnov
qab ib yam dabtsi tseem ceeb.
6.
Tsis txhob tawm mus txog txij koj
nkag siab tias koj tus PCP hais dabtsi
rau koj.
Nug koj tus PCP kom nws rov
qhia tej yam uas neb tau tham txog
thaum koj mus ntsib nws.
■
■
Yog tias koj yuav tau mus kuaj ntshav,
nug tias koj yuav mus rau qhov twg thiab
thaum twg.
■
■
Rau koj cov tshuaj, nug koj tus PCP seb
koj yuav tau noj ntau npaum li cas, heev
npaum li cas thiab ntev npaum li cas. Nug
koj tus PCP seb cov tshuaj ntawd puas ua
rau tej yam kev mob tshwm sim, cov teeb
meem lossis cov lus qhia tshwj xeeb, xws li
seb koj puas yuav tsum tau noj cov tshuaj
nrog mov lossis tsis txhob noj mov ua ntej.
■
■
Nug koj tus PCP kom nws pab qhia txog
tej yam uas koj ua tau los pab kom koj
zoo nrawm zog tuaj.
■
■
Nug koj tus PCP seb koj ua tau tej yam
dabtsi, koj yuav tsum tsis txhob ua dabtsi
thiab koj yuav tau tsum ntev npaum li cas.
■
■
Nug koj tus PCP seb dabtsi ua rau qhov
teeb meem tshwm sim thiab koj yuav ua
tau dabtsi los pab kom nws tsis txhob
tshwm sim ntxiv.
koj txoj kev tu xyuas
nyob noj qab
haus huv
5