K
oj puas tau hnov txog Alliance
Qhov Kev Pab Cuam Muab Cov
Nqi Zog Rau Tswvcuab?
Thaum pib lub xyoo no, pab pawg neeg
hauv lub Alliance Cov Kev Pab Cuam Kom
Noj Qab Haus Huv tau rho npe los yeej
ib lub tsheb kauj vab tshiab nrog rau cov
kaus mom looj thaum caij tsheb kauj vab
thiab ib lub xauv tsheb kauj vab rau cov tub
ntxhais hluas uas tau sib zog hloov los coj
ib neej uas noj qab haus huv zoo zog tuaj
kom lawv tswj tau lawv lub cev kom txhob
hnyav.
Los ntsib cov tib neeg uas muaj hmoov
heev uas tau yeej ib lub tsheb kauj vab:
Guadalupe, Oscar thiab Omar. Cov
tswvcuab no muaj npe nyob hauv qhov kev
pab cuam
Healthy Weight for Life
Program
(
Txoj Kev Pab Cuam Cia Lub Cev Hnyav
Kom Haum Yuav Pab Tau Muaj Kev Noj
Qab Nyob Zoo Mus Tag Tiam
). Qhov kev
pab cuam no yog tsim los ua haujlwm nrog
cov tsev neeg kom lawv hloov tau los coj ib
lub neej noj qab haus huv thiab los muab
khoom plig rau cov tib neeg uas tau cuag
lawv lub hom phiaj.
Oscar Ramos, ib tug uas nyob
hauv Lub Cheeb Nroog Merced
uas tau yeej:
Nrog rau nws tus kws kho
mob txoj kev pab, Nancy Adinolfi, PA-C,
MPAS, Oscar tau txais ntau lub tswv yim
los pab nws xaiv cov zaub mov uas noj qab
haus huv. Vim li ntawd, Oscar tau hloov tej
yam uas nws noj. Tamsim no nws tsis haus
dej qab zib, kua txiv hmab txiv ntoo thiab
cov khoom noj uas tsis zoo rau ib ce thiab
nws ua tsaug ntau rau nws tus kws kho
mob, Nancy.
Oscar hais tias, “Nancy yog ib tug kws
kho mob zoo heev thiab pab txhawb kuv
heev; nws pab kuv ua kom kuv qhov BMI
(txoj kev ntsuas rog hauv lub cev nrog kev
hnyav thiab kev siab) qis zog tuaj. Kuv zoo
siab heev vim tias kuv yuav caij tau kuv
lub tsheb kauj vab no mus ncig lub thaj
tsam ntawm kuv nyob kom kuv nquag.”
Guadalupe Ramirez, ib tug uas
nyob hauv Lub Cheeb Nroog
Monterey uas tau yeej:
Guadalupe
twb tsis paub tias nws muaj npe nyob
hauv qhov kev pab cuam
Healthy Weight
for Life
txog txij thaum nws tau yeej nws
daim gift card $25 thiab ib lub tsheb kauj
vab. Tamsim no nws mob siab zog tuaj los
ua kom nws noj qab haus huv xwm li nws
noj zaub thiab txiv hmab txiv ntoo ntau zog
tuaj thiab nws yuav caij nws lub tsheb kauj
vab tshiab kom nws nquag zog tuaj. Nws
niam hais tias, “Peb zoo siab los nyob nrog
ib qho kev npaj kho mob uas muaj ntau cov
kev pab cuam zoo heev.”
Omar Garcia, ib tug uas nyob
hauv Lub Cheeb Nroog Santa
Cruz uas tau yeej:
Omar nyiam siv lub
sijhawm nws muaj los nyob ua si nrog nws
tus kwv thiab los nrhiav tej yam uas nkawd
yuav ua tau kom nkawd nquag. Thaum
nws mus ntsib tus kws kho mob Michelle
Simon, MD, kom noj qab nyob zoo, tom
lub Pacific Coast Pediatric Center, Omar
thiab nws niam kawm tau ntau txoj kev
los pab kom lawv noj qab haus huv thiab
kom nkawd nquag zog tuaj. Omar hais tias
tus kws kho mob Dr. Simon yog ib tug uas
tseem ceeb tshaj plaws los pab txhawb nws
thiab ua kom nws mob siab los hloov tej
yam nws ua kom noj qab haus huv zog tuaj.
Tamsim no nws noj zaub, nquag thiab haus
dej dawb ntau zog tuaj lawm. Omar xav ua
tsaug ntau rau nws niam vim tias nws niam
tau pab txhawb nws lub zog los coj ib lub
neej uas noj qab haus huv. Omar thiab nws
tsev neeg kuj xav ua tsaug rau lub Alliance
rau cov khoom plig uas nws tau yeej. Nws
xav tias qhov kev pab cuam
Healthy Weight
for Life
yog ib txoj kev zoo heev los muab
khoom plig rau cov tswvcuab uas tau hloov
kom lawv coj tau lub neej noj qab haus huv
zog tuaj.
Koj puas xav tias koj tus menyuam yuav
tsum tsaug xa mus txais qhov kev pab
cuam
Healthy Weight for Life
? Tham nrog
koj tus kws kho mob kom koj paub ntxiv.
Yog tias koj muaj lus nug txog qhov kev pab
cuam
Healthy Weight for Life
los yog txog
lub Alliance Qhov Kev Pab Cuam Muab
Cov Nqi Zog Rau Tswvcuab, hu rau Phab
Qhia Kev Noj Qab Haus Huv tus Xov Tooj
ntawm
1-800-700-3874, ext. 5362
.
Nco nqa noj tej yam zaub mov uas zoo
rau koj, ua tus neeg nquag thiab coj ib lub
neej uas noj qab haus huv.
Oscar Ramos (saum toj)
Omar Garcia (sab laug)
Guadalupe Ramirez (hauv qab)
Alliance cov tswvcuab yeej tau cov tsheb kauj vab
thaum lawv noj qab haus huv zoo zog tuaj!
2
nyob noj qab
haus huv
cov nqi zog rau tswvcuab
